Barcelona ka vazhduar me formën e mirë në La Liga, pavarësisht mungesës së Luis Suarez.
Të besuarit e Ernesto Valverdes morën tri pikë falë magjisë së Leo Messit, që shënoi në minutën e 55’ dhe 66’ për rezultatin përfundimtar 2-0.
Ky rezultat mund të ishte më i thellë nëse pesë herë fituesi i “Topit të Artë” nuk do ta kishte humbur penaltinë në pjesën e parë.
Në këtë ndeshje debutoi edhe blerja e re, Paulinho.
Me këto dy gola, Messi shkoi në kuotën e 351 golave në kampionat në vetëm 384 ndeshje, duke u bërë lojtari i dytë në top pesë ligat Evropiane që arrin një shifër të tillë me të njëjtin klub.
I pari është Gerd Müller me 365 finalizime në Ligë me Bayern Munich.