Te fundit
Pakistan, 120 persona vdesin nga një zjarr masiv
25 Qershor 2017, 15:34Bota
TEMA
Më shumë se 120 persona kanë vdekur dhe shumë të tjerë janë lënduar në një autostradë në jugperëndim të qytetit të Multan, Pakistan, pasi një kamion cisternë me karburant u përmbys dhe shkaktoi një zjarr masiv.
Kamioni u përmbys në mëngjesin e ditës së sotme pasi ngasësi i kamionit e humbi kontrollin.
Kreu i ekipit të shpëtimit në provincën e Punjabit, Rizëan Naseer, është cituar të ketë thënë, se shumë persona tashmë janë vështirë të identifikueshëm, si shkak i zjarrit të madh.
Zyrtari i lartë i qeverisë lokale, Rana Mohammad Saleem Afzal, i ka thënë televizionit shtetëror se numri i të vdekurve ka shkuar në 123 ndërsa më shumë se 100 janë të lënduar.
Ushtria paksitaneze ka deklaruar se do të dërgojë disa helikopterë për të larguar të lënduarit nga vendi i ngjarjes.
Televizioni Geo, ka cituar disa dëshitarë të cilët kanë thënë se disa persona kanë qenë duke konsumuar duhan, çka sipas tyre mund të ketë qenë shkaku i nisjes së zjarrit.
Lini një Përgjigje
Më të lexuarat
24 oret e fundit
Javen e fundit
Blog Tema
