Te fundit
FOTOT: Bllokohen 300 gardelina që po nxirreshin ilegalisht nga Shqipëria
17 Janar 2018, 19:38Kronika
TEMA
Inspektorët e mjedisit në qarkun Korçë në bashkëpunim me policinë e shtetit dhe doganën në pikën kufitare të Kapshticës kanë sekuestruar ditën e sotme 300 gardelina të cilat do të tregtoheshin në shtetin fqinjë.
Shpendët, po transportoheshin në mënyrë të paligjshme me një autobus të linjës Tiranë -Athinë dhe u gjetën në një nga bagazhet e autobusit gjatë aksionit të zhvilluar rreth orës 14.00.
Inspektorët e mjedisit kanë bërë ndalimin në flagrancë të dy drejtuesve të mjetit, me inicialet Dh.B dhe E.V bllokimin e autobusit dhe sekuestrimin e shpendëve. Çështja i është referuar prokurorisë për ndjekje penale ndaj dy shtetasve.
Shpendët e sekuestruar bëjnë pjesë në listën e kuqe të IUCN dhe kanë statusin mbrojtës në Konventën e Bernës, ku janë llojet strikte të mbrojtura të faunës së egër.
Vetëm pak ditë pasi Ministri i Turizmit dhe Mjedisit, Z. Blendi Klosi paralajmëroi nga laguna e Kune- Vainit, ku kryhej Censusin Kombëtar i Shpendëve, për ndëshkim të subjekteve që kapin, tregtojnë apo balsamosin shpendët e rralla, është konkretizuar me sukses aksioni i Inspektoriatit Shtetëror të Mjedisit dhe Pyjeve.
3 komente në “FOTOT: Bllokohen 300 gardelina që po nxirreshin ilegalisht nga Shqipëria”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te kalojne vetingun para se te kalojne kufirin ,
Po te ishte droge dhe mund ta benin nje sy qorr,po gardelia!Ne asnje menyre
Bravo inspektoreve te Korces. Ata kane zbatuar detyrat konkrete qe ka vene Drejtori i Pyjeve Renaldo Çulli dhe ministri Blendi Klosi. Keshtu duhet te ndalohet mafja qe nuk la gje ne token e tyre.