Te fundit
PD kundër seancës parlamentare "pyetje-përgjigje": Duam debate, do të bëjmë opozitë të vërtetë
11 Shtator 2017, 16:00Politika
TEMA
Partia Demokratike ka njoftuar se nuk do të bëhet pjesë e diskutimeve në seancën plenare të ditës së sotme duke theksuar se kërkon debate dhe jo pyetje përgjigje mes opozitës dhe mazhorancës.
Deklarata e plotë
Vazhdimi i seancës në orën 18.00 sipas proçedurës së rregullores së Parlamentit lejon vetëm depozitimin e pyetjeve me shkrim pa të drejtën e replikës apo debatit.
Eksperienca dhe historiku i këtyre seancave ka treguar që, drejtimi i pyetjeve pa mundësi për debat është keqpërdorur për të marrë kohën e një propagande elektorale.
Koha e përgjigjeve asnjëherë nuk i ka shërbyer qartësimit programor për qytetarët, por ka favorizuar reklamën e propagandën e kryeministrit.
Partia Demokratike do të bëjë opozitë të vërtetë dhe përmbajtësore. Partia Demokratike nuk do t’i japë asnjë shans kësaj maxhorance të keqpërdorë kohën në favor të publiciteteve varfëruese për shqiptarët.
Për rrjedhojë vendimi i Grupit Parlamentar i Partisë Demokratike, është të mos drejtojë pyetje që i japin mundësi propagandës qeveritare.
Pyetjet dhe çështjet që shqetësojnë qytetarët do të ngrihen gjatë seancës së debatit ku secili deputet do të ketë mundësinë të mbrojë gjatë fjalës së tij qëndrimet dhe argumentet në favor të qytetarëve.
Lini një Përgjigje
Më të lexuarat
24 oret e fundit
Javen e fundit
Blog Tema
