Te fundit
Jahmir Hyka: Trajneri më i mirë i kombëtares ka qenë… Bariç
12 Dhjetor 2017, 19:44Sport
TEMA
Futbollisti i kombëtares shqiptare Jahmir Hyka, i ftuar në “Pasdite në Top Channel”, ka folur për karrierën e tij jashtë Shqipërisë, emocionet me kombëtaren kuqezi dhe për jetën private.
“Më pas, kalova në Greqi, me Olimpiakosin. Nuk luajta dot rregullisht dhe u ktheva te Tirana. Pas një viti mjaft të mirë, shkova në Gjermani te Mainz. Nuk isha gati për atë nivel pasi isha shumë i ri. Kështu, u transferova te Luzerni në Zvicër, ku kam kaluar momentet më të mira personale dhe profesionale. Ato 6 vite i kujtoj me mall”, rrëfen sulmuesi, i cili aktualisht luan në Shtetet e Bashkuara të Amerikës me San Jose Earthquakes.
Hyka ka debutuar në moshën 18-vjeçare me Shqipërinë dhe e mban mend kështu këtë eksperiencë: “Kombëtarja është një ëndërr për çdo futbollist. E kam provuar që në moshën 18-vjeçare dhe ishte eksperiencë shumë e bukur. Debutova me trajnerin Oto Bariç, në një ditë me shi në Shkodër, kundër Maqedonisë”.
Pikërisht trajnerin Otto Bariç, Hyka e konsideron si më të mirin që ka pasur ndonjëherë ekipi ynë përfaqësues.
“Bariç më dha mundësinë për të luajtur me kombëtaren dhe për mua ai ka qenë më i miri”, tha Hyka.
Në lidhje me jetën private, Jahmiri thotë se është ende në kërkim të dashurisë: “Ndoshta ka ndikuar edhe ndryshimi i shpeshtë i vendeve që unë nuk kam lidhje serioze”.
Lini një Përgjigje
Më të lexuarat
24 oret e fundit
Javen e fundit
Blog Tema
