Te fundit
Programi i "Rama 2": Plani i ri për taksat, të gjithë ata që përfitojnë
11 Shtator 2017, 11:23Ekonomia
TEMA
Pas zerimit të taksës për fitimin për biznesin e vogël dhe përgjysmimit të taksës për biznesin e mesëm, në mandatin e ri, qeveria “Rama 2” pritet që të sjellë një reduktim të mëtejshëm të taksave në vend.
Katër vjet më parë, me aplikimin e taksës progresive u reduktuan tatimet për të gjithë qytetarët me të ardhura të ulta, por në programin e ri, tashmë do të përfitojnë edhe qytetarët me të ardhura të mesme e të larta.
Një prej zotimeve kryesore të programit është reduktimi i taksës së të ardhurave personale nga 23%, në 18%.
Gjithashtu, shtresa me të ardhura të mesme dhe të larta do të përfitojë nga reduktimi i taksës mbi dividentin, që do të ulet në 6%.
Pas reduktimit në 6% të taksës së turizmit, në muajin prill, tashmë do të aplikohet një taksë tejet e ulët, prej vetëm 5% edhe për të gjithë sektorin e teknologjisë së informacionit, një prej sektorëve me potencialin më të lartë të punësimit dhe të zhvillimit në vend.
Në paketën e ardhshme fiskale, gjithashtu është parashikuar që të shtohen masat për lehtësimin dhe thjeshtësimin e procedurave, shumë prej të cilave do të unifikohen apo do të dixhitalizohen.
Një rëndësi e shtuar do t’i kushtohet gjatë mandatit të ardhshëm edhe familjeve në nevojë, sidomos përsa i përket politikave të strehimit dhe ndihmës për blerjen e shtëpisë së parë.
4 komente në “Programi i “Rama 2”: Plani i ri për taksat, të gjithë ata që përfitojnë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Taksat me te ulta do i japin nje shtyse bizneseve. bravo
Ky program permban ate cfare vertet i duhet shqiptareve, taksa me te ulta dhe nje perkujdesje me te madhe per familjet ne nevoje. suksesee
Ky eshte nje program qe lehteson dhe i lejon te marrin frym te gjitha shtresat gje qe nuk ka qene. Bravo qeverise qe vazhdon tja mbylli gojen ata qe na shiten sikur interesohen per popullin.
Bravo