Te fundit
Dosja e plotë e Prokurorisë: Ja për çfarë akuzohet Saimir Tahiri dhe përse kërkojmë arrestimin e tij
19 Tetor 2017, 19:50Politika
TEMA
Kjo është kërkesa e Prokurorisë, drejtuar Kuvendit, për Saimir Tahirin.
Prokuroria jep argumentet e saj, se përse duhet t’i hiqet imuniteti Tahirit.
Dosja që është dorëzuar sot nga Prokuroria në Kuvendin e Shqipërisë
Të nderuar zonja e zotërinj deputetë!
Prokuroria pranë Gjykatës së Shkallës së Parë për Krime të Rënda, Tiranë mbi bazën e informacioneve të bëra publike, ka regjistruar procedimin penal me Nr. 313, të vitit 2017, për kryerjen e veprës penale: 1. “Trafikimi i narkotikëve” kryer në bashkëpunim, në formë të posaçme të grupit të strukturuar kriminal, parashikuar nga nenet 283/a/2 dhe 333/a të Kodit Penal të Republikës së Shqipërisë,2. “Korrupsioni pasiv i funksionarëve të lartë shtetërorë ose i të zgjedhurve vendorë’’, parashikuar nga neni 260 i Kodit Penal. në ngarkim të shtetasit Saimir Tahiri, i biri i Bashkimit dhe i Luiza, lindur më 30.10.1979, në Tiranë dhe banues në Tiranë.
A. Rrethanat proceduriale
Me datë 17.10.2017 në bazë të të dhënave të bëra publike Prokuroria pranë Gjykatës së Shkallës së Parë për Krime të Rënda, Tiranë konform nenit 287 të Kodit të Procedurës Penale i cili parashikon se ‘Prokurori shënon në regjistër çdo njoftim të veprës penale që i vjen ose që ka marrë me iniciativën e vet dhe në të njëjtën kohë ose nga momenti në të cilin rezulton, emrin e personit të cilit i atribuohet vepra penale’, ka regjistruar procedimin penal me Nr 313 të vitit 2017 për veprat penale të “Trafikimi i narkotikëve” kryer në bashkëpunim, në formë të posaçme të grupit të strukturuar kriminal, parashikuar nga nenet 283/a/2 dhe 333/a të Kodit Penal të Republikës së Shqipërisë, “Korrupsioni pasiv i funksionarëve të lartë shtetërorë ose i të zgjedhurve vendorë’’, parashikuar nga neni 260 i Kodit Penal,në ngarkim të personit në hetim:
Sajmir TAHIRI, i biri i Bashkim dhe i Luiza, i dtl 30.10.1979, banues në Tiranë dhe banues në Tiranë, dhe për veprat penale të “Trafikimi i narkotikëve” kryer në bashkëpunim, në formë të posaçme të grupit të strukturuar kriminal, parashikuar nga nenet 283/a/2 dhe 333/a të Kodit Penal të Republikës së Shqipërisë, dhe “Korrupsioni aktiv i funksionarëve të lartë shtetërorë ose i të zgjedhurve vendorë’’, parashikuar nga neni 245 i Kodit Penal,për personat në hetim Mosisi Habilaj, i biri i Ciko dhe Zenepe, i dtl 18.01.1978, lindur dhe banues në Vlorë, Florian Habilaj, i biri i Ciko dhe i Zenepe, i dtl 10.11.1980, Artan Habilaj etj. Në lidhje me këto fakte penale dhe për subjektet Moisi Habilaj, Florian Habilaj, Artan Habilaj, Armand Kocerri, etj, nga Prokuroria Pranë Gjykatës së Shkallës së Parë për Krime të Rënda, është zhvilluar hetimi në rang të procedimeve penale me Nr 134 të vitit 2016 dhe 164 të vitit 2017.
Konform nenit 79 të Kodit të Procedurës Penale me datë 18.10.2017 Prokuroria pranë Gjykatës së Shkallës së Parë për Krime të Rënda, Tiranë ka vendosur bashkimin e procedimeve penale me Nr 134 të vitit 2016, 164 të vitit 2017 dhe 313 të vitit 2017 në një procedim të vetëm dhe konkretisht procedimin penal me Nr 134 të vitit 2016. Për hetimet që po zhvillohen në funksion të procedimit penal me Nr 134 të vitit 2016, për shkak të bashkimit të procedimeve rezulton të jetë shënuar emri i personit në hetim Saimir Tahiri, deputet i Kuvendit të Shqipërisë, si person i dyshuar për kryerjen e veprave penale:“Trafikimi i narkotikëve” kryer në bashkëpunim, në formë të posaçme të grupit të strukturuar kriminal, parashikuar nga nenet 283/a/2 dhe 333/a të Kodit Penal të Republikës së Shqipërisë, dhe “Korrupsioni pasiv i funksionarëve të lartë shtetërorë ose i të zgjedhurve vendorë’’, parashikuar nga neni 260 i Kodit Penal. Sa më sipër, Prokuroria pranë Gjykatës së Shkallës së Parë për Krime të Rënda, Tiranë, në rang të procedimeve të lidhura, është kompetente në ushtrimin e ndjekjes penale në raport me rastin konform parashikimeve ligjore të nenit 285 të Ligjit nr 35/2017.
