Te fundit
Champions League/ Reali shkatërron Apoelin dhe kualifkohet, Napoli i Hysajt mban gjallë shpresat e kualifikimit
21 Nëntor 2017, 22:51Sport
TEMA
Reali i Madridi ka shkatërruar në mbrëmjen e sotme skuadrën e APOEL-it.
Madrilenët triumfuan me rezultatin e thellë 6-0 në transfertë ndaj APOEL-it, duke siguruar kështu dhe kualifikimin për në raundin e 1/16 në Ligën e Kampionëve.
Një perfomancë e jashtëzakonshme e “Los Blancos” që dhuruan spektakël përgjatë gjithë 90-minutave përballë një kundërshtari që nuk mundi dot t’i bëjë rezistentë kampionëve të fuqi të këtij kompeticionit.
Golat për Realin në këtë ndeshje i shënuan Modric, Benzema dhe Ronaldo me nga një dopietë dhe Nacho.
Pas kësaj fitoreje Reali mban vendin e dytë në Grupin H me 10 pikë, tre më pak se sa Tottenham që mposhti me rezultatin 1-2 Dortmundin në transfertë.
Anglezët arritën që të përmbysnin avantazhin e krijuar nga ekipi gjerman në pjesën e parë që shënuan me Aubameyang. Në pjesën e dytë Kane dhe Son Heung Min përmbysën shifrat duke i dhënë fitoren dhe kualifikimin skuadrës së Tottenhamit.
Ekipi tjetër anglez Manchester City, ka fituar me rezultatin minimal 1-0 ndaj Feynordit në fushën e tyre. Golin e vetëm dhe të fitores e shënoi Sterling në minutën e 88’.
Pas kësaj fitoreje, City mban vendin e parë në Grupin F me 15 pikë, gjashtë më shumë se sa Shakhtar në vendin e dytë më 9 pikë, skuadër e cila u mposht 3-0 nga Napoli që tashmë ka gjashtë pike dhe lë të hapur mundësinë e kualfikimit.
Ndërkohë, Sevilla arriti që të shtangë Liverpoolin të cilët edhe pse e mbyllën pjesën e parë me rezultatin 3-0 nuk arritën dot që të merrnin pikët e plota në këtë duel.
Ekipi spanjoll arriti që të barazpeshojë gjithçka në pjesën e dytë duke e mbyllur ndeshjen me rezultatin e përgjithshëm 3-3.
Rezultatet e mbrëmjes së sotme të ‘‘Uefa Champions League”
Besiktas 1-1 Porto
Spartak Moscow 1-1 Maribor
APOEL 0-6 Real Madrid
Borussia Dortmund 1-2 Tottenham
Manchester City 1-0 Feyenoord
Monaco 1-4 Lepzing
Napoli 3-0 Shakhtar Donetsk
Sevillia 3-3 Liverpool
(TemA)
Lini një Përgjigje
Më të lexuarat
24 oret e fundit
Javen e fundit
Blog Tema
