Te fundit
Ylli Rakipi: Për “legalizimin” e kanabisit në Shqipëri janë të gjithë të kompromentuar, madje dhe ambasadorët
5 Dhjetor 2017, 09:14Kronika
TEMA
Pavarësisht se qeveria Rama II i ka shpallur luftë të hapur kanabisit, për Ylli Rakipin Shqipëria nuk mund të ndahet nga kanabisi pa ndihmën e BE.
Në një intervistë për Ora News, drejtuesi i emisionit “Të Paekspozuarit” thotë se vendit i duhen projekte, punësim pasi të gjithë duan të ikin.
Këtë, thotë ai, duhet ta bëjë të qartë edhe Basha në Bruksel.
Rakipi thotë se për kanabisin e gjithë politika është e kompromentuar, madje edhe vetë ambasadorët, që sipas tij nuk e ngritën zërin asnjëherë për këtë çështje.
Rakipi: Basha duhet të shkojë atje dhe tu thotë perëndimorëve që ata nuk kanë ndërhyrë të parët për kanabisin, Vlahutin dhe Amabsadori i SHBA janë të parët që nuk kanë ndërhyrë për ti thënë që kjo rrugë nuk mund të vazhdojë kështu, qytetarët nuk mund të jetojnë në këtë mënyrë. Basha duhet të bëjë dhe vetë një autokritikë se është treguar shumë i tërhequr kohë më parë për të diskretituar dhe goditur, ka qenë Berisha me ato avionët që ne i merrnim si qesharakë. Mushkonja thoshin këta. Opozita e ka bërë punën e vet por me shumë vonesë. E gjithë politika është e kompromentuar me këtë rast, më pak Basha. Ai duhet tu thotë perëndimorëve pse ju nuk e keni ngritur zërin për këtë punë dhe tu thotë të ndihmojnë Shqipërinë tani. Do projekte Shqipëria që të ikë nga kanabisi, do punësim, këtu duan të ikin të gjithë. Fut një lajm në një portal që kërkohen njerëz për punë në Gjermani shpërthen rrjeti.
Rakipi deklaron se u gjet rruga më e thjeshtë për goditjen e fenomenit por sipas tij kjo nuk do të kalojë pa pasoja në ekonomi. Qeveria, thotë ai, ndodhet para sfidave të mëdha në këtë mandat.
Rakipi: Ka një përpjekje të qeverisë për tu ndarë me këtë pjesë por unë besoj që do të jetë një ndarje shumë e dhimbshme sepse në Shqipëri nuk kishim të bëjmë me raste të veçuara siç ndodh në gjithë botën. Në Shqipëri është një rast i veçantë.U mboll pjkesa dërmuese, u kthye si një bimë e zakonshme, si një perime, ku të gjithë fshatarët e kultivonin atë, u ndërtuan struktura, infrastruktura e plotë. Njerëzit filluan të jetonin. Më ka ndodhur tek emisioni im që të marr njerëz që e kultivonin, fshatarët që merrnin 30 mijë lekë ditën për herë të parë në jetën e vet, të tjerë merrnin fitime edhe më të mëdha. Kemi mbërritur në një pikë shumë të veçantë edhe nga vendet me traditë në kultivimin e drogës si Kolumbia, është kultivuar në mënyrë aq masive sa stopimi i kësaj vepre do të thotë që Shqipëria të ngrejë duart në një pjesë të rëndësishme të ekonomisë së saj. Realisht kjo drogë ka zgjidhur problemin e shqiptarëve në katër vitet që shkuan.
Kjo qeveri ndodhet tani në katërvjeçarin e dytë përballë një befasie shumë të madhe ka filluar të shpërthejë ajo siç shpërthyen piramidat në 1997 dhe njerëzit tani po humbin tani atë që kanë bërë. Kanabisi ishte produkti që ata bënin, me të jetonin. Është një mendjelehtësi shumë e madhe, në vend që të gjendeshin rrugë sesi do të zgjidhej problemi i shqiptarëve, rrugë për punësimin e tyre, të hapnin biznese, u gjet një rrugë shumë e thjeshtë. Por ndërprerja e menjëhershme, dhe të huajt kanë faj në këtë histori të Shqipërisë. Keni dëgjuar ndonjë Ambasador të thotë nuk ka drogë jo pse është kanabisi? Edhe të huajt menduan se hajde se Shqipëria po jeton me këtë. Jetoi këto katër vjet, po çfarë do bëhet me këtë vend? Pritet dhe kolaps, krizë. Jemi përballë një problemi jashtëzakonisht shumë të madh. Shto pastaj dhe rritjen e kriminalitetit. Ata që e trafikojnë dhe merren me këtë biznes rritin shkallën e krkiminalitetit, krimit të organizuar. Qeveria është përballë sfidave të jashtëzkonshme, situatave shumë të vështira.
Për Rakipin çështja e kanabisit në vend është aq delikate sa edhe opozita fliste me rezerva para zgjedhjeve nga frika se elektorati i kthehej kundër.
Rakipi: Çdo qeveri përpiqet të futet në guaskën e vet dhe të mbrojë veten. Si mund të mbrohet një qeveri e një vendi në të cilën kultivohet kanabis gati në gjithë sipërfaqen e vendit?Qeveria këtë sjellje do ketë. Para zgjedhjeve edhe opozita kishte frikë të fliste kundër kanabisit se kishte frikë mos bënte njerëzit kundër të cilët jetonin me këtë. Mua ma kanë thënë vetë politikanë të lartë të opozitës: Është shumë e vështirë, mund të na kthehet në boomerang kjo.Nuk flasim dot. Situata ka agravuar, nëse janë të vërteta dhe këto implikimet si rasti Tahiri.
Lini një Përgjigje
Më të lexuarat
24 oret e fundit
Javen e fundit
Blog Tema
