Te fundit
FOTOT e rralla/ Emin Musliu: Si u ndërtuan hidrocentralet e Shqipërisë! Kush i financoi dhe si u siguruan makineritë e mëdha nga Anglia?
12 Janar 2018, 10:27Politika
TEMA
Nga Kreshnik Kuçaj
Zoti Musliu, kur u kuptua potenciali hidrik në Shqipëri? Kur u ndërtua hidrocentrali i parë i pasluftës së Dytë Botërore?
Hidrocentrali i parë që filloi në Shqipëri ishte hidrocentrali i Selitës. Filloi që në 1949 dhe u vu në shfrytëzim në nëntor 1951. Është një hidrocentral me tunele duke filluar që nga Mali me Gropa kalon në Malin e Dajtit ku ka një tunel 1600 metra të gjatë dhe zbret në Lanabregas ku është ndërtesa e centralit. Është një central i vogël po i vështirë në ndërtim. Ai ka thuajse 66 vite që funksionon dhe nuk i ka ndodhur asgjë. Është i vetmi hidrocentral i inauguar natën sepse në atë kohë me 7 nëntor 1951 ishin grumbulluar në sallën e makinerisë, autoritetet e vendit ndërsa në Tiranë ishin mbledhur qytetarë para bashkisë së Tiranës që prisnin të vinin dritat.
A kishte Shqipëria në atë periudhë dijet e nevojshme për një sipërmarrje të tillë?
Ç’ është e vërteta, në atë kohë, në 1949 ne ishim analfabetë totalisht, që s’merrnim vesh ç’është hidrocentrali, diga etj. Në 1949 erdhi një këshilltar sovjetik Grigori Petrenko i cili kishte aftësi të jashtëzakonshme. Ishte shumë njerëzor dhe na dha një ndihmë kolosale, që bëmë edhe organizimin e punës për ndërtimin e veprave të hidrocentralit.
Si ishte situata e furnizimit me energji në atë periudhë?
Tirana kishte në atë kohë, mesa di unë, një central të vogël që vlente vetëm për institucionet shtetërore dhe disa familje që jetonin në Tiranë. Pjesa tjetër ishin me kandila, llamba me vajguri, ca me pishë e kjo ishte gjendja e Shqipërisë në atë kohë.
Si nisi faza e dytë, pas Selitës a kishte një projekt për të shtrirë programin e hidrocentraleve në të gjithë territorin e vendit?
Në atë kohë u pa që ne filluam të bëjmë një hidrocentral dhe u përgatitën mjaft njerëz të talentuar dhe filluan të aftësohen me mendimet e tyre teknike shkencore. Ishte hidrocentrali i parë i projektuar nga sovjetikët dhe i ndërtuar nga ne. Në hidrocentralin e Selitës, linja e tensionit të lartë 35 kilovolt nga Selita dhe deri ku është qendra kryesore në Tiranë erdhën të gatshme nga Bashkimi Sovjetik. Edhe nënstacionet erdhën të gatshme nga Bashkimi Sovjetik se nuk ishim në gjendje t’i prodhonim vetë. Pas saj, të gjitha linjat e nënstacionit u prodhuan në vend, të gjitha shtyllat e tensionit të lartë e të gjitha ato që duheshin. Pas tij, filloi hidrocentrali i Ulzës që përballoi nevojat e asaj periudhe për Shqipërinë.
Ju thatë më parë që dijenitë për hidrocentralet ishin të kufizuara. Sa rëndësi iu kushtua arsimit në këtë fushë dhe përgatitjes së specialistëve?
Në hidrocentralin e Ulzës, që ishte një hidrocentral shumë serioz, dhe në atë kohë në Bashkimin Sovjetik ishte i dyti që ndërtohej e projektohej. Po ne patëm shumë njerëz të talentuar. Unë isha drejtor i digës së ndërtimit të hidrocentralit. Kisha dhe dy zëvëndës shumë të zotë dhe dhjetëra inxhinierë që u kualifikuan nga dita në ditë dhe i dolën para të gjitha problemeve. Aq sa në vitin 1956, unë u nisa në Bashkimin Sovjetik për të kërkuar projektet se po na mungonin. Dhe në atë kohë morëm disa masa të jashtëzakonshme. Blloqet e digës nga 3 metra i bëmë 6 metra të larta, blloqet e piklave nga 3 metra gjysmë i bëmë 11 metra të larta, me qëllim që të fitonim kohë. Pjesët e sipërme të urës i bëmë me kapriata çeliku që nuk kishin nevojë për mbështetje. Dhe shumë gjëra të tjera të nevojshme që e bënë të mundur përfundimin e hidrocentralit të Ulzës në 1958. Në janar të 1958 u inaugurua dhe u vu në shfrytëzim.
Para se të kalojmë te hidrocentralet e Drinit, cilat ishin sfidat e tjera më të cilat u përballët në nisje? Fondet i kishit të siguruara? Si organizohej fuqia punëtore?
Në përgjithësi, në të gjithë këto vepra, krahas projektit, bëhej dhe preventivi I veprës që përcaktonte se çfarë duhej për një vepër të tillë. Dhe aty ishin edhe fondet e caktuara për punonësit që ishin në hidrocentral. Ishin të zgjidhura këto gjëra në ato kohë. Edhe shpërblimi i punonjësve ishte shumë i madh. Sidomos për shoferët, eskavatoristët, buldozeristët, që kishin makineri të mëdha. Ata kishin paga speciale që arrinin nga 20 mijë deri në 25 mijë lekë në muaj. Kryeministri merrte 22 mijë e unë si drejtor i hidrocentralit 12 mijë e 500 lekë. Ishte stimulim i jashtëzakonshëm i këtyre njerëzve që punonin edhe nga 12 orë në ditë, me turne. Ishte 24 orë punë. Nuk pushonte asnjë minutë puna.
Kishit afate apo vetëm vullnet për t’i mbyllur shpejt?
Krahas hartimit të projekteve bëhej edhe plani e kalendari i zhvillimit të punimeve. Në mënyrë të tillë, me programin tonë arrimin që të bënim projektzbatimin e punimeve 2 muaj para afatit të planifikuar nga qeveria.
A besoni se natyra e ndërtimit të hidrocentraleve ishte në përgjigje të stadin zhvillimor të vendit?
