Kreditë e këqija, rritje e pandalshme

Treguesi i kredive të këqija të sistemit bankar shënoi kuotën 21.35 për qind të totalit të kredive në muajin tetor, një tendencë që vijon prej dhjetë muajsh, duke nxjerrë bllof masat aktuale të qeverisë dhe Bankës së Shqipërisë për reduktimin e kredive me probleme.

Nga Gjergj Erebara

Kreditë e këqija në sistemin bankar shqiptar u rritën në 21.35 për qind të totalit të portofolit të kredive në muajin tetor, bëhet e ditur nga të dhënat statistikore të Bankës së Shqipërisë. Kreditë e këqija janë rritur vazhdimisht që nga dhjetori i vitit 2015 duke reflektuar njëkohësisht cilësinë e keqe të portofolit si dhe ecurinë jo shumë frymëzuese të ekonomisë reale.

Në dhjetor 2015, kreditë e këqija ranë në 18.22 për qind të totalit të kredive, pas një fushate pastrimi bilancesh, në të cilën bankat me kërkesë nga Banka e Shqipërisë fshinë qindramilionë euro kredi të pakthyera prej vitesh duke i kaluar në kategorinë e aseteve të humbura. Por fshirja e kredive të këqija nuk i dha fund problemit pasi kredi të tjera ranë në kategorinë e aseteve toksike.

Problemi i kredive të këqija është konsideruar prej vitesh si pengesa kryesore për rigjallërimin e rritjes ekonomike të Shqipërisë dhe qeveria aktuale bashkë me Bankën e Shqipërisë kanë ndërmarrë disa nisma për të ulur rrezikun e bankave në kredidhënie, por masat e marra deri tani kanë qenë të paefektshme.

Në fund të muajit tetor, portofoli i kredive të dhëna nga bankat qe 532.8 miliardë lekë (rreth 3.8 miliardë euro. Nga këto, rreth 800 milionë euro, janë kreditë e klasifikuara si të këqija.

Shumica e kredive të këqija në Shqipëri lidhen me një numër të kufizuar kompanish të mëdha, emrat e të cilave mbahen sekret. Vetëm 35 kompani të mëdha vlerësohet se janë përgjegjëse për më shumë se gjysmën e kredive të këqija. Disa prej këtyre kompanive kanë hyrë në proceset e ekzekutimit të detyrueshëm të kolateraleve por ia kanë dalë me sukses të zvarrisin procedurat.

Ankand 40 milionë dollarë, Albpetrol do të shesë 167 mijë tonë naftë

16:19 Ekonomia

Shqipëria mund t’i “gëzohet” referendumit në Itali për një tjetër arsye…

12:19 Ekonomia

Indeksi i Tregtisë së Lirë, Shqipëria renditet e para në rajon

14:28 Ekonomia

Ish-drejtoresha e Tatimeve thirret në Prokurorinë e Shkodrës

13:54 Ekonomia

Ç’do bëhet me Call Center? Ministritë ulen në bisedime

09:56 Ekonomia

Ahmetaj: Alternativa e PD, të njëjtët emra, të njëjtat fytyra, të njëjtët njerëz që falimentuan vendin dy herë, tani kërkojnë mundësinë për një faliment të tretë!

18:50 Ekonomia

Ahmetaj: Kësti i 7-të për ish-të përndjekurit politik, ja kur shpërndahet

15:23 Ekonomia

Pesë kompani bashkohen për ndërtimin e parkut 50 MW që do prodhojë energji nga era në Devoll

10:38 Ekonomia

Dy gropa fiskale të Shqipërisë

09:17 Ekonomia

Qeveria mbledh 35 mln euro nga bankat, “refuzon” 63 mln euro

21:13 Ekonomia