Te fundit
Rama për ministrat dhe qeverinë e re: Do monitoroheni! Nëse s’bëni punë, shkarkoheni. Ja 4 objektivat e mandatit të ardhshëm
8 Shtator 2017, 21:00Politika
TEMA
Kryeministri Edi Rama ka folur sonte për qeverinë e re dhe objektivat e saj në 4-vjeçarin e ardhshëm që nis pas disa ditësh.
Në një intervistë në emisionin “Përballë” në TVSH me gazetarin Lutfi Dervishi, Rama përmendi rritjen ekonomike, një politikë të re në fshat dhe vijimin e reformave në arsim e shëndetësi.
“Është një objektiv madhor transformimi i marrëdhënies së shtetit me qytetarët në funksion të qytetarëve duke pasur parasysh domosdoshmërinë për të lehtësuar barrën e burokracisë dhe përmes ristrukturimit të mekanizmit të shtetit nga ai i marrëdhënieve me qytetarët. Objektivat shkojnë më tej.
Duke iu referuar objektivit të rritjes ekonomike që ne synojmë të prekë dhe kapërcejë 5% në fund të 2019-ës duke vazhduar me shtrirjen e mëtejshme të një politike të re në fshat kur kemi pasur shenja inkurajuese të rritjes së eksporteve por ku ka potencial shumë të madh. Sigurisht dhe duke thelluar më tej reformat në shëndetësi dhe arsim që janë jetike”, deklaroi kryeministri.
Në lidhje me retorikën e kryeministrit për ndryshime dhe kritikat mbi administratën, Rama tha se është një komunikim i hapur dhe i drejtpërdrejt.
“Është qasje realiste dhe është po ashtu një komunikim i hapur i drejtpërdrejt, i sinqertë me njerëzit se cila është situata dhe se cilat besoj janë sfidat dhe fushat e betejës në reforma që duhet të shtrihen brenda zyrave të shtetit”, tha ai.
Kryeministri Rama ka thënë sse ministrat e qeverisë së re do të vlerësohen në bazë të performancave dhe do shkarkohen nëse ato do të jenë të dobëta.
Ky ishte edhe si një lloj paralajmërimi për ministrat e rinj, të cilët sipas Ramës duhet të fokusohen te përbushja e objektivave të vendosura më herët.
“Ne kemi punuar gjatë gjithë këtyre ditëve për të caktuar objektiva konkretë për çdo ministri, për t’ kalendarizuar, proceset për arritjen e këtyre objektivave dhe mbi bazën e këtij kalendarizimi ne po hartojmë për herë të parë besoj në historinë e qeverisjes të gjithë këtyre viteve, kontratat e perfomancës për çdo ministër dhe pastaj do të zbresim edhe për çdo zvministër dhe për çdo drejtues në sektorë të caktuar.
Mbi bazën e këtyre kontratave të performancës të cilat janë kontrata të matshme, do të gjykohet edhe puna e çdo ministri, e çdo zëvendësministri dhe çdo drejtuesi në sektorë apo agjensi të caktuara që do të ketë objektiva konkretë dhe një kalendar pune të përcaktuar”, tha Rama.
Pjese nga intervista:
Lutfi Dervishi: Do ta nis emisionin Përballë me disa fjalë që nuk janë të miat: “Ne jetojmë në një shtet torturues procedurash. Të marrësh një shërbim në Shqipëri, është njësoj si të kalosh në nivele të ndryshme persekutimi… Inspektoriate pa fund, …sepse ne i quajmë inspekoriate. Janë banda.
Nëse flasim për shëndetësi, “po të bëjmë një krahasim të nivelit të higjienës dhe të nivelit të gatishmërisë së personelit nuk jemi 27 vjet përpara, por jemi 270 vjet mbrapa”.
Ndokush prej jush mund të mendojë se kjo është një retorikë politike e liderit të opozitës. Jo. Janë fjalët e kryeministrit të vendit, që më 25 qershor ka fituar i vetëm një mandat të dytë qeverisës. Për herë të parë në këto 25 vjet kryeministri ka vendosur të qeverisë pa aleatë.
Sonte në Përballë, është kryeministri që kërkoi nga votuesit më 25 qershor të kishte timonin vetëm. Nëse do të përdornim një metaforë, intervista është me timonierin. Që duket se kërkon diçka më shumë se timonin,…të kontrollojë edhe frenat.
Sonte do të flasim për objektivat e mandatit të dytë qeverisës, për ata objektiva që duke huazuar fjalët e kryeministrit “do të kërkojë pikën e fundit të djersës”.