Ishte e jashtëzakonshme, se ne ishim një vend që në 1944 pas luftës kishim 5 kilovat orë energji elektrike për frymë të popullsisë në vit. Ishte një gjë mizerabël. Sot kemi 20-40-50 në ditë dhe atëhere ishte në vit, Ishte e tmerrshme. Pjesa dërrmuese e Tiranës; ne ishim të gjithë me llamba me karbit, me llamba vajguri ndërsa pjesa matanë ishte me pisha e gjëra të tilla që nuk jetonin dot fare.
Hidrocentralet mbi lumin Drin janë hidrocentralet më të famshme le të themi, jo vetëm për shkak të madhësisë së projekteve por edhe për shkak të varësisë së tyre nga zhvillimet politike të kohës. Si u bënë këto projekte, ishin planifikuar në kompleks apo veçmas secili prej tyre?
Me ndërprerjen e marrëdhënieve që u bë në vitin 1961 me Bashkimin Sovjetik, mbetem pothuaj vetëm, se dhe vendet e lindjes nuk na ndihmonin. Ndaj u desh mundësia që të njiheshim me zhvillimin e projektimit dhe ndërtimit të hidrocentraleve me Francën, Italinë, Zvicrën apo Çekosllovakinë. Kjo na mundësoi që të njiheshim deri në themel me këto gjëra, që të merrnim përgjegjësinë për t’i çuar vetë përpara. Në mesin e 1961 na vjen një vendim nga qeveria që të studiojmë skemën e Drinit. Ngritëm grupet e veçanta. Bëmë 12 variante se si duhej shfrytëzuar Drini. Përjashtuam 8 dhe lamë 4 variante dhe u thelluam te këto të fundit. Në këtë variant, ishte varianti i tretë që u vendos që të ndërtohej dhe hidrocentrali i Skavicës, Fierzës, Komanit, Vaut të Dejës dhe i Bushatit. Me 5 hidrocentrale, skema e Drinit jep rreth 7 miliard kilovat orë energji elektrike në vit.
Cili ishte hidrocentrali i parë që u ndërtua në Drin dhe si u siguruan fondet?
Hidrocentrali i parë në Drin ishte ai i Vaut të Dejës. Vau i Dejës ka diga me lartësi deri në 60 metra për të cilën ne e kishim krijuar një farë besimi në këtë drejtim se kishim ndërtuar Ulzën e Shkopetin dhe 2 Bistricat e ishim në gjendje të bënim atë. Në këtë kohë, u munduam që ta studiojmë në themel të gjithë punën për ndërtimin e hidrocentralit të Vaut të Dejës. Ishte e vështirë por me ndarjen që bëmë në Institut mes grupeve të projektimit për secilën pjesë të hidrocentralit, u bë e mundur të projektohet dhe pastaj të ndërtohet plotësisht e në mënyrë të shkëlqyer. Ky hidrocentral problemin më të madh e kishte te perdja kundër filtrimit në shtratin e lumit. Sepse aty u desh të bëhej një perde në thellësi 50 metra për të ndërprerë filtrimin. Këtu na ndihmuan realisht kinezët dhe arritëm ta bëjmë siç duhet.
Pastaj nisi hidrocentrali i dytë, Fierza?
Hidrocentrali i Fierzës ishte i dyti. Ka një digë 167 metra të lartë, ka prurje të mëdha që duan tunele të mëdha për devijimin e për shkarkimin, duhen për ndërtesën e centralit dhe tunelet e turbinave që çojnë ujë në hidrocentral. U studiuan me shumë kujdes, me përgjegjësi të jashtëzakonshme, me kontrolle periodike që firmosesin nga një grup inxhinierësh dhe u bë e mundur që çdo gjë të bëhej në rregull.
Sa inxhinierë kishte?
Ishin rreth 70-80 inxhinierë, 100 teknikë dhe punonjës të tjerë që ishin specialist, minatorë, betonistë, karpentierë, saldatorë etj. Në Fierzë prodhuam edhe tubacionet që u futën në tunelet e turbinat me diametër 7.2 metra që ishte e jashtëzakonshme. U transportuan dhe futeshin në tunele e betonoheshin. Të gjitha u bënë sipas një programi, gjithmonë 2 muaj para afatit të caktuar. E kishim si zakon. Edhe në hidrocentralin e Ulzës dhe pastaj sidomos në Vaun e Dejës, bënim çdo vit programimin nga kantierët për punën që do të bënim, vëllimin që do kryhej, njerëzit e materialet që duheshin. Veç kësaj çdo fund tremujor, shtabi i kantierëve vinte para ndërmarrjes e raportonte për punën e 3 mujorit të kaluar e për punën që do bëhej 3 mujorin tjetër. Ishte angazhim serioz që të bëheshin këto vepra.
Në Vaun e Dejës ne filluam minimin e parë të madh kurse në Fierzë arritëm atë më kolosalin, që të gërmohen rreth 600 mijë metër kub gurë në një plasje të vetme ku u desh në një plasje të vetme të fusnim 360 ton dinamit, 360mijë kilogram dinamit, një gjë e paimagjinueshme.
Pasojat?
Vetëm në Bajram Curr ra tërmet 3 ballë. Po realizimi ishte i përsosur.
Një problem tjetër ishte edhe bërthama e digës. Duke qenë se argjilat e Vaut të Dejës ishin të dobëta, ne u munduam shumë gati 1 vit e gjysëm se si do të bënim me këtë punë. Dhe përfundimisht pamë vetëm në Japoni një hidrocentral që ishte ndërtuar me përzierje të argjilës me zhavor për bërthamën e digës. Bëmë 1 milion metër kub argjilë e zhavor për bërthamën e digës dhe që sot diga nuk pyet fare.
A mund të thuhet se hidrocentrali i Fierzës ka qenë projekti më sfidues për ju dhe për Shqipërinë e atyre viteve duke marrë parasysh, jo vetëm kushtet e terrenit por dhe kushtet politike të atyre viteve?
Ne patëm arritur me kinezët, që për hidrocentralin e Fierzës të kishim përgjegjësi të përbashkët për projektimin dhe ndërtimin. Në 1974 kinezët u tërhoqën dhe thanë se do të furnizojnë të gjithë pajisjet, po për projektimin dhe ndërtimin duhet ta mbanim vetë përgjegjësinë. Nga ‘74 e më vonë e mbajtëm ne të gjithë përgjegjësinë për projektimin dhe zbatimin e punimeve.
Çfarë problematikash dha kjo ndërprerje e marrëdhënieve?
