Fondet për çdo Ministri dhe institucion kush merr pjesën e "luanit"...!

Ministria e Financave dhe Ekonomisë, mega-dikasteri që u krijua nga bashkimi i dy ministrive të deritanishme, do të ketë më 2018 buxhetin më të madh në dispozicion, krahasuar me gjithë ministritë e tjera. Kjo del nga shifrat që përmban Projektbuxheti për vitin e ardhshëm, sipas të cilit dikasteri që drejton Arben Ahmetaj parashikohet të ketë në dispozicion 60.86 miliardë lekë, apo afro 458 milionë euro.

Ministria me buxhetin e dytë më të madh do të jetë ajo që drejtohet nga Ogerta Manastirliu, me buxhet, që gjithashtu e kalon “stekën” e 60 miliardë lekëve. Konkretisht, në dispozicion të ministrisë së Shëndetësisë dhe Mbrojtjes Sociale qeveria ka menduar të vejë 60.12 miliardë lekë, ose 452 milionë euro.

Vetëm këto dy ministri do të kenë gati 910 milionë euro fonde gjatë vitit të ardhshëm. Kjo shifër është më e madhe se sa 25 për qind e gjithë buxhetit të shtetit, shkruan Shqiptarja.com

E treta vjen ministria e Infrastrukturës dhe Energjisë, e cila, ndonëse u krijua gjithashtu si një super-dikaster, do të ketë një buxhet më të vogël nga dy të parat: 47.85 miliardë lekë, ose gati 360 milionë euro.

Më poshtë në renditje vjen ministria e Brendshme, me 21.1 miliardë lekë, buxheti i së cilës mund të krahasohet me vitin e kaluar, pasi ky dikaster nuk ka ndryshuar krejtëisht nga reforma qeveritare, por i është hequr vetëm Emergjenca Civile, që kalon tek Mbrojtja. Krahasuar me vitin 2017, buxheti i ministrisë së Fatmir Xhafajt rritet në masën 8.6 për qind.

Ministria e Mbrojtjes merr, gjithashtu, një buxhet ndjeshëm më të rritur nga viti i kaluar, duke kaluar nga 13.44 miliardë lekë, në afro 19.8 miliardë lekë, ndonëse sërish nuk e kap angazhimin e vendeve të NATO-s për të shpenzuar të paktën 2 për qind të Prodhimit të Brendshëm Kombëtar për mbrojtjen.

Ministria e Bujqësisë do të marrë 10.95 miliardë lekë, e ndjekur nga ajo e Drejtësisë me 10.13 miliardë. Vijojnë me buxhete shumë më të vegjël ministria e Evropës dhe Punëve të jashtme me 2.96 miliardë lekë, Turizmi e Mjedisi me 2.12 miliardë dhe Kultura me pak më shumë se 2 miliardë lekë.

Sa u përket tre institucioneve kryesorë të shtetit shqiptar, buxhetet e tyre do të jenë si më poshtë: në dispozicion të Presidencës do të jenë 217 milionë lekë më 2018, nga 211 milionë që janë dhënë për këtë vit. Ndërkohë, Kuvendi i Shqipërisë do të ketë një buxhet më të reduktuar, duke kaluar nga 1 miliard e 124 milionë lekë, në 1 miliard e 113 milionë lekë vitin e ardhshëm.

Këshilli i Ministrave ka parashikuar një ulje drastike edhe për buxhetin e vet, që do të kalojë nga 3.86 miliardë lekë, në vetëm 960 milionë, por kjo ka të bëjë me faktin që shumë institucione, të cilat kanë qenë deri tani në vartësi direkte të Kryeministrtisë, do të jenë të pavarur, ose në vartësi të dikastereve të caktuara.

Shpërndarja e fondeve sipas dikastereve (në lekë)
Ministritë                                      Fondi 2018
Ministria e Financave dhe Ekonomisë                    60.861.931.000
Ministria e Shëndetësisë dhe Mbrojtjes Sociale  60.116.852.000
Ministria e Infrastrukturës dhe Energjisë              47.852.630.000
Ministria e Arsimit, Sportit dhe Rinisë         38.374.242.000
Ministria e Brendshme                                  21.110.038.000
Ministria e Mbrojtjes                                  19.799.838.000
Ministria e Bujqësisë dhe Zhvillimit Rural       10.944.628.000
Ministria e Drejtësisë                                 10.126.100.000
Ministria e Evropës dhe Punëve të Jashtme              2.962.180.000
Ministria e Turizmit dhe Mjedisit               2.158.760.000
Ministria e Kulturës                            2.009.897.000

Policia merr 127 milionë euro, rriten 10% fondet për Burgjet

Dyfish më të larta buxhetet për Fondin e Zhvillimit dhe Emergjencat

Është Fondi Shqiptar i Zhvillimit institucioni që do të përfitojë rritjen më masive të buxhetit vitin e ardhshëm. Sipas të dhënave të Projektbuxhetit 2018, në favor të tij do të shkojnë 16.84 miliardë lekë, fonde këto, me të cilat FSHZH mund të konkurrojë me dikastere të mëdha nga aspekti financiar. Rritja është në masën 2.2 herë krahasuar me një vit më parë (më 2017 buxheti është 7.68 miliardë).

