Debutimi me Atletiko Madridin, Keidi Bare për TemA: Simeone më motivon, dua të jem gjithmonë në këtë klub

13 Janar 2017, 15:53Sport TEMA

Nga Fatjon Baze

Keidi Bare është një nga lojtarët për të cilin po flitet shumë në mediat spanjolle dhe shqiptare.

Kjo pasi lojtari që është pjesë e kombëtares shqiptare U-21, debutoi me një nga ekipet më të forta në kampionatin spanjoll, Atletikon e Madridit.

Mesfushori fierak u aktivizua nga trajneri i madrilenëve, Diego Simeone, në sfidën e Kupës së Mbretit kundër Las Palmasit këtë mesjavë.

Paraqitja e Bares mori vlersime dhe nga mediat spanjolle të cilat e cilësuan 19-vjecarin si mesfushorin ideal për skemat e Diego Simeones.

Në një prononcim për “TemA”, Keidi Bare, dha përshtypjen e tij për debutimin me ‘”Los Colchoneros”.

“Përshtypjet janë shumë të mira, jam shumë i lumtur qe shkela në atë fushë dhe që mu dha mundësia të luaja me nje nga klubet me te mira për momentin. Si fillim unë dua të falenderoj çdo njeri, trajnerin në radhë të parë që më dha mundësin. Jam i lumtur sepse nëqoftëse stërvitesh me një ekip të madh dhe me lojtar të niveleve të larta, normal që do marrësh dhe taktikat e tyre. Ndihem vërtet shumë mirë për çfarë kam arritur deri tani sepse në fund sakrifica prej shumë vitesh u realizua”

Keidi Bare rrëfeu dhe bisedën që pati me trajnerin Simeone, para aktivizimit në fushën e lojës.

“Trajneri lojtarët e ri i motovon dhe mua më motivoj dhe më dha këshillat e duhura për atë ndeshje dhe jo vetëm, pasi dhe në seancat stërvitore eshtë shumë i përpiktë”

Në fund Keidi Bare tha se objektivi i tij është që të jetë gjithmonë pjesë e skuadrës së parë të Atletiko Madridit.

“Fillimi është i vështirë, por sidoqoftë akulli u thye dhe objektivi im është që të jem gjithmonë në atë skuadër dhe të arrij rezultate të larta ne atë klub” përfundoi Bare prononcimin e tij për “TemA”.

3 komente në “Debutimi me Atletiko Madridin, Keidi Bare për TemA: Simeone më motivon, dua të jem gjithmonë në këtë klub”

fieraku4u says:

13 Janar, 2017 16:12 te 4:12 pm

NA NDERON KOMPLET FIERIN DHE FIERAKET. TE UROJ TE KESH SA ME SHUME SUKSES NE KARJER.

JE E ARTHMJA E KOMBETARES SHQIPTARE.

Përgjigjjuni
sala says:

13 Janar, 2017 16:22 te 4:22 pm

ne mos gaboi, Kejdi ishte tek ekipi Grek PANATHINAIKOS ,DHE SOT NJE NGA GAZETAT SHKRUANTE SE DO BEHEMI PISHMAN QE E PERZUME KETE LOJTAR

Përgjigjjuni
xheJ eN Bi says:

13 Janar, 2017 17:41 te 5:41 pm

sala….

Kur te le kujtesa ke internetin qe ta kujton.
Hap Keidi Bare wikipedia dhe do shohesh se ku ka luajtur .2010-2013 ka luajtur me Apollonike dhe
nga 13 ka qene me te rinjte e Atletiko ,bile edhe Kapiten skuadre tani ne fund.
Pardje hyri ne minuten e 78-te ,po dukej qe kishte emocionet e fillestarit.
Komentuesit spanjolle e permenden disa here albanezi,albanezi,po spanjisht nuk di per te
perkthyer komentet e tyre.

Përgjigjjuni