Te fundit
Plagosi prindërit e ish-gruas, Levanti: Djali më tha se gjyshi e ngacmonte seksualisht
25 Dhjetor 2016, 10:02Kronika
TEMA
Marjan Levanti, i cili u arrestua një orë pasi plagosi me thikë prindërit dhe vëllain e ish bashkëshortes ka dhënë dëshmi kontradiktore në polici.
Mbrëmjen e së premtes, 37 vjeçari shkoi te banesa e ish gruas së tij, Elena Levanti (Kocaqi), e cila jetonte së bashku me dy prindërit dhe të vëllain e saj. Në debat e sipër, ai qëlloi me thikë ish vjehrrin Ferit Kocaqi, 72 vjeç; ish vjehrrën Qanie Kocaqi 69 vjeçe dhe ish kunatin, A.Kocaqi 47 vjeç, shkruan “Gazeta Shqiptare”.
Burime të sigurta bënë me dije se Levanti fillimisht ka pohuar para uniformave blu se djali i tij 8 vjeçar i kishte treguar se gjyshi e kishte ngacmuar atë seksualisht. Ndërsa më vonë ai i kishte fajësuar prindërit e ish bashkëshortes se kishin pasur gisht në ndarjen e tyre që nga momenti që ai ishte futur në burg për një plagosje, që e kishte kryer pak vite më parë.
Më 18 mars të 2013, Levanti plagosi me thikë komshiun e tij, 18 vjeçarin Zef Gjinin. Ngjarja ndodhi për zhurmën, ndërsa vëllai i të plagosurit, Petrit Gjini, më 26 prill të vitit 2013 hakmerret dhe i bën pritë vëllait të Marjan Levantit, Ardian Levantit, ishboksier.
Në këtë ngjarje Ardian Levanti mbeti i vrarë, ndërsa nga hetimet rezultoi se ngjarja kishte ndodhur për hakmarrje. Si autor të kësaj ngjarjeje, policia arrestoi Pjetër Gjinin. Ndërkaq, Marjan Levanti u arrestua në 2013-ën dhe ka vetëm pak muaj që ka dalë nga burgu, ndërsa bashkëshortja e tij kishte nisur procedurat e divorcit
1 komente në “Plagosi prindërit e ish-gruas, Levanti: Djali më tha se gjyshi e ngacmonte seksualisht”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Eleni Kocaqi nje grua zonje dhe eshte nga ajka e inteligjences Shqipetare .Ky kriminel psikopat nuk e ka merituar ate grua . Nuk duhet te dali nga burgu , sepse krimineli mbet kriminel .