Te fundit
Digjet makina e studio e Flori Mumajesit dhe dy makina të tjera, policia: Zjarri i qëllimshëm!
19 Dhjetor 2016, 08:15Kronika
TEMA
Zjarri në parkingun e nëndheshëm ku është djekur makina e këngëtarit të njohur Flori Mumajesi dhe dy makina të tjera ka qënë i qëllimshëm, ndonëse ende nuk janë sqaruar rrethanat e ngjarjes.
Detaje të reja dalin nga zjarri i rënë mbrëmjen e sotme në një parkim të nëndheshëm në Tiranë, ku u përfshinë nga flakët të paktën 3 automjete.
Mësohet se në mesin e tre automjeteve të shkrumbuara nga flakët edhe makina e kantautorit të famshëm Flori Mumajesi. Jo vetëm kaq, por të njëjtat burime thonë se zjarri i rënë ka përfshirë nga flakët edhe një godinë 3-katëshe në të cilën ndodhet edhe studio diskografike e këngëtarit Flori Mumajesi.
Kështu bashkë me studion e tij është përfshirë nga flakët, ndërsa edhe makina e Mumajesit që thuhet se kushton 140 mijë është djegur nga zjarri.
Deri më tani janë të panjohura shkaqet e zjarrit, por dyshohet që të jetë i qëllimshëm. Sipas burimeve dyshimet paraprake janë se zjarrëvënia është e qëllimshme dhe “shenjestra” ka qenë pikërisht makina e Mumajesit.
Ndërkohë, flitet edhe për një person të asfiksuar nga tymi në katin e tretë të godinës, i cili është dërguar me urgjencë në spital.
Në vendngjarje ndodhen 5 forca të zjarrfikësve që po punojnë për shuarjen e flakëve.
Zyrtarisht sipas policisë ngjarka ka ndodhur rreth orës 23:00, në rrugën ” Ymer Kurti”, në kryeqytet ndërsa janë evakuuar banorët e pallatit.
Njoftimi paraprak i policisë:
Rreth orës 23:00, ka rene zjarr ne nje mjet i cili ndodhej ne garazhdin e nje pallati.
Si pasoje e tymit eshte marre mase sigurie evakuimi i banoreve te pallatit.
Po punohet per sqarimin e rrethanave.
Lini një Përgjigje
Më të lexuarat
24 oret e fundit
Javen e fundit
Blog Tema
