Te fundit
Sfida për Shqipërinë: Nuk jemi opozitë artificiale
7 Prill 2017, 13:45Politika
TEMA
Partia Sfida për Shqipërinë ka hedhur poshtë zërat se ajo është një opozitë artificiale që stimulohet nga Partia Socialiste për zgjedhjet e ardhshme parlamentare. Në një komunikatë për shtyp, kryetari Gjergj Bojaxhi sqaroi se qëllimi është që të largohen nga skena politike shqiptare partitë e vjetra.
Njoftim
SFIDA për Shqipërinë është krijuar në qershor të 2016-ës, pothuajse një vit më parë, përpara se Partia Demokratike të hynte në çadër apo të konsideronte të mos merrte pjesë në zgjedhje.
Si një nga anëtarët themelues të Sfidës për Shqipërinë, dua ta bëj mëse të qartë për të gjithë publikun shqiptar, se lëvizja jonë lindi për t’iu kundërvënë të gjitha partive të vjetra, duke filluar nga PS-ja, PD-ja e LSI-ja, e duke përfunduar te Partia Komuniste.
Ne jemi të bindur se partitë e vjetra kanë zhvilluar një maskaradë pluraliste në çerekshekullin e fundit, ku kanë ndërruar pushtetin me njëra tjetrën në darka dhe takime të fshehta e publike, duke filluar nga darka famëkeqe e Firences më 1992, mes Nanos e Berishës.
Këtë maskaradë pluraliste e kanë mbajtur gjallë e ushqyer biznesmenë, gazetarë e figura të errta të malavitës, të cilët kanë përfituar vazhdimisht nga ajo, pavarsisht se kush ka qenë në pushtet.
Shembulli më i freskët është Divjaka, ku oligarkët “e majtë” e “të djathtë” janë ulur këmbëkryq bashkë dhe po e degradojnë atë me ndërtimet e tyre, duke ndërhyrë tek pjesa e mbrojtur me ligj.
Sfida për Shqipërinë do të futet në garën elektorale (kurdo që të zhvillohet ajo e cilado qeveri qoftë kur të zhvillohet) me objektivin e qartë që të përfaqësojë votat e shqiptarëve të zhgënjyer nga partitë e vjetra, si dhe nga biznesmenët, gazetarët dhe figurat e errta të malavitës që i mbajnë gjallë e i ushqejnë ato.
Ne nuk jemi futur në sprint, jemi në maratonë – nuk do të ndalemi deri në ditën kur shumica e shqiptarëve ta kenë kuptuar se Shqipëria ka nevojë për parti të reja/ndryshe politike, për një rend të vërtetë demokratik dhe për një ekonomi të vërtetë tregu të lirë.
2 komente në “Sfida për Shqipërinë: Nuk jemi opozitë artificiale”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me seriozja e pergjegjeshmja dhe largpamesja levizje jashte kuvendit sot!
Suksese!
Z Bojaxhi eshte e drejta juaj te merrni pjese ne zgjedhje, e madje ju uroj te merrni sa me shume vende ne parlament, per te zevendesuar ato parti te vjetra qe me se shumti I kane ber dem dhe vazhdojne ti bejne ketij vendi.