Te fundit
Ditari i Megi Pjeshkës: Sherri për këngët dhe rrahja e DJ
27 Shkurt 2017, 18:52Antena
TEMA
Dita e djeshme u mbyll me rrahje. DJ që kishin vendosur në çadër, rezultoi që ishte agjent i Edi Ramës.
Ndërkohë që Luli mbaroi fjalimin dhe njerëzit po relaksoheshin, shoku im nga Laçi i tha:
-Po vërë një këngë lufte, ja q.. nënën, se ngele duke vënë këngë kot.
DJ filloi të kërkojë dhe për një minutë tha “e gjeta”!
Në çadër jehuan tingujt e këngës “Xhaketën e kuqe, jo nuk e harroj baba” të Vaçe Zelës.
-Ça o kjo këngë mor burrë, ulëriti Flamuri?
-Këngë lufte thotë këtu në Youtube, tha DJ. E këndon Vaçe Zela.
Kaq mjaftoi që dy laçianë t’i lëshoheshin sipër DJ-it me grushte e shqelma dhe ta nxirrnin jashtë.
Ai mbrohej duke bërtitur, “vetë deshët këngë lufte, vetë deshët këngë lufte”, por ata nuk ndalnin.
Pasi e shtynë jashtë çadrës me shqelma dhe grushte, dy laçianët hynë prapë brenda dhe u drejtuan nga tavolina e DJ-it.
-E kapmë dhe një spiun komunist, tha një prej tyre, dhe po kontrollonte kompjuterin e tij.
-Çfarë ka në kompjuter, pyeti tjetri?
-S’di gjë vëlla, ka shkrujt këtu në search “këngë lufte” dhe i paska dal përnjëmend kjo kënga, me “Xhaketë të kuqe”.
-Lene mor burrë se këta quajnë këngë lufte këngët komuniste. Këngë lufte është kënga për Sali Berishën:
“Djalë i rrit lart në pisha
O prite o se po vjen
O Sali Berisha.
Djalë i rritur në majë mali
O prite o se po vjen
O Azem Hajdari…”
DJ i ri që e zëvendësoi nuk po e gjente dot.
-A të vë një këngë për Che Guevarën, tha, se më tha Abi vë këngë të huaja, se na shajnë katunarë?
-Jo mor burrë se dhe ai komunist ka qenë. Krejt spiuna të komunistëve qekeni, i tha, dhe ja futi dhe atij një shpullë.
-Kërko ç’aty mos gjen ndonjë këngë për republikën e re që tha Luli.
-Është një këngë për Kreshnik Spahiun, tha DJ.
Ja ta lexoj tekstin:
“Patriot kudo që jeni
Republikë të re do keni
Kundërshtarët kudo janë
Xhama e goma më s’kanë
Boll një fjalë të thotë Luli.
Gjilpërën në gomë ta nguli
Tradhtarët porsi miu
I dënon Kreshnik Spahiu”
-A, kjo na kënaqi shpritin, tha laçiani. Shpëtove pa u rraf për atë Che Guevarën
Lini një Përgjigje
Më të lexuarat
24 oret e fundit
Javen e fundit
Blog Tema
