Te fundit
Shqipëria, rekord botëror: Në 2015-n, konsumi i kokainës arriti në 3.7% të popullsisë. Në një vit numri i përdoruesve u rrit me 48%
24 Tetor 2017, 09:19Kronika
TEMA
Zyra për Drogën dhe Krimet e Kombeve të Bashkuara (UNODC), bëri të ditur së fundmi se Shqipëria është vendi që ka prevalencën vjetore më të lartë të përdorimit të kokainës në botë, me 2.5% të popullsisë nga mosha 15-64 vjeç.
Pas Shqipërisë, përdorimin më të larë të kokainës e kanë Shtetet e Bashkuara të Amerikës, me një prevalencë prej 2.3%. Më pas renditen shtetet e Mbretërisë së Bashkuar (Skocia 2.34%, Anglia dhe Uellsi 2.25%. Spanja është e treta në Europë, me prevalencë 2.2%. Nga shtetet e tjera në botë ka një përdorim të lartë të kokainës në Australi (2.1%), Uruguai (1.8%), Kili (1.73%). Interesant është që Kolumbia, një nga prodhuesit më të mëdhenj, ka një prevalencë të ulët prej 0.7%.
UNODC i referohej të dhënave zyrtare që i ishin raportuar nga Instituti i Shëndetit Publik për vitin 2014 (shiko hartën më poshtë).
Instituti i Shëndetit Publik ka përditësuar tashmë të dhënat për vitin 2015, ku rezulton se tendenca e përdorimit të kokainës ka një rritje të ndjeshme në vetëm 1 vit, duke u shkëputur dukshëm nga shtetet pas nesh në renditje.
Prevalenca gjatë jetës e kokainës për Shqipërinë, nga të dhënat e mbledhura në “Studimin Europian mbi Përdorimin e Alkoolit dhe Drogave”, ishte 3.7% për popullsinë e grup-moshës 15-64 vjeç, sipas të dhënave zyrtare nga Instituti i Shëndetit Publik, të bëra të ditura për Monitor. Në vetëm një vit, prevalenca e përdorimit është rritur me 1.2 pikë përqindje, ndërsa në krahasim me vitin 2011 është rritur me 2.1 pikë përqindjeje.
Në vlerë absolute, bazuar në përqindjen e përdoruesve dhe të dhënat e popullsisë, numri i përdoruesve gjatë jetës të kokainës u rrit në 2015-n me 48%, krahasuar me të dhënat e një viti më parë, për grupmoshën nga 15-64 vjeç.
Të dhënat e vitit 2015, të vëna në dispozicion për “Monitor” në gusht të këtij viti, nga Instituti i Shëndetit Publik tregojnë se ka një rritje të prevalencës gjatë jetës për pothuajse të gjitha drogat ilegale.
Rritje të prevalencës gjatë jetës kanë njohur edhe drogat e tjera të forta, si heroina, ku gjatë 2015-s prevalenca ishte 1.7%, nga 0.7% në 2011-n.
Në total, sipas të dhënave të vëna në dispozicion nga Instituti i Shëndetit Publik prevalenca gjatë jetës e të gjitha drogave ilegale ishte 15.3%, nga 13.3% në 2011-n.
Pse po rritet përdorimi
Rritja e përdorimit të drogave më të forta lidhet me shtimin vitet e fundit të konsumit të kanabisit, që është faza primare drejt kalimit drejt narkotikëve të tjerë, si kokaina, ose heroina, me çmimet e ulëta, por edhe me lehtësinë e gjetjes së këtyre produkteve.
Të rinjtë pjesa më e rrezikuar
Sipas të dhënave nga sondazhi i fundit i Institutit të Shëndetit Publik 11.7% e grup moshës 15 deri në 34 vjeç kanë provuar të paktën një herë në jetë kanabis dhe 4.7% kokainën.
Të dhënat janë edhe më shqetësuese për të rinjtë, që kanë raportuar përdorim të kanabisit dhe kokainës të paktën një herë në muaj. Shëndeti Publik ka raportuar se prevalenca e përdorueseve të cilët kishin provuar kanabis në muajin e fundit është 4.1%, ndërsa e kokainës 1.4%.