B. Rrethanat e faktit Nga ana e autoriteteve italiane të drejtësisë është arrestuar personi në hetim Moisi Habilaj, etj, të dyshuar për kryerjen e veprave penale të Tarfikimi i narkotikëve, kryer në bashkëpunim, në formë të posacme në rang të grupit të strukturuar kriminal. Arrestimi i këtij shtetasi është bërë në funksion të hetimeve që autoritetet italiane të drejtësisë po zhvillojnë në lidhje me kapjen dhe sekuestrimin e sasisë prej 3.5 tonësh lëndë narkotike e llojit Cannabis Sativa.
Nga hetimet rezulton se ky shtetas në bashkëpunim me persona të tjerë të cilët ushtrojnë funksione publike në Republikën e Shqipërisë ka arritur të trafikojë për jashtë shtetit me destinacion Italinë sasi të konsiderueshme lënde narkotike. Si rezultat i veprimeve hetimore të kryera është arritur të zbulohet se personi në hetim Moisi Habilaj dhe bashkëpunëtorët e tij kanë bashkëpunuar me zyrtarë të lartë të policisë së shtetit ku si person i dyshuar është dhe ish Ministri i Brendshëm, personi në hetim Saimir Tahiri.
Personi në hetim Moisi Habilaj në bashkëpunim me persona të tjerë duke përfituar nga lidhjet e ngushta me ish Ministrin e Brendshëm dhe kundrejt shëprblimeve kanë arritur të bëjnë të mundur kultivimin e sasive të konsiderueshme të lëndës narkotike, transportimin e tyre në mënyrë të organizuar me destinacion jashtë vendit. Në dijeni të këtyre detajeve dhe me veprime aktive dyshohet të ketë vepruar dhe ish Ministri i Brendshëm Saimir Tahiri, i cili ka siguruar paprekshmërinë e veprimtarisë kriminale të grupit të strukturuar kriminal. E gjithë veprimtaria kriminale mbështetej në bashkëpunimin e grupit kriminal me strukturat e policisë së shtetit, ku përfitimet direkte monetare shkonin tek ish Ministri i Brendshëm Saimir Tahiri.
Nga veprimet e deritanishme hetimore të kryera rezulton se: – Është kapur dhe sekuestruar një sasi e konsiderueshme lënde narkotike, në masën prej rreth 3.5 ton lëndë narkotike e llojit Cannabis Sativa nga autoritetet italiane të drejtësisë të dyshuara si të trafikuara nga grupi kriminal Moisi Habilaj etj.- Me datë 18.10.2017 është kapur dhe sekuestruar një sasi lënde narkotike prej 3.978 ton (tre tonë e 978 nëntëqind e shtatëdhjetë e tetë kg), e llojit Cannabis Sativa, në banesën e shtetasit në hetim Armand Koçerri, bashkëpunëtor i shtetasve Moisi Habilaj, Florjan Habilaj etj. –
Subjektet e dyshuara Moisi Habilaj etj, në komunikimet telefonike dhe bisedat ambientale që rezultojnë nga përgjimet e bëra ndërmejt tyre rezulton të pasqyrojnë detaje të cilat tregojnë përfshirjen në veprimtarinë kriminale të shtetasit në hetim Saimir Tahiri.- Subjektet e dyshuara Moisi Habilaj etj, në komunikimet e bëra ndërmejt tyre rezulton të pasqyrojnë detaje të cilat tregojnë shpërblimet që i japin ish Ministrit të Brendshëm Saimir Tahiri në funksion të realizimit të veprimtarisë së tyre. – Subjekti në hetim Saimir Tahiri me datë 05.11.2013 ka realizuar shitjen e automjetit me targa AA003GB, tek personi në hetim Artan Habilaj, vëllai i të arrestuarit Moisi Habilaj. – Me datë 16.08.2014, 30.08.2014, 29.08.2014, 08.08.2014, personi në hetim Saimir Tahiri udhëton dhe përdor mjetin me targa AA003GB, i cili sipas aktit të shitjes rezulton të jetë shitur me datë 05.11.2013.