Zoti Kryeministër, duke ju ndjekur gjatë fushatës elektorale, por edhe gjatë muajve të verës, nëse do të përdornim cinizmin, nga retorika juaj duket se nuk keni qenë asnjë ditë në qeveri. është zgjedhje e qëllimshme?
Kjo është thjesht një qasje realiste ndaj situatës së sektorëve dhe në tërësi ndaj qeverisjes dhe është po ashtu një komunikim I hapur, I drejtpërdrjtë, I sinqertë me njerëzit, cila është situate dhe cilat besoj se janë sfidat dhe fushat e betejës në një front të gjerë reformash që duhet të shtrihen tanimë nbrenda trupit të qeverisjes, brenda zyrave të shtetit.
Cilat janë objektivat tuaja qeverisës për këtë mandat?
Duke ju referuar atyre që ju zgjodhët të citoni në çeljen e emisionit mund të them se është një objektiv madhor transformim madhor I marrëdhënies së shtetit me qytetarët, në funksion të qytetarëve, duke patur parasysh domosdoshmërinë për të lehtësuar maksimalisht barrën e burokracisë për qytetarët dhe nga ana tjetër përmes ristrukurimit rrënjësor të mekanizmit të shtetit duke filluar nga mekanizmi I shërbimeve për qytetarët, pastaj natyrisht që objektivat shkojnë edhe përtej.
Duke ju referuar për shembull objektivit shumë të rëndësishëm të rritjes ekonomike që ne synojmë të prekë dhe të kapërcejë 5% në fund të vitit 2019, duke vazhduar me shtrirjen e mëtejshme të një politike të re në fshat, ku kemi patur shenja inkurajuese të rritjes së eksporteve, po ku ka një potencial shumë të madh dhe pa diskutim duke thelluar më tej, reformat në arsim dhe në shëndetësi si dy fusha të një rëndësie jetike për të sotmen dhe për të ardhmen e vendit.
3 komente në “Rama për ministrat dhe qeverinë e re: Do monitoroheni! Nëse s’bëni punë, shkarkoheni. Ja 4 objektivat e mandatit të ardhshëm”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Dy kunguj ne nje sqetull nu mbahen,
Minister dhe deputet ??, pse si kujtoni ju se do ta bojne punen kto deputetministra???
Keto jane lloqe Kavaje
Ministri detyren e merr dhe e pranon vete qe te beje detyren, por ne rast se nuk e bene detyren atehere ju thoni qe do shkarkohet. Po kjo nuk eshte asgje, se ministri betohet qe do beje punen ne menyren e duhur dhe ne se nuk e bene duhet te kete masa penale dhe jo thjeshte nje shkarkim nga detyra, kjo nuk eshte mase perballe pergjegjesise qe ai ka marre per te drejtuar nje dikaster apo diku tjeter. Po e ilustroje me nje shembull te thjeshte: produktet blektorale dhe bujqesore qe tregetohen sote dihet se si perfundojne te konsumatori qe ne thelb perbejne krime kunder njerezimit, por nje minister atje ka shkuar dhe ka marre pergjegjesit per te vene rregull dhe si e till ai duhet te pergjigjet jo thjeshte me doreheqje apo shkarkim nga detyra,por me ndjekje penale, ai detyren nuk e ka marre me imponim por me deshire, atehere si mund te vihet rregull ne vendin tone ,ne te gjithe sektoret pa perjashtim, ne se mos vendosja e rregullit ne dikasteret qe drejtojne ministrat apo drejtoret e drejtorive e keshtu me radhe deri te bashkite e seksionet e saj nuk perballen me kodin penal, qofte edhe nje restorant apo sherbim qe nuk pret faturen tatimore atehere vendi do ngelet ne kuadrin e llafeve, pavaresisht deshires per te vene rregulle, detyrat duhet te shoqerohen me masa penale, me qellim qe kushdo te mos ta quaje privilegje qenien minister apo drejtor por pergjegjesi shteterore qe duhet te coje ne perballjen me kodin penal ne se nuk bejen ne menyren e duhur detyren e te lihen menjan metodat shqiptare ku drejtori apo ministeri merre keshilletare bashkeshorten apo dike tjeter te familjes, ato jane detyra me pergjegjesi te larte shteterore dhe si te tilla duhet te trajtohen e garantohen edhe me pasojat ligjore, vendi nuk mund te eci perpara pa masa te tilla ligjore, per te ndertuar realisht jo nje shtet shokesh e miqesh por nje shtet te se drejtes ne sherbim te qytetareve dhe te vendit