Organi më i lartë i futbollit europian, UEFA, po përgatitet për një tjetër dënim të rëndë ndaj kampionëve të Shqipërisë, Skënderbeut, skuadër e konsideruar prej tyre si e përfshirë në një investigim për shitje ndeshjesh, shkruan agjencia amerikane e lajmeve , “Associated Press”.

Sipas saj, shefi i sektorit të integritetit dhe çështjeve disiplinore të UEFA-s, Emilio Garsia ka theksuar se vendimi për të pezulluar me një vit përjashtim nga pjesëmarrja në aktivitetet europiane ka qene thjesht një dënim provizor.

Sipas Garsias, organet disiplinore të UEFA-s janë duke konsideruar një dënim disiplinor të skuadrës Shqiptare. Gjithçka është bërë e ditur ditën e mërkurë në Gjenevë të Zvicrës, ku është zhvilluar konferenca e integritetit të sporteve. Në këtë mënyrë shpjegohet edhe vonesa kaq e gjatë e arsyetimit të vendimit të Gjykatës së Arbitrazhit Sportiv të Lozanës, raporton TCH.

Ndryshimi i hetimit të çështjes nga administrative në disiplinore ka dhe një përshkallëzim serioz të masës së ndëshkimit. Në muajin korrik të këtij viti skuadra kampione e Shqipërisë, Skënderbeu është pezulluar nga aktivitetet e Champions Leagues për sezonin 2016/2017 nga Komisioni Disiplinor i UEFA-s i bazuar në disa dyshime të forta për përfshirje të skuadrës korçare në fiksime rezultatesh.

Skënderbeu u hoq nga përballja që do të kishte me skuadrën hungareze të Ferencvarosh, ndeshje e vlefshme për raundin e dytë paraeliminator të këtij turneu. Sipas Garsias, skuadra shqiptare është e dyshuar për dy ndeshje të Champions Leagues dhe dy ndeshjeve të fazës së grupeve të kupës Europa League gjatë vitit 2015-të.

Në raportin e UEFA-s, skuadra e Skënderbeut konsiderohet si e përfshirë edhe në 50 ndeshje të ndryshme të kampionatit dhe Kupës së Shqipërisë duke filluar nga viti 2011-të.

2 komente në “Hetimi i basteve, Skënderbeu drejt një tjetër dënimi?”

Kapter baba nga burgu i Lezhes qe u ... says:

7 Dhjetor, 2016 21:17 te 9:17 pm

UEFA flet, vepron dhe denon me fakte per trukimin e ndeshjeve nga Skenderbeu, por FSHF nuk sy te shikoje dhe veshe te ndegjoje, me ne krye Duken e Krimit, ata jane vete te perfshire ne kete valle dhe bastexhinj profesioniste.
Sa te jete ne krye te FSHF Duka i Krimit, Skenderbeu vetem kampion do te dale, ekipet e tjere luajne rolon e numerorit te topit.

Përgjigjjuni
GURI I KAMJES says:

7 Prill, 2017 18:27 te 6:27 pm

“Skenderbeu” eshte viktime e letrave anonime derguar UEFA-s prej Klubit “Partizani” dhe e tifozeve te tij. Eshte hera e pare qe marrim dijeni se per te ndeshkuar nje skuader paska nje vendim provizor, i ekzekutuar e nje vendim perfundimtar. “Demi” me i madh i hamendesuar ne kete rast eshte ai i kumarxhinjve, qe te perkrahur nga FEDERBET kane ngritur zerin qe ashtu si dhe vete “Federbet” kane humbur shuma te medha nga bastet e vena. Kesisoj nuk ndodhemi para shkeljes se rregullave te “Lojes se ndershme”, por te shqetesimit per boshatisjen e xhepave te kumarxhinjve. Shoqerite e basteve kane ne themel te aktivitetit te tyre pikerisht fitimin nga bastet. Nuk shpiegohet ndryshe kur i jepen shuma te caktuara nga nje klub jashte loje nje ekipi brenda loje per te mundur ekipin kundershtar, i cili rrezikon te kaloje skuadren qe ka dhene parate. Keto shfaqje te shemtuara kryen me dijeni te plote te UEFA-s Me veprime te tilla, nuk mund te flasesh kurrsesi per lufte sportive dinjitoze. Edhe mbasi eshte dhene vendimi i ashtuquajtur” provizor”, pa asnje prove nga ato qe kerkon dhenia e drejtesise, doli se jane makinat llogaritse ato qe “vertetojne” manipulimin e ndeshjeve. Nga numeri i madh i tyre del se “Skenderbeu” paska “trukuar” çdo ndeshje. Eshte e habitshme se tani kur po i afrohemi fundit te kamionatit ngihen çeshtje te tilla per t’i prere krahet e kembet “Skenderbeut” . Prisni njehere perfundimet e hetimit . Gjithsesi prokuroria ndodhet para nje çeshtje jo te lehte. Kur prokuroria nuk pranon si prove materialet e shkruara elektronike, si do t’ia beje denimit te “Skenderbeut” qe eshte shpallur fajtor vetem prej makinave qe kurdisen nga njerzit?

Përgjigjjuni