Është ndarë nga jeta në moshën 68-vjeçare ish futbollisti i mirënjohur i skuadrës së Partizanit Gjergji Thaka.
Në vitet 1968 – 1978, Thaka ka qenë pjesëtar i ekipit të futbollit “Partizani“.
Me këtë skuadër është shpallur kampion kombëtar, fitues i Kupës së Shqipërisë dhe Fitues i Kupës Ballkanike. Gjithashtu ai ka qenë trajner moshash (kampion me të rinjtë) dhe trajner i ekipit të Partizanit.
Për 7 vite Thaka ka mbuluar edhe poste drejtues në klubin e kuq , zv/shef dhe drejtor i klubit “Partizani“.
Nga viti 1999-2002, Thaka ka qenë edhe punonjës i Federatës Shqiptare të Futbollit.