Te fundit
Tragjedi në Shkodër, mbyten dy fëmijë. Shpëtojnë pesë të tjerë
17 Gusht 2017, 18:19Kronika
TEMA
Dy të mitur janë mbytur në ujërat e Liqenit të Shkodrës ditën e enjte.
Të miturit, 13 dhe 15 vjeç, nga fshati Gruemirë dhe kushërinj me njëri -tjetrin kishin shkuar në liqen për t’u shpëtuar temperaturave të larta.
Në vendngjarje kanë mbërritur polumbarët që kanë gjetur trupat e pajetë të tyre 50 metra larg bregut.
Bashkë me të kanë qenë dhe 5 të mitur të tjerë, që kanë shpëtuar.
Njoftimi i policisë:
Me datë 17.08.2017, rreth orës 16:00, ka ardhur një telefonatë në Sallën Operative të Komisariatit të Policisë Malësi e Madhe se në Liqenin e Shkodrës, në vendin quajtur Grilë, territor i Malësisë së Madhe, janë mbytur në liqen dy fëmijë.
Menjëherë ka shkuar shërbimet e policisë në vendngjarje ku ka rezultuar se ishin mbytur shtetasit E. T.,13 vjeç dhe S. T. 15 vjeç, banues në fshatin Gruemirë (kushërinj me njëri tjetrin,)
Nga informacionet paraprake mesohet se 7 shtetas ishin futur në liqen ku kishin hipur në një varkë të vogël dhe kur kanë arritur në thellësi janë hedhur në ujë për t’u larë.
Varkën e ka marrë rrjedha e liqenit, ku 5 shtetas kanë mundur të dalin në breg të liqenit ndërsa dy shtatasit e lartpërmendur janë mbytur.
Shërbimet e Policisë së bashku me disa banorë të fshatit rreth orës 17: 45 kanë bërë të mundur nxjerrjen e trupave të pajetë nga liqeni.
Grupi hetimor po vijon punën për zbardhjen e plotë të rrethanave të ngjarjes.
Lini një Përgjigje
Më të lexuarat
24 oret e fundit
Javen e fundit
Blog Tema
