Te fundit
Paloka dhe Ed Ha Limi reflektojnë për bojkotin
17 Janar 2017, 19:53Antena
TEMA
Paloka thirri sot në mëngjes për kafe Ed Ha Limin, pas kthesës që mori Luli për çështjen e bojkotit.
-E degjove Lulin që tha nuk do bojkotojmë zgjedhjet, i tha Paloka?
-E dëgjova, tha Ed Ha Limi.
-Po si ka mundësi, ai më tha dil e thuaj nuk hyjmë në zgjedhje!
-Edhe mua, tha Ed Ha Limi.
-Po çfarë ka ndodhur, tha Paloka?
-Ka fol me Doktorin, tha Ed Ha Limi.
-Po Doktori çfarë i ka thënë, tha Paloka.
-I ka thënë, nuk ka rrugë tjetër, do hysh në zgjedhje. Ose fiton, ose humbet, por pa bë këtë betejë nuk mundesh.
-Po si ka mundësi, se Doktori nuk është aq konstruktiv, tha Paloka.
-E do në zgjedhje, tha Ed Halimi, se po nuk hyri në zgjedhje, i ngelet në derë, nuk e heq dot. Në zgjedhje e ka kollaj, se humbet dhe pastaj është në dorë të atij, nëse e heq, ose jo.
-E kuptova, tha Paloka. Po e detyron të vetëvritet d.m.th.
-Pak a shumë. tha Ed Ha Limi. Problemi është si ta marrim kthesën ne.
-Se kam problem. tha Paloka. Kemi thënë “pa numërim elektronik, nuk ka zgjedhje”, tani e kthejmë ndryshe. Themi pa zgjedhje nuk ka numërim elektronik. Kështu që përparësi u jepet zgjedhjeve.
-Ou, qenka fantastike, tha Ed Ha Limi! Nuk më kishte shkuar mendja.
-Dhe mua nga halli më shkoi në mendje, tha Paloka. Kam vuajtur tërë jetën nga nxitimi për të votuar, ikur, ose folur para kohe. Tani jam pjekur.
Lini një Përgjigje
Më të lexuarat
24 oret e fundit
Javen e fundit
Blog Tema
