Te fundit
Monitorim nga ajri për kanabis, ja rezultatet për qarkun Dibër
12 Qershor 2017, 17:22Kronika
TEMA
Qarku i Dibrës ishte stacioni i radhës i policisë për të monitoruar nga ajri parandalimin e kultivimit të lëndëve narkotike.
Efektiveve të policisë, u ishin bashkuar edhe Inspektorati i Policisë Pyjore, ndërsa zonat ku u krye kontrolli ishin Burreli, Bulqiza, Lura, Dibra e Peshkopia.
Për rreth 90 minuta helikopteri i policisë ka përshkruar të gjithë zonën ku të paktën nga ajri nuk evidentua asnjë parcelë e mbjellë.
Drejtori për hetimin e krimeve në policisë Josif Shtëmbari thotë se monitorimi ka nisur që prej një muaji, ndërsa janë të pakta vendet ku ka rezultuar këtë vit kultivimi i kësaj bime
“Në Qarkun e Vlorës janë identifikuar disa parcela të vogla, por të kufizuara. Kemi patur në zonën e Krujës, në numër të kufizuar por përsëri janë asgjësuar,” tha Shtëmbari.
Zyrtari i Lartë i Policisë siguron se monitorimi do te vijoje edhe gjatë ditëve të fushatës zgjedhore pavarësisht angazhimeve të tjera të policisë
“Strukturat e policisë janë shumë të angazhuara dhe shumë të mbingarkuara me detyra jo vetëm sigurimin e rendit për fushatën zgjedhore, por detyrë prioritare përveç fushatës zgjedhore është edhe kontrolli i territorit për kultivimin e bimëve narkotike,” shprehet Shtëmbari.
Një vit më parë edhe në qarkun e Dibrës u evidentuan parcela të mbjella me lëndë narkotike të cilat u shkatërruan nga policia.
1 komente në “Monitorim nga ajri për kanabis, ja rezultatet për qarkun Dibër”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Cope injorantesh ,jane helikoptera te ushtrise ,qe do te thote qe Kodheli nderit te “kombit” s do t ia jepte me asgje ne bote