Te fundit
Gjermania ‘blindon’ kufijtë, ja masat e rrepta për ata që hyjnë në vend
6 Mars 2017, 11:01Bota
TEMA
Komisioni Evropian i ka inkurajuar para pak kohësh shtetet anëtare që t’i zbatojnë sipas rregullave kontrollet policore në kufi. Në një intervistë për gazetën “Bild am Sonntag”, ministri i Brendshëm Thomas de Maizière (CDU) tha se këto rregulla duhet t’i zbatojnë edhe landet.
Kontrollet e personave nga policia federale duhet të bëhen në një zonë kufitare në gjërësi prej 30 km. në brendësi të kufirit, e cila është hequr që nga futja e zonës Shengen në vitet 90-të.
“Kontrollet në këtë zonë janë një mjet i suksesshëm në luftimin e migracionit ilegal, kriminalitetit ndërkufitar dhe kontrabandimit të migrantëve ilegalë”, theksoi de Maizière. Jo vetëm policia federale por edhe ato të landeve duhet të përdorin këtë instrument.
“Kjo bëhet varësisht nga pozita gjeografike e një landi, por kontrollet duhet të bëhen me vendosmëri.” Shumë ligje kufitare përmbajnë rregullat se si duhet vepruar, shpjegon ministri. Ndërsa atje ku ka nevojë, duhet të krijohet urgjentisht edhe korniza ligjore.
Sfondi i një vendimi të këtillë është vendimi i Komisonit Evropian nga data 17 shkurt, ku thuhet se Gjermania nuk i ka shkelur rregullat e kontrolleve kufitare, me shpjegimin se ato mund të ketë qenë në kundërshtim me kodeksin e Shengenit.
Njëkohësisht janë inkurajuar të gjithë vendet e Shengenit që të ndërmarrin masat e duhura për ruajtjen e kufirit. Në Gjermani ky vendim prek 13 nga 16 landet e saj.
1 komente në “Gjermania ‘blindon’ kufijtë, ja masat e rrepta për ata që hyjnë në vend”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Deri dje gjermania po denonte veprimet e shteteve populiste si hungari ,polonia,apo cekia qe kufinjte i blinduan per te bllokuar valen e emigranteve ,tani shikoni pak !!edhe nena e emigrimit pa kufi merkelit , ju mbush rradakja qe kufinjte duhen kontrolluar .Gjermani kaloi ne pak muaj nga klithmat welcommen refugges ,ne aviona te mbushur me emigrante drejt vendeve te tyre re origjines .Simbas merkelit kjo dyndje ne gjermani do te kishte vetem grindje sociale ,por vantazhi i shultz ne sondazhe me sa duket ka dhene pergjigjen e politikes se merkelit