Statistikat tregojnë se përqindja e madhe e personave që janë në trajtim me metadon (substancë që përdorët për trajtimin e varësisë nga heroina), drogën e parë të eksperimentit kanë pasur hashashin dhe më pas kanë kaluar në përdorimin e drogave të tjera më të rënda si kokaina dhe heroina.
Ervin Toçi, ekspert në Institutin e Shëndetit Publik dhe koordinator për Shqipërinë në Qendrën Europiane për Monitorim e Drogave dhe Varësisë nga Droga (EMCDDA) thotë se grupi më i brishtë për përdorimin e drogave të jashtëligjshme është grupmosha 15-34 vjeç.
Sqarim: Me prevalencë gjatë jetës kuptohet pjesa e popullsisë që në një pikë gjatë jetës së tyre (deri në momentin e deklarimit) kanë provuar (përjetuar) diçka. Të dhënat për prevalencën e përdorimit të drogave për të gjithë popullsinë janë mbledhur me anë të anketave, ku grupet kanë mbledhur të dhëna nga terreni. Ndërsa prevalenca e përdorimit te të rinjtë është mbledhur me anë të anketave në shkolla.(Monitor)
5 komente në “Shqipëria, rekord botëror: Në 2015-n, konsumi i kokainës arriti në 3.7% të popullsisë. Në një vit numri i përdoruesve u rrit me 48%”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jane ne vehte keta te huaj qe i besojne te dhenave te Institutit te Shendetit publik te Shqiperise ku jane te punesuar vetem agronome e veterinere qe gjithe diten e kalojne ne kafe duke pire raki dhe shikojne ku te vjelin ndonje gjobe.
e ka thon sala vet
“jemi kampjon bote
kampjon te vertet.
Si çdo çudi ne vendin tim, jam dhe çudia e shifrave qe japin dhe sidomos kur i japin te huajt apo organizata “prestigjoze”. Nga nxirren shifrat qe shqiptaret konsumojne kaq e aq kokaine? Cilat jane statistikat dhe ku e kane burimin kur nuk dihet sakte se sa shqiptare banojne ne Shqiperi, pa le me se sa pine çaj mali apo çaj dafine? Degjoj shpesh qe thone , departamenti amerikan i shtetit, thoe se kaq njerez apo kaq perqind e popullsise ben kete apo ben ate! Po edhe sikur te administrohej nga FBI apo CIA vendi, ata s’kane asnje leter te besueshme matematika per te nxjerre statistika te sakta. Kush i numuron apo raporton? Apo me keq dhe sondazhet; pyeten ne telefon 1000 vete per te marre nje mendim politik: po sikur ata 1000 vete te jene vetem simpatizante te ps apo vetem te pd, a do te ishte rezultati sondazhit bindes? Mire ne politike qe i pertypin e dredhin fjalet si duan, por arithmetika nuk te pranon keshtu. Shifra shkruaj sa te duash, por ti mbledhesh e zbresesh si te do qejfi nuk behet. Megjithate u mesuam qe te genjejme te gjithe, te flasim te gjithe, te degjojme te gjithe dhe te besojme si na e ka qejfi e jo si eshte e verteta. Sa larte arritem! Kemi arritur aq larte, sa çdo dite thyejme koken.
Hahaha thashe dhe une se ca. Dmth nje njeri si Ervin Toci I ka thene OKB nr kemi kaq te drogue? Hahahha
Ik kontrolloni shifrat se s’ka shanse qe te kete ne Shqiperi me shuem perdorues drogrash se Spanja, ku Barcelona eshte kryeqyteti i drograve, ose Greqise apo fiseve te Amerikes Latine ku bima e kokes perdores si karamele nga gjithe popullata. Keto shifra jane brockulla. Ose keta tanet qe kane raportuar keto shifra jane idiot ose te anketuarit ( nese me verte ka patur anketa) jane hapur kot b.thesh se se kane marr vesh per cfare behet fjale.