Fati do kapur prej brirësh, or Lul, përndryshe...

Nga Altin Ketro

Kjo frazë që e kam vendosur si titull me erdhi ndërmend nga një përrallë që kam lexuar dikur, në vegjëlinë time, teksa bluaja në mendje fatin që i ka rrëshkitur prej duarsh Lulzim Bashës ditët e fundit. Duhet të jesh politikan me nuhatje të hollë dhe inteligjent për të kapur në kohë fatin që të vjen në derë, sepse po s’e bëre në çast, ai ikën e s’të vjen më. Siç kemi shkruar shumë herë këto kohë mbi krizën që nisi prej bojkoti të parlamentit prej PD-së dhe ngritjes së çadrës në bulevard, Lulzim Basha e nisi rrugëtimin me kërkesa maksimaliste që e bënin të vështirë miratimin e tyre prej kundërshtarëve në qeveri. Por, kjo u mendua si një taktikë për të kapur sa më shumë avantazhe në dobi të opozitës, edhe pa arritur në dorëheqjen e kryeministrit Rama dhe formimit të një qeverie teknike. Fundja, kryesore për opozitën ishin garantimi i zgjedhje të lira e të ndershme dhe do mjaftonin mekanizmat e duhura që opozita të kishte akses në to, dhe mendohej se kjo do të ishte e pranueshme prej saj.

Lulzim Basha këmbënguli në të vetën dhe hodhi poshtë një paketë të shkëlqyer për të, të ofruar nga ndërmjetësi McAllister. Ajo paketë praktikisht nuk ishte në favor të kryeministrit Rama, bile deri diku ishte turpëruese për të, pasi arrinte, përpos të tjerave, të pranonte deri edhe ministra të dakordësuar prej opozitës.

Lulzim Basha hoqi dorë edhe prej lëshimeve të tjera që kryeministri Rama bëri gjatë dy takimeve të organizuara nga Presidenti Nishani, ku opozitës i jepeshin mundësi të pa imagjinueshme më parë deri në rang zëvendëskryeministri si dhe drejtimin e një task-force me anëtarë nga BE, SHBA dhe OSBE për monitorin e zgjedhjeve në çdo qelizë.

Teksa ndiqja këtë lider anakronik të hiqte dorë prej kaq shumë avantazhesh, m’u desh të kthehem në retrospektivë disa vite pas, atëherë kur Edi Rama ngriti i pari çadrën në bulevard në të cilën zhvilloi një grevë urie. Ajo grevë kishte si kërkesë kryesore hapjen e kutive të materialeve zgjedhore për zgjedhjet parlamentare të vitit 2009, ku Rama pretendonte se ishin të manipuluara.

Ndoshta shumë prej jush do e keni harruar se me çfarë shkaku Edi Rama pranoi të dilte nga çadra dhe të ndërpriste grevën e urisë. Ju lutem, të nderuar lexues, vetëpërmbahuni se mos pësoni infarkt nga e qeshura; Edi Rama doli nga çadra vetëm sepse kryeministri Sali Berisha pranoi të hante një darkë më të në restorant “Krokodili”, në praninë edhe të dy përfaqësuesve të BE-së. Edhe në këtë moment e kam përpara syve se si Edi Rama, për dhjetë minuta rresht aty në çadër e mbështeti kokën në supin e kryetarit të grevës së urisë, Fatmir Xhafaj, dhe ashtu përqafuar e falënderonte pa pushim. Kjo ka ndodhur vetëm 7 vjet më parë, por për atë kohë, fakti që kryeministri Berisha pranonte të hante darkë me liderin e opozitës konsiderohej prej saj një fitore e jashtëzakonshme me përmasa historike. Kaq ishin pretendimet e Edi Ramës dhe Partisë Socialiste atëherë, vetëm që kryeministri i kohët t’i takonte pasi kish refuzuar ta bënte këtë për gati 3 javë të grevës. Edhe për vetë Sali Berishën ky ishte një lëshim dhe nder shumë i madh që i bëhej opozitës, sepse për të opozita dhe lideri i saj ishin diçka e pavlerë që as duheshin begenisur. Dhe, pasi doli nga çadra dhe hëngrën darkën e “Krokodilit”, ku Berisha nuk pranoi assesi të hapte kutitë, e dini çfarë arriti Rama nga ai takim? Zero rezultat, sepse Berisha me t’u kthyer në Shqipëri urdhëroi KQZ-në t’i digjte fletët e votimit dhe kjo e fundit e zbatoi urdhrin duke e kryer djegien me benzinë të fletëve, drejtpërdrejt në televizion.

