Te fundit
DOSSIER/ Ramiz Alia: Te lejohet te shfaqet drama qe i kanë pezulluar Dritëro Agollit
12 Korrik 2017, 09:08Dossier
TEMA
Ekskluzive: Libri i Kaloçit publikon dokumentin arkivor të vitit 1976, ku Ramiz Alia urdhëron që të lejohet shafqja e dramës “Mosha e Bardhë” e Agollit që ishte pezulluar nga sekretari i parë i Korçës, Llambi Ziçishti
Nga Dashnor Kaloçi
Edhe pse ishte kryetar i Lidhjes së Shkrimtarëve dhe Artistëve, deputet i Kuvendit Popullor, anëtar i Komitetit Qëndror të PPSH-së, dhe një nga shkrimtarët më të famshëm jo vetëm në Shqipëri por edhe jashtë ku ishin përkthyer disa vepra të tij, partia “nuk bënte lëshime”, dhe nuk toleronte të shkelje vijë e saj?! Kështu ka ndodhur me Dritëro Agollin, (i njohur ndryshe dhe i konsideruar si partiarku i letrave shqipe) në vitin 1976, gjë e cila bëhet e ditur edhe nga ky dokumenti që po publikojmë në këtë pjesëtë librit. Ai është një shkresë zyrtare që mban datën 14 prill 1976, ku instruktori i aparatit të Komitetit Qëndror, Ismail Hoxha, informon eprorin e tij direct, Ramiz Alia, lidhur me një problem “që u ka dalë me shokët e Teatrit të Korçës’, të cilët nuk janë të qartë sepse është pezulluar pjesa “Mosha e bardhë” e Dritëro Agollit?! Gjë e cila sipas tij, ishte pezulluar nga sekretari i Parë i Komitetit të Partisë së rrethit të Korçës, Mihallaq Ziçishti?! Dhe mbi atë dokumet (shiko faksimilen përkatëse) që është firmosur edhe nga Jakup Mato, (asokohe shefi kryesor për Letërsinë dhe Artet në aparatin e Komitetit Qëndror), Ramiz Alia ka vënë shënimin e tij, ku duket se ka qenë mjaft dashamirës me Agollin. Gjë e cila rrallë duket në dokumente të tjera arkivore me autorë të tjerë me problem të kësaj natyre, pra për vepra të ndaluara apo të pezulluara?! Ndoshta kjo, pasi në vendimin e “shokëve të Korçës”, ai ka parë një nonsens?! Gjë e cila duket edhe në shënimin e tij: “Pjesa e Agollit, nëse vlen
për Korçën, vlen dhe për githë Shqipërinë”. Dokumenti publikohet i plotë ashtu siç ndodhet në dosjen përkatëse në Arkivin Qëndror të Shtetit.
Letra e Ismal Hoxhës për Ramiz Alinë
Shoku Ramiz
Jam informuar për pjesën “Mosha e Bardhë”
që ka vënë në skenë teatri “Çajupi”,
por që nga shokët e Korçës ky spektakël
nuk lejohet të çfaqet përveçse në Korçë
dhe diku aty afër.
Siç na kanë thënë, çështja qëndron kështu:
Kur u shfaq në fillim kjo pjesë, shoku
Mihallaq Ziçishti ka qenë dakord,
Por më vonë ka ndëruar mendim.
Ai ka dhënë porosi që pjesa të mos
çfaqet jashtë rrethit, me pretekstin se
Ka në të gjëra që duhen të korigjohen
Po ç’korigjime duhet të bëhen ende mbi
veprën, këtë kolektivi i teatrit nuk
e ka të qartë. Ata kanë kërkuar të sqarohen,
por nuk po sqarohen. Kësisoj është
krijuar një situatë pakënaqësie.
Shokët e sektorit të teatrit në Ministri
e kanë parë këtë spektakël dhe mos shfaqjen
e tij jashtë rrethit të Korçës e konsiderojnë
jo të drejtë. Por edhe këta janë mjaftuar me kaq.
mendoj t’i themi Ministrisë të sqarohen
me shokët e rrethit, në mënyrë që të
mos bllokohet vepra.
Ismaili
…………………………………………………………………………………………………………….
Shënimi i Ramiz Alisë
Shokët e Ministrisë duhet të na thonë
në rast se pjesa nuk vlen, nuk vlen as
për në Korçë, o pjesa është e mirë
dhe ahere vlen për në Korçë dhe për
gjithë Shqipërinë.
1 komente në “DOSSIER/ Ramiz Alia: Te lejohet te shfaqet drama qe i kanë pezulluar Dritëro Agollit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ore doni me e bo te persekutum ket pleren qe vdiq…avash se po e boni antikomunist mo keq se ismail kardareja