Nuk pati probleme. Ne 1961 kishim krijuar Drejtorinë e Përgjithshme të Studimit, Projektimit dhe Ndërtimit të Hidrocentraleve. Kisha dy zëvëndësdrejtorë dhe 30 inxhinierë të kualifikuar që u përgatitën për ta çuar përpara. Madje në 1962, ambasadës kineze i kisha kërkuar që të vinin 3 profesorë të njohur kinezë për të punuar e për të bërë si shembull projektimin e Fierzës. Këta erdhën në 1962 dhe unë vë këta të tre me tre nga inxhinierët tanë Farudin Hoxhën, Egon Gjadrin dhe Iljaz Këllezin që të punojnë bashkë në një dhomë dhe për nëj vit të merreshin me studimin dhe projektimin e digës së Fierzës, për të pasur eksperiencën e nevojshme. Kështu që pa krijuar mundësinë për të aplikuar siç duhet zgjidhjet që donte Fierza, ishte e nevojshme dhe e domosdoshme që të merrje eksperiencë nga jashtë. Ne kishim marrë eksperiencë nga Franca, Zvicra, Italia etj. dhe kishim marrë të gjithë eksperiencën e tyre.
Si u projektua terreni për sipërmarrje të tillë si hidrocentrali i Fierzës? Atje rezulton se u krijua një qytezë e tërë…
Terreni ka qenë i vështirë, kishte pak banesa në fillim po më pas u krijua një qytezë. Në ‘77 numri i punonjësve ishte 10 mijë e 3 vetë që kam firmosur borderotë e pagesës së njerëzve. Nga ana jonë u ndërtuan të gjitha godinat. Të gjithë kishin vendet e fjetjes së tyre, kishte 36 menca e të gjitha gjërat e tjera të nevojshme. 1 herë në 2 muaj shkonin në shtëpi e u kishim siguruar linjat e transportit. Po ashtu i ndihmuam punonjësit edhe me të gjitha detyrimet e tjera për çështje familjare nga familjet e tyre, se punonjësit ishin nga e gjithë Shqipëria e jo vetëm nga zona. Krijuam kinemanë, krijuam grupin e estradës nga njerëz që kishin eksperiencën në këtë punë dhe kishin dëshirë. Ishte një qytezë.
Sa ndihmë iu dhanë aksionet e vullnetarëve?
Ngarkohej nga qeveria secili rreth që të dërgonte çdo vit për 1 apo 2 vite specialistë që na duheshin. Shoferët, përshembull i merrnim nga nga Korca, Saranda etj. U speciliazuan edhe më shuëm se morën makina 20-30-40 tonë. Pati një angazhim shumë serioz dhe kishim për detyrë të ndihmonim familjet. Madje, unë ndërtova 1500 apartamente për shkodranët dhe ishim të siguruar nga të gjitha anët që ta përballonim.
Gjatë punës, a kanë ndodhur ngjarje të rënda? Ngaqë kushtet e punës kanë qenë shumë të vështira?
Ajo që ka qenë më e rënda ka qenë vrasja e 9 vetëve. Ne, për gërmimet masive, hapnim tunele nga 1 kilometër thellësi, 20 metra mbi të tunele të tjerë e kështu me radhë. Në një ditë të caktuar fillon një rrebesh i madh dhe një rrufe bie nga pjesa e sipërme e zbret në 40 metra, në një zonë që ishte futur dinamiti dhe shpërtheu. Disa u vranë nga dinamiti dhe disa nga asfiksia. Nuk ishte faji i inxhinerëve po ishte nga natyra. Për këtë raportuam në qeveri.
Në pamjet filmike të atyre viteve vihen re disa automjete shumë të mëdha, Centaurët e famshëm! Si i siguroi Shqipëria këto mjete?
Ne kishim marrë makina nga Verona, në San Bonifacio dhe me ato ecëm. Për Fierzën na u deshën dhe 20 makina të mëdha 40 tonëshe. Kur isha në Kinë me Ministrin e Marrdhënieve Ekonomike me Jashtë i kërkova makinat. Ai më tha se nuk i kishin eksperimentuar ende dhe nuk mund t’i jepnin. Pasi shkoi në sallën matanë, thanë që do na jepnin valutë për blerjen dhe na sugjeruan Anglinë. Ne çuam një grup njerëzish në Angli, me të cilën nuk kishim as marrëdhënie ekonomike e politke.
Kishim marrë oferta nga Franca e Italia, por Anglia në jepte ofertë më të lirë dhe na i sillte më shpejt. Në prill të 1974 erdhën makineritë që u bë pastaj edhe devijimi i lumit dhe u fut në tunele.
Pse kaskada e Drinit u emërtua Kaskada e miqësisë shqiptaro-kineze?
Hidrocentrali i Vaut të Dejës u quajt “Mao Ce Dun” për të nderuar kryetarin kinez dhe ishte për mendimin tim një gjë pozitive sepse tregonte që ne i vlerësojmë ndihmat që na japim. Kur shkojmë atje në vitin ‘70 na duheshin 5 milion dollarë. Kryeministri më thotë që s’ka para dhe me thotë të iki në Kinë. Pasi shkova në Kinë, në vend të 5 milion dollarëve marr rreth 30 milion dollarë pajisje e makineri për ndërtimin
Si ndodhi?
Ndodhi që ishte hidrocentrali “Mao Ce Dun” dhe nuk duhej bërë asgjë për të nënvlerësuar Maon, ndaj na duhen këto gjëra. Edhe ata i ngarkonin eskavatorët, makineritë e buldozerët etj. në trena, u vinin parrulla dhe shkruhej ato shkojnë në hidrocentralin “Mao Ce Dun” në Shqipëri.
Ju jeni takuar gjithashtu me kryeministrin kinez?
Sa i përket takimit me Cu En Lain, me thërret Mehmet Shehu dy ditë para se të nisesha në Kinë. Me thotë: “A jeni përgatitur për Fierzën? I them PO.
Me thotë që “duhet të takosh Cu En Lain”. I them që “si ta takoj, ai është kryeministri i Kinës?!”
Shehu më kthehet duke më thënë që “unë të jap urdhër ta takosh. Nuk e di, gjeje ti”. I them që “do përpiqem. Po çfarë t’i them?”.
“Falenderime nga populli shqiptar, falenderime nga qeveria e kryeminisri Mehmet Shehu. Faleminderit për ndihmën që na keni dhënë për Vaun e Dejës e faleminderit për ndihmën që po na jepni për Fierzën. Gjithashtu kam një propozim, që ta shpallim Kaskadën e Drinit-Kaskada e Miqësisë Shqiptaro-Kineze”.
Kur arrita ta takoj Cu En Lain ia them këto. Me thotë “mirë, nuk është propozim i keq. Por unë do të porosis delegacionin qeveritar kinez që do të vijë në Shqipëri. Vendosni me ata”.