Djegia e atyre fletëve praktikisht i dha të drejtë Edi Ramës të pretendonte se nuk i kish humbur zgjedhjet, por Berisha nuk ia dha mundësinë t’i dokumentonte. Berisha nuk e pranoi hapjen e kutive sepse nuk kishte besim se ishte kryer një proces i pastër, se mos diku do ishte njollosur procesi e kësisoj hidheshin në erë vetë zgjedhjet. Kjo është frika e atij që e ka mizën nën kësulë dhe e di që procesi nuk ka qenë i drejtë. Pavarësisht këtyre, Edi Rama hyri në zgjedhjet e viteve 2011 e 2013 dhe e mundi Berishën. Kurse sot Rama i ka afruar kaq shumë mundësi kontrolli e transparence opozitës, sepse është i qetë dhe i sigurt në fitoren e tij. E mbi të gjitha, se është i vendosur për të bërë një proces të pastër e të ndershëm, për të marrë vetëm ato vota që i takojnë, pa i hyrë në hak asnjë partie tjetër.

Si përfundim dua të theksoj se mjafton të krahasojmë se me çfarë oferte dilte atëherë nga çadra Edi Rama, dhe me çfarë ofertash nuk del sot prej çadre Lulzim Basha, për të parë se sa vite dritë janë larg njëri – tjetrit Rama me Bashën. Do mjaftojë qoftë edhe gatishmëria e Edi Ramës për të lëshuar pushtet vetëm që opozita të ndjehet e sigurt në procesin zgjedhor, duke e krahasuar këtë me çfarë merrte opozita e dikurshme, për t’u bindur përfundimisht se Edi Rama është kryeministri që i duhet këtij vendi. Është kryeministri i përgjegjshëm që bëri çmos deri në sekondën e fundit që të mos e linte opozitën jashtë zgjedhjeve. Në fund të fundit, i dha shansin e artë ta kapte fatin prej brirësh që të mos vetë shkatërrohej…

Monika Kryemadhi: Isha kundër paktit PS-LSI, frikë se Rama nuk do i qëndronte besnik Metës. Rrëfej puthjen e parë...

09:15 Politika

Kandidatët për deputetë, në 'sitë' për lidhje me Sigurimin e Shtetit. Dosjet e UDB janë zhdukur...

08:44 Politika

Andi Bushati: Në Kavajë të përdoren mjete të dhunëshme,...pasi nuk ka mënyrë tjetër

01:06 Politika 1 koment

E PLOTE/ Shpjegimi i Edi Ramës për takimin me Bashën dhe ofertën për opozitën

23:23 Politika

Blushi: "PD nuk ka mbështetje popullore, do vijë duke u dobësuar.”Lubonja: Situate qesharake

23:03 Politika

Shehi: S’ka më shpresë, po humbet terren dhe fryma e moderuar në PD

22:45 Politika

Blushi: Rama dhe Basha do bashkëqeverisin pas një viti

22:09 Politika

NEGOCIATAT/ Oferta e Ramës, një zv.kryeministër demokrat për zgjedhje. Oferta e Bashës, qeveri teknike me Ramën kryeministër

22:06 Politika

A është tërhequr Basha nga kërkesa për dorëheqjen e Ramës?

21:43 Politika

Basha flet pas takimit me Ramën si në çadër: Nuk më ofroi asgjë…

21:17 Politika