Te fundit
8 Marsi: Portrete nënash shqiptare, të zakonshme e të pazakonta!
8 Mars 2017, 10:47Sociale
TEMA
Ato janë punëtore e fjalëpaka, oksigjeni i familjes shqiptare por nuk mburren.
Lajtmotivi i jetës së këtij brezi nënash shqiptare: Sakrifikimi për fëmijët!
Kujtimi më i bukur? Të gjitha japin gati të njëjtën përgjigje!
Nënë Gjystina
Nënë Gjystina nga Shkodra, 65 vjeҫ, 40 vite punë si ekonomiste, ka rritur e ҫuar në shkollë të lartë katër fëmijë. Gruaja shqiptare ka vuajtur shumë për të rritur fëmijët, sot në demokraci nënat e kanë më të lehtë, thotë ajo. Kujtimi më i bukur i jetës? Lindja e djalit pas tre vajzash, asokohe nuk dallohej gjinia që në bark si sot, kujton Gjystina.
Nënë Bukurija
Nënë Bukurija nga Burreli, 67 vjeҫ ka rritur 10 fëmijë. Ngritjen në tre të natës për korrjen e grurit në kooperativë, ajo e kujton si vështirësinë më të madhe në vitet e rinisë. Sot jeton nga kopshti i saj. „I kam të miat, sallatën, domatet, qepën“. Gëzimi më i madh për të, lindja e djalit të parë. Frika se mbeteshim pa djalë ishte shumë e madhe për ne femrat, kujton ajo.
Nënë Tusha
Nënë Tusha nga Burreli, 82 vjeҫ ankohet se sot nuk ka më dashuri. Atëherë vërtet ne nuk kishim bukë, por e ndanim edhe atë ҫikë me njëri-tjetrin. Ajo kohë më pëlqente më shumë, thotë ajo. Gëzimi më i madh ishte kur linda ҫunin, gëzimi i dytë më i madh, kur lindi ҫuni i ҫunit.
Nënë Hurmaja
Nënë Hurmaja 73 vjeҫ, pensioniste nga Tirana ka rritur 6 fëmijë, sot rrit nipërit e mbesat. Megjithëse njërën këmbë e tërheq zvarrë, ajo ngrihet të gatuajë gjellën, të pastrojë shtëpinë. „Askush nuk na detyron, por femrat e kohës sonë, sikur e kanë në gjak të shërbejnë“, thotë ajo. Gëzimi më i madh, lindja e djalit, kujton ajo.
Flutura nga Tirana
Flutura, 47 vjeҫ, edukatore, rrit katër fëmijë në Tiranë. “Gjëja më e vështirë për t’u duruar qenka papunësia, gjithë jetën kam punuar, tani nuk firmos askund, të duket vetja parazit“, ankohet ajo. Gëzimi më i madh, kujton Flutura, ishte kur më pranoi babi në shtëpi, pasi u martova pa dasëm.
Nënë Mara
Nënë Mara nga Laҫi, 69 vjeҫ me 3 fëmijë, “gjithë jetën punova në ndërtim, lodhesha shumë, punë jashtë, punë në shtëpi”, rrëfen ajo. Tani kanë ardhur kohë të bukura, veҫ të kemi jetë të jetojmë, shpreson nënë Mara. Për të rritur sadopak pensionin ajo shet përditë fara luledielli në një nga rrugicat e Laҫit.
Nënë Fahrija
Nënë Fahrija, 65 vjeҫ, nga Tirana, dikur faturiste, sot në pension. Ka rritur 8 fëmijë, një grua e fortë që thotë se ankimi të lidh duart. Sot “laj, gatuaj, dua të rris nipërit e mbesat”, thotë ajo. Gëzimi më i madh për mua ka kohë, ishte lindja e djalit pas 7 vajzash, tani lumturohem të shoh si rriten nga pak mjalti i mjaltit, fëmijët e fëmijëve, thotë ajo.
4 komente në “8 Marsi: Portrete nënash shqiptare, të zakonshme e të pazakonta!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Dhe themi pastaj se perse nuk respektohet gruaja ne Shqiperi!!! Ja, shikoni keto nena shqiptare ne foto dhe lexoni opinionet e tyre!
Dy gjera bien ne sy; e para, fytyrat e tyre te vrara e te plakura para kohe dhe e dyta, mentaliteti i tyre kur pothuajse te gjitha shprehen se gezimi me i madh i tyre ishte lindja e djalit ……!!!! Kur keto nena nuk kan te njejtin gezim ne dhuraten me te madhe, lindjen e nje femije, qofte djale apo vajze, kur keto nena mitizojne superiritetin e mashkullit, atehere kuptohet se botkuptimi i shoqerise shqiptare vazhdon te ngelet ne Epoken e Mesjetes!
Europa i trajtonte me mire grate edhe ne kohen e mesjetes. Lexo pak me shume. Me mire te ishe nje grua ne shek. 17 ne perendim se nje grua ne shek 20. ne Shqiperi.
Pothuajse te gjitha grate gezim me te madh paskan patur lindjen e djemve, sidomos lindjen e djemve PAS vajzave… S’keni faj moj nena, e ju gra qe s’e quani gezim lindjen e cupes. Ne ate kohe e kete kohe qe jetojme, eshte fatkeqesi te lindesh femer, se kudo shkon te vihet shenja e barazise me “skllave”. Pacit rritur djem te mire e mirenjohes ndaj vuajtjeve tuaja, qe mos t’u pikoje buza vrer e atyre kur t’u lindin cupa.
Pemet duken nga frutat!!!!!!!!!!!