Në maj 1974 vjen delegacioni kinez, takohemi me ta e bisedojmë për çdo gjë. I çoj në Vaun e Dejës dhe përfundimisht hartohet plani 20 vjeçar që Kina do i jepte Shqipërisë 1974-1994. Në këtë plan u vu që edhe Skavica të përfundonte në 1994 sëbashku me hidrocentralin e Bushatit. Qe fatkeqësi e madhe që Enver Hoxha në 1974 i prishi marrëdhëniet me Kinën dhe ne dolëm jashtë. Deri në ‘70 ishim ne të vetmit që shkonim në Kinë dhe nuk kishte asnjë përfaqësues tjetër shteti. Në ‘74 të gjitha shtete e tjera shkuan në Kinë dhe vetëm ne nuk shkuam atje. Ishte fatkeqësi e madhe.
Kur u përfundua vepra e fundit në Drin?
Komani përfundoi në 1986 dhe u bë me pajisje franceze. Edhe aty punuan në mënyrë të shkëlqyeshme. Ismail Ahmeti, drejtor i Përgjithshëm dhe punëtorët e tjerë. Pas Komanit, filloi hidrocentrali i Banjës për të cilin deri në 1991 u përfundua gjysma e punimeve. Më pas u bllokua komplet.
A ishte Skavica projekti që u mbeti peng?
Ne bëmë projektin e Skavicës që edhe pse mbyt 5 mijë hektarë tokë, për vlerën e madhe që ka për rregullimin e të gjitha hidrocentraleve të Shqipërisë ia vlen që të bëhet një vepër e tillë. Në këtë kuptim nuk na ka mbetur peng për ndonjë gjë.
Sa herë ka reshje të shumta, ka pikëpyetje dhe pak janë ata që mund të japin përgjigje. Ju jeni nga ata të paktë që mundeni. Sa të sigurta janë digat e hidrocentraleve?
Hidrocentralet e Drinit janë ndërtuar me dy kritere themelore. Prurjet e Drinit janë marrë 1 herë në 10 mijë vjet. Lufta e Trojës është 3 mijë vjet, ne kemi marrë 1 herë në 10 mijë vjet se sa mund të jetë prurja. Dhe e dyta, janë marrë parasysh termetet 9 ballë, në ndërtimin e hidrocentraleve të Drinit. Duhet të shkatërrohet Europa që të dëmtohen këto hidrocentrale. Në këtë drejtim ka siguri absolute. Vetëm duhet të ketë kontroll e mirëmbajtje. Nga kjo punë nuk ka asnjë dyshim. Ndërsa sa i përket prurjeve, është fatkeqësi e madhe. Pse është fatkeqësi e madhe? Sepse duke e ditur muajt e prurjeve që vijnë, këta që i shfrytëzojnë nuk marrin masa që në kohën e prurjeve më të mëdha të ketë nivelet e liqeneve më të ulëta dhe si pasojë e kësaj kalojnë dhe ujëra më tepër. Por jo se digat mbysin, ato shpëtojnë. Se po të mos ishin digat, kalojnë mijëra kub ujë me sekondë. Ka keqkuptim të rëndë. Digat vetëm ndihmojnë disiplinimin e prurjeve në hidrocentral.
Një pyetje të fundit nga ana ime. Për shkak të luhatshmërisë së kushteve atmosferike, a duhet të projektojë të ardhmen Shqipëria vetëm te energjia hidrike?
Nga studimi i vitit 1963 ka rezultuar se me ndërtimin e hidrocentraleve në të gjithë vendin, mund të sigurohen 18 deri 20 miliard kilovat orë energji elektrike në vit. Është energji e madhe që përballon çdo nevojë. Por nuk është e thënë që Shqipëria të mbetet vetëm te ndërtimi i hidrocentraleve por edhe të termocentraleve, sidomos i Fierit. Termocentrali i Vlorës duhet shfrytëzuar me gaz, është turp i madh se është ndërtuar gjithë ajo vepër që nuk shfrytëzohet, Mund të ndëtohen centrale elektrike me erë; Llogaraja e zona e Milotit e zona të tjera kanë erë të jashtëzakonshme. Duhet të kesh dëshirë, vullnet e njerëz që i studiojnë këto gjëra dhe japin përcaktimin përkatës.
Unë kam vetëm një gjë. Është e nevojshme që të mendohet mirë nga vijmë. Po u menduam mirë nga vijmë, do mendojmë mirë ku jemi dhe do ndërtojmë më mirë se ku do të shkojmë. Se ndryshe nuk ka si ndërtohet Shqipëria. Dhe është e nevojshme që të krijohen institutet e projektimit të hidrocentraleve, institutet e bonifikimit, hekurudhave, rrugëve, urave e institute të tjera që janë të nevojshme për Shqipërinë. U prishën në 1992 dhe sollën fatkeqësinë më të madhe në Shqipëri. Ndaj qeveria e sotme dhe parlamenti i sotëm duhet të bazohet te struktura të tilla që çojnë para vendin. Duhen krijuar struktura të nevojshme.
Kush është Emin Musliu:
-Ka lindur në Durrës në vitin 1930.
-Në vitin 1949 ka përfunduar shkollën e mesme “Politeknikumi 7 nëntori” në Tiranë
-Në korrik 1949 deri në nëntor 1951 ka qenë përgjegjës teknik i kantierit të parë për hidrocentralin e Selitës
-Në dhjetor 1951 deri në qershor 1955 kreu studimet e larta në “Institutin Politeknik” në Tiranë, dega “inxhinieri ndërtimi”
-Korrik 1955-maj 1958 Drejtor i Kantierit për ndërtimin e digës në hidrocentralin e Ulzës
-Qershor 1958-1960 Kryeinxhinier i Ndërmarrjes Hidro-Elektro Durrës
-1961-1963 Drejtor në Ministrinë e Ndërtimit për projektimin dhe ndërtimin e veprave hidroenergjetike
-Tetor 1963 specializohet në Francë dhe Itali për hidrocentralet
Në tetor 1963 emërohet zëvëndësministër i Ndërtimit
-Në vitin 1968 nënkryetar i delegacionit për hidrocentralin e Vaut të Dejës në Kinë
-Janar 1968-dhjetor 1971 Drejtor i Përgjithshëm i hidrocentralit Vau i Dejës
-1971-1981 kryetar i Komisionit të Ujërave me Jugosllavinë
-Janar 1972-dhjetor 1974 zëvëndësministër për ndjekjen e veprave industriale dhe hidroenergjetike me Kinën
-Maj-qershor 1972 kryetar i delegacionit qeveritar shqiptar për ndërtimin e hidrocentralit të Fierzës
-Janar 1975 emërohet Drejtor i Përgjithshëm për ndërtimin e hidrocentralit të Fierzës ku qendroi deri në vitin 1979
-Nga janari 1980 deri në 1990 drejtor I ISTN
-31 mars 1991 zgjidhet deputet në Parlamentin e parë pluralist
-Qershor 1991 ministër Ndërtimi në Qeverinë e Stabilitetit
-Dekoruar me medalje e urdhëra pune si dhe me çmimin e Republikës Kl.II
-Me 28 shtator 2000 i jepet titulli Mjeshtër i Madh i Punës nga Presidenti Rexhep Meidani
-Me 18 qershor 2014 iu dha Medalje Nderi nga Akademia e Shkencave e Shqipërisë
Marrë nga emisioni “DOSJA E” në TV SCAN
45 komente në “FOTOT e rralla/ Emin Musliu: Si u ndërtuan hidrocentralet e Shqipërisë! Kush i financoi dhe si u siguruan makineritë e mëdha nga Anglia?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ketij i duhet dhene ”Nderi i Kombit ” dhe jo lloj lloj muzikantesh e valltaresh!!!!
