Te fundit
Vjedhja e Thesarit/ Kapet ish-punonjësi i Bankës së Shqipërisë pas 1 vit e 4 muaj në arrati
31 Korrik 2017, 12:47Kronika
TEMA
Polici ka vënë në pranga Emiljano Lamçe, ish-punonjesin e Thesarit në Bankën e Shqipërisë, i cili ishte shpallur në kërkim pasi ishte dënuar me burg nga gjykata e shkallës së parë në Tiranë dhe ajo e Apelit.
Lamçe, është kapur sot nga Policia në Tushemisht Pogradec teksa tentonte që të kalonete kufirin për në Maqedoni.
Sipas njoftimit të Policisë, është ndaluar një shtetas në kërkim i dënuar me 1 vit e 4 muaj burg për veprën penale “Shpërdorimi i detyrës”.
Shërbimet e Policisë në Pikën e Kalimit Kufitar Tushemisht, në dalje të Republikës së Shqipërisë, bënë ndalimin e shtetasit në kërkim Emiljano Lamçe, 35 vjeç, banues në Tiranë.
Ndalimi i tij u bë pasi, Gjykata e Rrethit Gjyqësor Tiranë me vendim nr 1819 datë 27.05.2015 (lënë në fuqi nga Gjykata e Apelit Tiranë më datë 22.09.2016 ) e ka dënuar këtë shtetas me 1 vit e 4 muaj burg për veprën penale: “Shpërdorimi i detyrës” parashikuar nga neni 248 i Kodit Penal.
Veprimet e mëtejshme proceduriale lidhur me këtë rast do të kryhen nga Drejtoria Vendore e Policisë Tiranë.
Lini një Përgjigje
Më të lexuarat
24 oret e fundit
Javen e fundit
Blog Tema
