Ambasadori amerikan në Tiranë, Donald Lu, ka marrë pjesë paraditen e sotme, në konferencën për “Sfidat e zbatimit të teknologjisë në zgjedhje”.
Ai ka qenë në krah të deputetëve të opozitës, pavarësisht se kjo e fundit ka nisur një sulm të egër ndaj tij.
Lu ndërkohë ka thumbuar deputetët e mazhorancës, pasi kanë qenë me vonesë.
“Fillimisht falënderoj opozitën që merr pjesë në këtë takim.
Pse duhet qëndrojnë akoma në krevat, sepse pak anëtarë të mazhorancës po marrin pjesë këtu.
A po e marrin me seriozitet këtë çështje?”, tha ai.
“Nëse do të vendoset për votim elektronik në 2019-n, nuk duhet të prisni deri në verën e ardhshme, pasi më vonë do të jetë një dështim”, tha Donald Lu.
Ambasadori amerikan u shpreh se votuesit kanë më shumë besim te procesi me përfshirjen e teknologjisë në zgjedhje.
“Teknologjia në zgjedhje eliminon problemet me letrën. Jemi të gatshëm të mbështesim punën në çdo aspekt”, tha ambasadori.(TemA)