Tung
Cfare Nderi i8 Kombit thoni ju more zoterinj!
Po pse ketra qe ndertuan hidrocentralet kane bere me shume per Shqiperine se sa Hamit Matjani,Isa Toska,Sali Berisha,Edi nPaloka Jozefina Topalli,Nard Ndoka,Xhelal Mziu,Nishani,Ver Llapa,Bes Kallaku etj?Kur Shqiperia thoshte se kemi maredhenie vellazerore me Kinen Popullore,nuk nenkuptonte pallavra,por dhenien e milionave dollare kredi per veprat e 5 vjecareve dhe ne fund faljen e te gjitha kredive te dhena,pra dilnin me kosto zeero.
Ndersa tani kur thone se me X shtet kemi maredhenie te shkelqyera nenkupton vetem shkembimin e delegacioneve,pritjet e percjelljet dhe ne fund….GISHTIN NE BYTHE!
Me thoni ju se cfare ndertimesh jane bere me Shqiperi keto 27 vjet me ndihmen falas te ndonje shteti “mik”?
Asnje!
Sot mburren se Banka Boterore dhe FMN u dha kredi me interesa marramendase,sot mburren se i dhane me koncesion minierat e kromit dhe nxjerrja e naftes pa i dhene shtetit asnje tatik e takse per 1-=15 vjet ,ndersa rruget ne vend qe te ndertohen me kioncesion,behet e kunderta:ndertohen me paret e shtetit,per me keq sic u veprua me rrugen e KRIMIT Durres -Kukes qe filloi ndertimi pa projek e preventiv,pa studim fizibiliteti dhe jo mbi bazen e ligjeve shqiptare,por atyre angleze!
Sot nje pensionist merr mesatarishrt 100 dollare ne muaj pension,ndersa ata qe vodhen te gjithe floririn e Thesarit te Shtetit dhe 7 miliard leket e Bankes se Shqiperise jo vetem nuk u denuan,por u bene kryeministra,deputete,presidente,Guvernatore etj!
Ata qe grabiten miliardat e shitjes se armatimit e municioneve te ushtrise duke vrare dhjetra vete jo vetem nuk u denuan,por ndertojne pasuri kolosale akoma me shume!
Ja ky ishte kapitalizmi,qe mburren keta bandite duke share e shpifur kunder socializmit heroik!
LAVDI HERONJVE TE NDERTIMIT TE SOCIALIZMIT NJEREZOR!
Qofsh i nderuar per jete shoku Emin Musliu me te gjithe shoket e tu te gjithe heronj te pavdekshem!
Drite me llampa vajguri dhe me pishe?????????????? Po pse ky paska qene shteti modern qe na paskish lene naltmadhnia Zogji i pare? Idhulli i disa dallkaukeve si Intelektuali me shoke?
hahaha..per ate kane mall, por te siguroj qe idene se kane per gjemat e Zogut
Vertet nderi i kombit! Sidomos per dinamitin qe i vuri Kishes se shek XII te Vaut te Dejes, i vetmi monument roman ne Shqiperi. Dhe mbahej krenar per ate qe beri!
Heroj Te Pamposhtur !Prometej te vertete.Jeta e tyre eshte nje veper.Nder e Lavdi te perjetshme per ata breza qe sakrifikuan jetet e tyre ne sherbim te Atdheut.
Me teper do shtoja vetem nje pyetje: Sa ndihma edhe sa vepra jane ngritur nga miqesia me superfuqine boterore amerika edhe sa i ka dhene ketij vendi kelyshi i tyre Elez Biberaj me krejt llumin llok lloksave ?!
Po nqs premtojme ta quajme “Donald Trump”, mbase Amerika jep ndonje hidrocentral, ku i dihet, a nuk e morrem Vaun e Dejes vetem se i vume emrin MaoCeDun. Ta thote ky Musliu me gojen e vet.
Ti na fol pak per ate naltmadhnine tande te Zogjit te pare qe na paskish modernizue boll Tiranen kryeqytet duke e ndriçue me llamba vajguri dhe cifla pishe.
Une nuk e di or taj ku e pe Zogun tim zotrote, po komenti thote gje tjeter krejt, prandaj po deshe pergjigju komentit, se ashtu si shkruan ti eshte “une i bie gozhdes, ti i bie patkoit”. Apo te eshte thyer pllaka dhe i bie fyellit po ne nje vrime, po nuk qe me Enverin atehere je Zogist, ose te shumten Ballist. Po flisnim per hidrocentralet, nje nga te cilet e kishte emrin MaCeDun qe e bene kinezet, dhe nje tjeter hipotetik qe mund ta benin amerikanet po qe se do t’ia vinim emrin DonaldTrump. Capish?
Ta them un o shqiptar vendi sa jane ndertuar. …
Nje mender….. ut jane ndertuar
Edhe ato qe kishim amerika jone e “dashur” na I prishi. .ajo na prishi edhe pushket qe Na dha kina dhe tani po i Qi ne bythe politikanet tane…se nuk ka me njerez me byth ky vend..
Edhe s’ka njerez me byth, edhe Amerika po i qi ne byth? Po ku ia gje Amerika bythen atij qe nuk ka byth? Hajde logjike labe hajde safi 100%.
