Neymar i është rikthyer edhe njëherë temës së largimit të tij nga skuadra e Barcelonës për tu transferuar në kampionatin francez tek PSG.
Sulmuesi Brazilian i cili është transferimi më i shtrenjtë në historinë e futbollit, tha se ka kaluar tek PSG-ja për të bërë historinë më këtë skuadër.
“Arsyeja më e madhe që i jam bashkuar klubit është se dua ta ndihmoj PSG-në të shkruajë histori. Liga e Kampionëve nuk është trofeu i vetëm që duam ta fitojmë, por është trofe i rëndësishëm. Synimi është që të triumfojmë dhe besoj se kemi skuadër për të fituar tituj”, u shpreh Neymar.
Neymar theu rekord historik sa i përket transferimeve, duke kaluar nga Barcelona te Paris Saint Germaini për 222 milionë euro, ku përfiton 30 milionë euro në sezon.