Te fundit
Zidane qëndron te Reali, në stol edhe sezonin e ardhshëm
17 Prill 2017, 14:51Sport
TEMA
Pak ditë më parë Zinedine Zidane në konferencën për shtyp përpara derbit të Madridit ndaj Atleticos, deklaroi se nuk ka programuar asgjë për të ardhmen, pasi nuk e di nëse do të jetë ai trajneri i Realit edhe sezonin e ardhshëm.
Por me Los Blancos që kryesojnë La Ligan dhe kanë hedhur të madh përpara drejt kualifikimit për në gjysmëfinalet e Championsit, qëndrimi i Zidane në drejtimin e klubit merengues edhe për të paktën 1 tjetër sezon duket i sigurtë.
Presidenti Florentino Perez ka besim te francezi i cili në vetëm pak muaj fitoi 3 trofe me Los Blancos. Sipas asaj që raporton e përditshmja madrilene Marca, Zidane do të qëndrojë në krye të Realit cfarëdo që të ndodhë në këtë sezon.
Edhe nëse skuadra nuk triumfon as në La Liga e as në Champions League, Perez nuk do ta largojë francezin për të emëruar në krye të ekipit një tjetër trajner.
Presidenti e vlerëson jashtëzakonisht ish mesfushorin për atë cfarë ka arritur gjatë 1 viti e pak në stolin e Los Blancos dhe për frymën që ka futur në skuadër.
44-vjecari nga Marseille, ka një kontratë deri në vitin 2018 me klubin merengues dhe sipas të gjitha gjasave Zidane do të jetë pjesë e skuadrës madrilene edhe sezonin e ardhshëm, madje në muajt në vazhdim atij mund të rinovohet edhe kontrata.
Lini një Përgjigje
Më të lexuarat
24 oret e fundit
Javen e fundit
Blog Tema