Gjithe jeten i sinqerte dhe i perkushtuar. Sa i mungojne Shqiperise te tille njerez qe dhane gjithcka dhe nuk u ankuan kure! E paharuar skena e largimit nga qeverija e stabilitetit. Falemnderit profesor per gjithcka i ke dhene ketij vendi.
Keta kuadro te devotshem,do te ngelen ne historine e shqiperise si heronje te vertete.
Respekt dhe nderim per kete gjenerate inxhinjeresh dhe teknikesh qe sakrifikuan rinin dhe jeten e tyre ne kantiere gjigante, me nje pune te tipit skllaveror,,,por qe vlersimi per ata sot eshte harruar.Pamvaresisht se cfare lloj qeverie ishte,ajo ka merita te jashtzakonshme per projektimin dhe ndertimin e ketyre veprave ,qe bene te mundur qe Shqiperia te kete nje pavarsi te konsiderueshme ne fushen i energjitikes.Sot e kesaj dite ne Gjermani vlersohet nga gjermanet dhe perendimoret sistemi i autobandave dhe industrise automative te ndertuar ne kohen e Hitlerit,mbasi ne fund te fundit ato mbesin nje pasuri kolosale e vendit.Gjithshka e mire e trasheguar nga diktatura ,duhet vlersuar.
Bukur intervista dhe tregon realisht punen heroike te kryer.
Po nje Radovicka ,se ka disa qe e permendin, a ka lozur ndonje rol ne projektimin e ketyre kaskadave e hidrocentraleve?!!
Me sa me kujtohet e kishin ber dhe antar te Akademis se Shkencave.
Dhe sot u shiten te gjitha !
Agron! Duam apo s’duam ne medalja per keto vepra madheshtore ne rradhe te pare i takon ” Arkitekteve”, e me pastaj zbatusve
Pavaresisht se se sot cfare nuk thuhet per te djeshmen dhe vertet ka shum per te thene, por ama ajo cka i perket Cezarit, eshte e Cezarit !
Eshte e padiskutushme merita e PPSH-s ne transformimin rrenjesor te jetes se vendit. Kjo qe them nuk ka te bej aspak me “enverizmin” , duhet te jemi kritike, por edhe realiste per c’ka kontribuar ky popull ne dekadat qe shkuan.
sali pjergulla mburret se beri nje tunel!!!! Ishte shtet atehere prandaj beheshin gjera kolosale per kohen… sot bejme lulishte, bulevarde, dhe protesta!!!! Respekte z. Emin, nderojeni punen e bere mor palaco te dhjerokracise, boll me bardhe e zi, ishte diktature por ishte shtet
Ju jeni njeriu ma i madh e i veçante, mjeshter i madh, puntor i pa lodhur qe ka nxjerre kombi shqiptar, te quhesh per mu nderi i kombit asht pak0673811120
Mirenjohje e respekt edhe per ju njerezit e punes o Matish. E vute rinine tuaj, jeten tuaj ne sherbim te vendit . Me vjen vertete keq sot,kur shikoj qe brezi yne i lindur ne vitet 60-70, ne vend qe tI ruajme si syte e ballit minimumi,u veme edhe dinamitin shtyllave te tensionit ,per interesa meskine idiote te ndonje politikani bastard.Ky pra eshte ndryshimi mes rinise se sotme dhe heronjve si ju te rinjte e viteve 60 …RESPEKT .
Pse mo Agron, cka ber ky qe ti japin ate dekorat qe thua ti? Po si mund tu jepen ketyre ato dekorata? Per keta qe ndertuan veprat e Socializmit ? pupupu. Ato dekorata jane per njerez me prastigj te larte, psh per kengetare tallavaje, per tradhetaret e horrat e per ata qe i mbushi, presh identi bujar nishanlliu me dekorata, apo harrove? Ps. Respekte per keta HERONJ te Hidrocentraleve.
po pra, jane per disa Horra dhe Gangsterra qe u bene Politikan
kulmaku , sikur te gjithe komentin tend tja varesh ne qafe Sali Berishes nuk do qe ide e keqe , atij tregoja te gjitha sakrificat dhe punen kolosale qe eshte bere , kur punoja me lumverdhe 3 turne ne Fierze , djali i Saliut qe sot eshte bere sipermares kombetar , ishte ne ………. qe mos ta ndyt gojen , ata pisa jo vetem nuk e vleresuan ate pune kolosale dhe me gjak , por e shperdoruan si deshin dhe ne favor personal me pasojat qe dihen nga te gjithe te mos zgjatem dhe te mos dale nga korniza e komenteve…………tung
Jane pune gjigande te nevojshme per zhvillimin e vendit qe ne vitet 50 edhe Tirana ndricuhej me qiri.Keto pune te ketyre permasave u bene nga nje vend I vogel si shqiperia pa asnje baze diturie dhe teknologjie ne ate kohe . Cudia eshte se sot ne Kohen modernizimi I vendit nuk eshte me at I fillimit te viteve 50 te shek te kaluar asnje kompani vendi apo e huaj nuk ben dote hidrocentrale te ketij niveli.Prandaj Zbehet SKavica…Shqipetaret duhet ti jene mirenjohes atij brezi qe sakrifikoi gjithcka per te bere te mundur qe dhe shqiperia e parmendes dhe e qiririt te futej ne rrugen e zhvillimit, rruge qe ka 25 vite qe jo vetem nuk shkoi perpara , por perkundrazi eshte stopuar plotesisht nga te paudhet e injorantet qe drejtojne ket shtet.
Lutje stafit te Gazetes TEMA; per shkak te dashurise se pamate qe keni me Kastriot Dervishin – posaçerisht pronarin e Arkives se Shtetit, postojani kete Interviste te Emin Mysliut qe te rregulloje metabolizmin nga gelbazat.
ha ha ha ha ha …
jene vepra gjigande , te vetmet qe irezistuan shkaterrimit masiv qe ju be shqiperise ne keto dy dekadat e fundit. keto u kryen nga nje gjenerate qe nuk trashegonte asnje dije dhe teknologji spse vendi vinte nga nje prapambetje e thelle shekullore ,kur dhe kryeqyteti I vendit ndricohej me qiri.keto vepra ishin te nevojshme per futjen e vendit drejt nje zhvillimin te gjithanshem ekonomik e teknologjik.Mirenjohja jone shkon tek ky brez I perkushtuar qe bene te pamenduaren jo vetem per ate kohe por dhe per Kohen e sotme qe askush ne shqiperine e sotme te zhvilluar, anje kompani e jona apo e huaj nuk merr guximin te hedhe parate te beje vepra te tilla enrgjitike. Prandaj nuk po behet Skavica..Eshte merite e kesaj gjenerate qe shqiperia nuk u kthye prape ne mesjete gjate shkaterrimit masiv qe pesoi nga barbaret qe drejtojne shqiperine ne keto tre dekadat e fundit.Eshte ky brez qe jo vetem nuk u vleresua por nje pjese e tyre u burgosen e madje u pushkatuan , sic ndodhi me shkencetaret qe zbuluan nje tjetr burim energjitik sic ishte nafte dhe gazi dhe si shperblim u dhane plumbin ballit…Koco plaku me shoke…E thot mire zoti Emin Mysliu.Pa vleresuar kush ishim nuk do njohim kushe jemi sot dhe ku do mbrijme ne te ardhshmen…ka e thjesht po per nje vend qe nxen..