Një rritje shumë e lartë i njihet edhe buxhetit në dispozicion të Emergjencave Civile, që kalon nga 248 milionë, në afro 480 milionë lekë, më rritje në masën 93.5 për qind. Ky institucion që tanimë kalon tek Mbrojtja, ka kërkuar me kohë fonde më të mëdha, nisur nga përballimi me vështirësi i problemeve të krijuara çdo vit nga zjarret apo përmbytjet.

Policia duhet të kënaqet me një rritje buxhetore në masën 19 për qind, me një fond të barabartë me 127 milionë euro. Ndërsa në dispozicion të Burgjeve akordohen 10.2 për qind më shumë fonde.

Edhe për institucionin e inteligjencës SHISH, fondi vjen në rritje, por vetëm në masën 5.3 për qind, me një total prej 11.6 milionë eurosh.

Një rritje shumë më e lartë do të përfitohet nga Mbrojtja, që do të ketë 47 për qind më shumë fonde nga sivjet, kurse sektori i rrugëve gjithashtu do të trajtohet me 25.5 për qind më shumë buxhet.

Për kthimin dhe kompensimin e pronave do të jepen 63.4 për qind më shumë mjete monetare, por një rritje të tillë nuk do ta përfitojë kategoria tjetër e të përndjekurve para viteve ’90: për këta të fundit do të vihet në dispozicion nga Buxheti i Shtetit 2018 një fond prej 2.05 miliardë lekë, vetëm 0.7% më i madh se ai që është akorduar gjatë këtij viti.

Ndryshime fondesh në disa sektorë (në lekë)

Sektori                           Viti 2017            Viti 2018            Ndryshimi
Fondi Shqiptar i Zhvillimit 7.683.647.000        16.838.000.000             +2.2 herë
Emergjencat Civile         248.000.000          479.738.000          +93.5%
Kthim/kompensim pronash    2.079.500.000        3.398.500.000        +63.4%
Mbrojtja                   13.439.500.000             19.799.838.000             +47.3%
Rrugët                     19.628.781.000             24.625.501.000             +25.5%
Policia                           14.186.651.000             16.879.984.000             +19%
Burgjet                           5.020.800.000        5.532.100.000        +10.2%
SHISH                      1.466.400.000        1.544.000.000        +5.3%
Ish-të Përndjekurit        2.038.100.000        2.051.300.000        +0.7%

Rama uron me fotot e këtij aksioni, kërkesat e qytetarëve janë ‘befasuese’: O boss, pastro drejtësinë e politikën...!

08:43 Politika

DEBATI/ Ngjela: Askush nuk shpëton, FBI ka mbërritur. Koçi: "Tahiri", për të goditur Vettingun. Shehi: E kompromentoi...!

22:39 Politika

Kryemadhi bën pyetjen që ngre shumë dyshime: Ku e ka familjen Haki Çako?

22:10 Politika

INTERVISTA/ I kujtuan dënimin e kryeministrit kroat, Rama i kthen përgjigje Prokurorisë: Mos na turpëroni...

21:11 Politika

Tahiri do hetohet i lirë/ Si e komenton Presidenti Meta: Politika dhe drejtësia, bashkë kundër trafiqeve dhe drogës...!

20:26 Politika

Paloka: Rama ka probleme me gjuhët, nuk kupton as dosjen italiane, as Yee-në anglisht dhe as Lu-në në shqip

19:30 Politika

Arben Imami i përgjigjet Berishës: Basha, asgjë për bashkimin e PD-së

19:16 Politika

Prapaskenat e një interviste me Ramën, Eni Vasili: Rri tre net pa gjumë!

18:40 Politika

Nisma “Ngjyrat e Shqipërisë”/ Bushati: Të rinjtë nuk e shohin Shqipërinë si kronikat e lajmeve apo politikanët

17:40 Politika

Këshilli Ekonomik Kombëtar, Rama: Jemi avokatë të sipërmarrjes, ja mesazhi im

17:51 Politika