Te fundit
Kapet "skifeteri" i urbanëve që bënte kërdinë në Tiranë, "specialist" për celularët dhe portofolat
26 Dhjetor 2017, 11:20Kronika
TEMA
Efektivët e policisë së Tiranës kanë prangosur në flagrancë një 41-vjeçar pasi ishte shndërruar në tmerin e pasagjerëve në transportin publik.
Blutë e kryeqytetit zbuluan se shtetasi Laert Zhupa ishte “specialist” në vjedhjen e telefonave, portofolave si dhe çantave.
Policia ka zbardhur një sërë vjedhjesh të kryera nga ky person.
Njoftimi i policisë
Shërbimet e Komisariatit të Policisë nr.4 kanë arrestuar shtetasin Laert Zhupa pasi më datë 25.12.2017, rreth orës 19:30, në rrugën e “Dibrës”, në ambjentet e spitalit “Nënë Tereza”, dyshohet se i ka vjedhur një çantë me një sasi paketash në pronesi te shtetasit E.K., 16 vjeç, banues në Tiranë dhe një telefon në pronësi të shtetasit P.R., 63 vjeç, banues në Tiranë” thotë policia.
Gjatë kontrollit fizik iu gjet dhe sekuestrua në cilësinë e provës materiale çanta e vjedhur dhe tre telefona celular të llojeve të ndryshme.
Gjithashtu në vijim të veprimeve hetimore rezulton se ky shtetas dyshohet dhe si autor i ngjarjeve ndodhura si më poshte :
Më datë 12.11.2017, tek kryqëzimi i rrugës “Bardhyl” me rrugën “Odise Paskali”, dyshohet se i ka vjedhur çantën me një sasi lekësh, në automjetin tip ” Ford ” shtetasit R. K.
Më datë 11.12.2017. në ambjentet e spitalit nr 5 Tiranë , dyshohet se i ka vjedhur telefonin në pronësi të shtetasit A.Gj.
Më datë 15.09.2017, në autobuzin e linjes së unazes dyshohet se i ka vjedhur protofolin shtetasit M.M.
Policia po vijon punën për zbardhjen e plotë dhe dokumentimin ligjor e të tjera vjedhjeve që ky shtetas dyshohet se mund të ketë kryer.
Materialet i’u referuan Prokuorisë së Rrethit Gjyqësor Tiranë për veprime të mëtejshme.(TemA)
Lini një Përgjigje
Më të lexuarat
24 oret e fundit
Javen e fundit
Blog Tema