Kur Shqiperia ishte nje vend” Injorant dhe pa shkolle” ku i gjete ti si drejtor ata njerez te talentuar dhe nje grup inxhinjeresh? ne cilin vend ishin edukuar ata talented? Perrallat (Mashtrimet) Enveriste nuk kane te mbaruar.Deri me 1939 me 800 mije banor shqiperia kishte 760 shkolla fillore,shtatevjecare dhe te mesme. Keni dokumentat ne ministrine e Aresimit.
ik mor bolja e Saliut, ik mor loqja e naltmadhnis Zogjit te llampes te vajgurit.
Pse nuk thote qe per blerjen e turbinave te HC Koman ne France jane paguar monedha ari se nuk kishte valute??!!
Keta jan heronje ! keta jane nderi i kombit ne fushen energjitike,ashtu sic ka heronje cdo fushe e jetes tone . Ja pra qe PPSH nuk e shkaterroi Shqiperine ,o ju shpirtkazmat ,ju zemerkatranet qe thoni se PPSH dhe Enver Hoxha shkaterroi Shqiperine. Ju ,zoti Mysliu paci jeten e gjate,por me ikjen tuaj ,po ikin dhe veprat hidroenergjitike. Ju ndertute pe dy vjet nje hidocenral edhe pse hapet tunele deri ne 2km te gjate, tani po bejme 27 vjet qe Banjen e kemi inaguruar 30 here e ende nuk e dim se c’po behet me te. Iken aktoret e regjizoret iken dhe teatrot e filmat shqiptare. Iku dhe “Kinostudiua ” e cila u ngrit me aq dashuri r buje. 27 vjet asnje teater per te qene,asnje film. Iken kompozitoret,iken kengetaret e mirefillte ,iku muzika nga ajo popullore e e lehte. Jane zhvilluar 27 festivale ,me thoni te nderuar cilen kemge keni degjuar ta kendojne te rinjte ,ashtu si kendohej dikur duke fillua nga “Lemza” ” Dritat e fshatit tim” . ” Naes e pas anes o ” Neno moj do pres gershetin” e there e tjere ,apo batutat e filmave qe nuk hiqeshin nga gojs e te rinjeve .. ku jane . Me thoni nje fil qe te diskutohet midid njeresve asht si “Zonja nga qyteti” ” Ne fillim te veres”……… 27 vjet qe therrasim per reforma ne aresim e kulyture . C’fare shohim . Asnje artiste apo artist ne nivelin e Sander Prosit, prokop Mimes, Violeta Manushit te madhe s Tinka Kurti e margarita xhepa. me thoni nje u lutem ! E dini pse s’ka ? Sepse mendja eshte ke leku e jo ke puna. mendja eshte tek seksi e jo te talenti…….. Me thoni ,me thoni cili eshte niveli arsimor . Po mor po ! Mesues gjeografie e nuk dinte se mbi cilin lume ndertohet hidrocentrali i banjes e ku bie Banja ! Qeshni po deshet ,po kjo eshte e verteta. Ndaj o EMIN MYSLIU ju jeni heronje ! Jeni heronje se u edukuate me dashurine per punen e jo pasurine…… MUnd te ishe milioner sot,por kete respekt e mirenjohje nuk do ta kishe kurre…… Po mbi te gjitha pac jeten e gjate e qofsh i nderuar mbi te gjitha qe u largove nga nje parti xhelatesh me emrin PD. JETE TE GJATE!
Le te mesojne brezat nga kjo pune e madhe vetemohues per ndertimin dhe zhvillimin e vendit. Le te bejne dhe krahasimin me politikanet dhe politikat e sotme qe po zhdukin nga rrenjet çdo gje kombtare, me shume se kurre shpirtin e pa epur shqiptar duke shperbere familjen dhe jeten e njerzeve.
Lavdi dhe respekt ketyre njerzeve te medhej.Ju jeni drita e kombit tone .Qofshin te mallkuar gjithe politikanet e pas viteve 90 qe shkaterruan vendin tone.Nuk gjej dot fjale per te vlersuar punen tuaj heroike.Ju do te mbeteni te nderuar nga çdo brez njerzish qe do te lindin ky vend.
Po o Mentar po kishte shume po vetem nje universitet nuk kishte per dreq…ha ha .Enveri? E cfare beri Enveri?.. po thuaj ne shumicen e fshatrave beri dhe shkollen e mesme…Do e kuptosh po ngadale ngadale deri sa te mbarojne genjeshtrat e shkerdhatodemokracise qe u ka dhene shqipetareve nje goditje ne tru te vogel..
Emin Mysliu eshte poersonalitet, inxhinjer i talentuar, drejtues i afte me horizont dhe progresist, qe zgjidhi shume problem te rendesishme teknike ne projdektim e zbatim dhe vecanerisht ne organizimin dhe ndertimin e hidrocesntraleve mbi lumin Drin. Emini diti ti zgjidhte me se miri dhe problemet e sigurimit e mjeteve te renda,deri dhe mungesen e fondeve valutore me kontratoret dhe sipermaresit e huaj, me nje bashkepunim te frutshem…. Emini, meriton te cmohet e te nderohet shume me teper per kontributin e dhene ne ndertimin e ketyre veprave gjigante hidrodenergjitike.
Ju faleminderit shum per gjakun dhe sakrificat per ato vepra qe s’ka perendi ti shkaterroj e jo me pisanjosetset si dervishi.ato jane deshmit e identiteti tone kobetar.edhe mbas 1000 vjetesh do te jen aty aty sic eshte butrinti sot.respekt per kete gjenerat.