Në këto udhëtime rezulton që personi në hetim Saimir Tahiri ka qënë i shoqëruar nga subjektet e tjera të dyshuara Artan Habilaj, etj. Nisur nga sa më sipër, në kushtet e sekuestrimit të lëndës narkotike, dhënies së shpërblimeve nga grupi kriminal funksionarëve të lartë zyrtarë, mbajtjes së kontakteve të vazhdueshme me ish Ministrin e Brendshëm Saimir Tahiri, ekziston një dyshim i arsyeshëm i bazuar në prova për ekzistencën e veprimtarisë kriminale dhe përfshirjes në këtë veprimtari të të dyshuarit Saimir Tahiri. Nga detajet e analizuara ka dyshime se ndodhemi para elementëve të figurave te veprave penale të “Trafikimi i narkotikëve” kryer në bashkëpunim, në formë të posaçme të grupit të strukturuar kriminal, parashikuar nga nenet 283/a/2 dhe 333/a të Kodit Penal të Republikës së Shqipërisë, “Korrupsioni pasiv i funksionarëve të lartë shtetërorë ose i të zgjedhurve vendorë’’, parashikuar nga nenet 260 të Kodit Penal, dhe “Korrupsioni aktiv i funksionarëve të lartë shtetërorë ose i të zgjedhurve vendorë’’, parashikuar nga nenet 245 i Kodit Penal, për të cilat është në hetim shtetasi Saimir Tahiri, deputet i Kuvendit të Republikës së Shqipërisë, për nenet 283/a/2, 333/a dhe 260 të Kodit Penal.
Në këto kushte është e domosdoshme që në kuadër të ushtrimit të ndjekjes penale, dhe kur shihet e nevojshme që ndaj një deputeti duhet të caktohet masa e sigurimit të arrestit në burg, ose në shtëpi, heqja e lirisë në cfarëdo lloj forme, kontrolli personal ose i banesës, konform nenit 288 të Kodit të Procedurës Penale, prokurori kërkon autorizim nga Kuvendi.Për sa më sipër, ju drejtohemi me këtë kërkese me objekt dhënia e autorizimit për arrestimin ose heqjen e lirisë së deputetit të Kuvendit të Shqipërisë Saimir TAHIRI.
Të nderuar zj./z.Deputetë!Me qëllim për t’i hapur rrugë një hetimi të plotë dhe të gjithanshëm nga ana e Prokurorisë, bazuar në nenet 73/2 të Kushtëtutës se RSH-së dhe 288 të Kodit të Procedurës Penale të Republikës së Shqipërisë, kërkojmë nga Ju dhënien e autorizimit për arrestimin ose heqjen e lirisë, kontrollin personal ose të banesës, së deputetit të Kuvendit të Shqipërisë, shtetasit Saimir TAHIRI.
Duke ju falenderuar për bashkëpunimin!
DREJTUESI I PROKURORISË
BESIM HAJDARMATAJ
13 komente në “Dosja e plotë e Prokurorisë: Ja për çfarë akuzohet Saimir Tahiri dhe përse kërkojmë arrestimin e tij”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk ka asgje te re nga thashethemet e ketyre diteve.
Do te pefundoje e gjitha si nje tullumbace te shpuar.
ja si vonohet “vetingu” i famshem..dhe ka per derigjent,Edrogen ,kokelopen e Bandat e Hajdareve…apo jo o milet,leg en?
Edhe lopa e merr vesh qe Tahiri nuk arrestohet dot ne baze te “dyshimit”. (te arsyeshem – my ass)
Sepse me pas I bie qe te arrestosh te parin Saliun me pjellat e tij. E pas tij Meten me 11 halet e Lalzit.
Keshtu qe Tahiri nuk arrestohet se nuk ia mban bytha njeriu te krijoje nje precedent te tille.
Flini gjume dele!
Ky Tahiri, sipas teveqeleve, eshte kapur me mall apo thjesht eshte permendur ne llafe pazari!? Ai tjetri ka depozituar prova dhe emra konkret per aferen e cez dhe nuk leviz njeri.
Nuk ka drejtesi akoma edhe per ca kohe…fatkeqsisht.
Gjeja me e mire eshte te hetoje prokuroria italiane. Te pakten ata arrestojne pasi kane hetuar.
Sa bukur !!!! Komtroll banese ?????!!!!!! E befasishme ! cfare vlere ka ky kontroll pasi e lajmeron se do te te kontrolloj pas tre kater ditesh !!!!!!
Ne.burg. te brhet shembull.per te tjeret
Arrest per dyshime??? Kta prokuroret e Saliut nuk marrin as mundimin ta maskojne budallallekun e tyre.
Problem analfabetësh.
Nje gje eshte e sigurte kur te shikohet litari ne qafen e Saliut, Lulit,Fatmirit, Xenit,dhe Like floririt atehere do te arrestohet dhe Tahiri.
