Te fundit
Tramezzani: Ndaj Italisë, ndeshja “pasqyrë” e kuqezinjve
8 Dhjetor 2016, 16:22Sport
TEMA
Javën e ardhshme priten zhvillime në kampin kuqezi. Merret vesh se, më së fundi, presidenti Armand Duka ka vendosur për trajnerët e kombëtareve U-19 dhe U-21. Emrat e tyre pritet të jenë, respektivisht Erion Bogdani dhe Alban Bushi, pjesë e stafit të De Biazit në kombëtaren e madhe, ish-futbollistë të saj. Ndërkohë, në Itali po zhvillohen seleksionimet për talentet e rinj, çka do të bëhet edhe në Greqi.
Në krye të “ekspeditës zbuluese” të talenteve është vetë drejtori teknik i ekipeve kombëtare, Paolo Tramezzani. I kontaktuar nga “Ora News” në Peruxhia, ndihmësi i De Biazit ka folur edhe për ndeshjen e radhës kualifikuese, me Italinë, që do të luhet më 24 mars, në Palermo.
Tramezzani mendon se kjo është sfida më e përshtatshme për të treguar se jemi një skuadër që mund të shpresojmë ende në këtë fushatë eliminatoresh:
“Ndeshjet kualifikuese janë shumë të rëndësishme dhe duhet të rikuperojmë disa pikë që kemi lënë rrugës. Kundër Italisë, në mars, do të jetë pikërisht ndeshja më e duhur për të treguar që jemi një skuadër, e cila mund të shpresojë ende për verdiktin e madh. Pas shkuarjes në Europian ne po provojmë sërish surprizën. Sigurisht, do të japin maksimalen dhe më të mirën tonë. Kemi kohën e mjaftueshme për ta përgatitur në mënyrën më të mirë të mundshme këtë ndeshje dhe, pse jo, të provojmë për ta fituar atë.”
Lini një Përgjigje
Më të lexuarat
24 oret e fundit
Javen e fundit
Blog Tema