Kam punuar ne HEC e Shkopetit kur K/in ndermarje ishte ing. Emini per te cilin kam konsideraten me te larte si njeri dhe specialist. Nuk mund te ri pa kujtuar sakrificen e dhjetra punetoreve Mirditore dhe Matjane te cilet dhane vite nga jeta e tyre per te ndertuar keto vepra qe sot duken te pamundura. Shumica e punetoreve qe punuan ne hapjen e dy tuneleve vdiqen pa mbushur moshen 50 vjec nga pluhuri qe u shkateroi mushkerite. Nuk mund te haroj muajt janar-shkurt kur punohej ne bazamentin e diges dhe punetoret zhyteshin ne uje deri ne brez per te pastruar me thonj zhavorin nga zgavrat e shkembit
Qofshin te bekuar ata njerez te mire, por mallkim per ata qe shiten per 5 kacidhe gjakun dhe djersen e tyre. Me ka ardhur shume keq kur tani kam shkuar ne Shkopet me djalin dhe nipin per ti treguar dicka se ku ka punuar gjyshi dhe nje roje qe rinte nen nje flamur te huaj me ndaloi per te mos ju afruar as godines nga jashte. Megjithate, jam krenar se bashke me njerezit e mire, kemi lene dicka ne kete toke dhe nuk kemi shkateruar. Shendet dhe jete te gjate ing. Emini.
Atehere ishte koha e Emin Myslijve,te gjithe te tille ishin ne sakrifice dhe vetmohim,une i moshuar jam dhe e njoh mire edhe kursimin e pishes apo vajit te perdorur per ndricim .Energjia elektrike ishte clirimi i dyte i shqiperise qe ju shtua prodhimit te naftes dhe gazit,kudo ne te gjitha deget e ekonomise sakrifikohej dhe luftohej per ndertimin e shqiperise qe nuk ishte vecse nje germadhe e trasheguar nga prapambetja dhe lufterat e njepasnjeshme qe keta bythpambukerit e sotem nuk e kane idene se nga vijme e si kemi qene .Sa do te doja qe Berishen,t’a shikoja ne pont te manovres se nje kulle shpimi apo te terhiqte tubot a instrumentin ne dite te acarta dimri ,Bashen,Mediun,Monen e Ilirin te nderronin turnet me njeri tjetrin dhe te hanin buke misri te fshatit Gjinar kur ishte koperative ,bashke me sorollopin e tyre ,dhe ti binin varese apo kazmes e lopates sic i kemi dhene ne ,po keshtu edhe Rama me 5e tijte te vgerrye!in &aleri e tunele sic thote Mysliu pastaj te qeverisnin e te benin opozite. .por kjo eshte utopi ,keta bythe shurre nuk bejne dot veze keta bejne vetem gelasa ,vezet u bene kur u bene ,u. bene a5ehere kur nuk kishte as buke per te ngrene dhe kursenim vakte ….,sot keta zvarranike mbeten duke dekoruar artiste ,e kengetare qe ne cdo kohe kane tallur bythen ….inxhineret teknicienet agronomet et nuk i kane ne refene,Edi Rama i trefishon pensionin Mirushit por n7k e di se sa gabim ben sepse cdo pensionist eshte nje Mirush …
Respektet e mia më të thella për punën tuaj vetëmohuese dhe të palodhur.
Emin Mysliu do te duhej te ishte kryeminister i Shqiperise nga viti 1990 e deri 2000, dhe Shqiperia do te ishte krejt ndryshe..!
Respekte dhe dashuri e pakufishme per keta korifenj te Kombit Shqiptar.
Jete te gjate dhe te lumtur.
Nderi i Kombit tone.
Mori persiper te jepte kontribute te cmuara edhe per demokratizimin e vendit, por mjerisht hienat, batakcinjte, hajdutet dhe sherbetoret e Beogradit ja prene rrugen. Biles flitet se pas 92-shit tentuan ta burgosin dhe me pas ti benin aksident automobilistik, por e shpetoi Zoti. Donin ti mbyllnin gojen.
Ky duhet te ishte qe ne fillim dhe sot President i Shqiperise e jo ky rrugaci i floririt.
Me Emin Musliun dhe shoket e tij sot Shqiperia do ishte bere Zvicer.
Vec ketyre qe thuhen me lart,Emin Musliu eshte dhe ATDHETAR I MADH!…
Kur Sali Berisha filloi manovrat per te prishur Qeverine e Stabilitetit,nje Qeveri Pluraliste,Emin Musliu,
me kujtohet qe ishte kundershtar i madh,dhe tha pak a shume keshtu ne Parlament:
“Une ne kete veprim,shikoj gjak!…”
Mirepo Krimineli Sali nuk e degjoi dhe fatkeqesisht parashikimi i z.Emin Musliu u vertetua …
Me ardhjen ne fuqi te Saliut dhe si pasoje e politikes percarese te tij ,shume djem te rinj perfunduan ne vorreza…
Ja sa del Sali Berisha dhe politikanet e dhjerokracise vlojne sharjet vendce,se nuk ka cfare ben ky popull,..realisht do ta cqyeje me dhembe e s`ka te ngopur me bishen e vucidolit.Flitet per Emin Muslin,nje zotni inxhinjer punetor i heshtur,i punes,i la shqiptareve trashegim driten e syve,,te shohin e te ngrohen me veprat e Emin Mysliut dhe mijra punetoreve te hidrocentraleve qe sakrifikuan jeten neper kantjere.Per Emin Musliun nuk pushojne urimet..Emin Musliu nuk del ne televizor,por te gjithe e njohin.Medaljet me te larta ja ka dhene populli qe e uron sa here ndez ddriten.PO ku ka president te Nderoje Emin Musliun,Ai kapterr shurraqi me gjys mustaqe do te ishte turp ti afrohej Emin Musliut,jo ti varte medalje!
Raqi Mukeli ka qene nje mendje e ndritur ne krah te tij, i cili -pas 20 vjetesh drejtues i Institutit Hidrometeorologjik, kontriboi sebashku me Z Musliu ne ndertimin e hidrocentralit te Fierzes. Studimet e Z. Mukeli, jane ende baza e lendes se hidrologjise ne universitetin e Tiranes, duke vazhduar te jene reference per brezat. Keqardhje qe mungojne ne Shqiperi enciklopedi serioze te shkenctareve dhe personaliteteve, qe kane qene te perkushtuar, e lene vepra te medha pas!
te tille kuadro i duhen shqiperis dhe sote njerze te pergjegjeshem per punen kulturen respektin per puntoret dhe qytetaret respekte per emin musliun nga ramiz manuka ishe punonjes i h,c fierz dhe vau i dajes.