Prokuroria jone nuk kerkon arrestime kur ka video e audio si prove, kur ka nje vullkan-Gerdec si prove, kur ka nje marreveshje ( tradhetie )me firme e me vule si prove , por sapo ka nje dyshim ( siç thote dhe komentuesi Shvejk ) fap nxjere kerkesen per arrest . Prapa skene hijenat po zgerdhihen se u erdhi momenti per hakmarrje …Me nje goditje vrasin dy zogj : 1- Mundohen ti heqin nje nga shtyllat Rilindjes me shprese se bie dhe ze Ramen brenda ; 2- Me ne fund vemendja e opinionit , politikes,drejtesise nuk eshte e perqendruar tek ata dhe shpaten e Vetingut e shmangen ( per momentin ) nga vetja .
Per fatin e keq te Shqiperise ata jane mjeshtra ne krijimin e situatave esplozive , diversiveve ( ka shume : qe nga 2 prilli etj. rrezimi i avionit ne Divjake…) Rilindasit e sotem jane qullashe … Edhe pse jane peshtyre ne fytyre ( kujtoni parlamentin e kaluar ) , ata fshijne fytyren me menge dhe zvarriten perpara .
Ore keta te prokurorrise jane profesioniste apo kriminele apo debile se ne kete shkrese une nuk shikoj implikim te Tahirit.Se u ka shit makinen dhe paska hipe edhe tre here ne makine nuk do te thote se ka qene pjese e grupit kriminal.Nese del fiasko prokurori e gjyqtari duhet te shkojne ne gjyq per veten e tyre.As me plas per Tahirin por nuk shoh prova kunder tij.
Drejtesia ben mir qe kerkon hetiin e ish ministrit te brendeshem Tahiri edhe pse ben gabim kur shprehet restim, ne fjales kerkojm heqjen e imunitetit per hetim.
Sajmir Tahiri , ska ber krim kunder jnerzimit, Ska vrar njeri, ska vjedhur banken e shtetit, apo private. Dyshohet per bashkepunim , kjo do hetuar mir jo nga emocjonet e castit, kerkesat e opozites qe ate pun ka te kritikoi e te rezoi pushtetin, per te ardhr vet sa me par.
Drejtesia ka parimet, kushtetuten, ligjet dhe keto ti interpretoi drejt dhe jo ne menyr selektive, esht i majt dha ajde ti biem kokes.
Ne vendin ton, u vran me mijra qytetar se Berisha urdheroi hapjen e depove telufttarake te ushtris, pasojat e kesaj tragjedie i shikojm thuajse cdo jave ne krimet e vrasjeve, sa per larje esapesh, edhe ne familje dhe Kjo drejtesi smori mundimin ta hetoi , jo ta denoi Berishen.etj………etj akuza penale.
Ish ministri i mbrojtjes Mediu dhe djali i Berishs si sekser apo kordinator, vran ne Gerdec 26 qytetar, plagosen 300 te tjer, shkretuan nje fshat dhe shum biznese qe i kushtuan buxheit te shtetit, meqene se ishte krim shteteror miliona dollar per rindertim, Fatmiri ne vend te hetimit u gradua nga Berisha u be deputet me imunitet , ndersa SHkelzeni , si i biri i kryeministrit gezon milionat pa i yur nje gjemb nder kembe.
Keshtu mund te vazhdojm me Lulezim Bashen, Ju mbyll vjedhja e 230 mlion Erove ne rrugen e kombit, qe u be shkel e shko dhe sesht ber akoma, se do miliona dollar te tjera., SHiti detin Greqis. Me urdher, apo pa urdher, mvaresit e ti, vran kater qytetar me duar ne xhep, Ka firmosur shitjen e detit Greqis, Ka ber thirje antikushtetuse per dhune e rezim me arm te qeveris Rama. dhe sot ben thirje, per denime e rezim te qeveris ,sikur te jet i pa perlyer me asnje krim dhe akuze penale.
Prandaj shpresojm dhe deshrojm qe drejtesia sdote ndikohet nga akuzat qe duhen hetuar me ndermeri e profesjonalizem , jo me selektivitet, esht i majt, apo i djatht.
As e njoh dhe as dua ta njoh Sajmir Tahirin, apo nonje politikan tjeter. Por nje gje theksoj. Policia e shtetit ne keto kater vite ndryshoi renjesisht ne sjelljen me qytetaret, ne raport me kohen e qeveris Berisha, ku kishim frik te vinim ne vendin ton, per aresye te keqesjelljes te policeve neper Rruget e SHqiperis Kjo sjellje ne keto vite u arua.
SHpresojm nje hetim te ndercem e te drejt dhe jo selsktiv.
po nuk u fut ne burg ILIR KOKELOPA DHE PLAKU I VIçIDOLIT, ai vend nuk ben perpara, keta te dy jane e keqja e ketij vendi.