Te fundit
REPLIKAT/ Këshilli i Mandateve, shqyrtohet kërkesa e PS-së për arrestimin e deputetëve, PD: Thyhet Kushtetuta, merreni me etikën
19 Janar 2018, 10:44Politika
TEMA
Mbledhja e Këshillit të Mandateve vijon të diskutojë prej orës 10:00 projekt-vendimin e Partisë Socialiste mbi ndryshimin e rregullores së Kuvendit për arrestimin e deputetëve.
Një nga pikat kryesore në këtë kërkesë të paraqitur është vendosur si kusht paraqitja e provave bindëse nga ana e prokurorisë ku deputetët dhe ministrat nuk mund të arrestohen në bazë indicesh dhe dyshimesh pa paraqitur fakte konkrete.
Deputetët e opozitës kanë kërkuar që kjo pikë të hiqet nga rendi i ditës dhe mos shqyrtohet.
Kërkesa është bërë nga deputeti Eduar Halimi i cili tha argumentoi se nuk gjendet në kalendarin e punimeve.
“Nuk është në kalendarin e Kuvendit. Dhe rregullorja thotë që s’mund të futet në punën e komisioneve pa u fut në kalendarin 3-javor”, u shpreh Halimi.
Nga ana tjetër kreu i KuvenditGramoz Ruçi siguroi deputetët se Këshilli i Rregullores nuk merr vendime por thjesht njihet me propozimet, prezantohet nisma dhe përcaktohet relatorët që në mbledhjet e ardhshme.
“Unë e konsideroj të drejtë kërkesën, të hiqet nga rendi i ditës. Të plotësohen dy javë. Sigurisht jemi vonë por kur pritem dy vjet të presim dy javë. Të mos përdoret politikisht”, nënvizoi Ruçi.
Ndërkohë deputeti demokrat Enkelejd Alibeaj është ndalur tek kodi i etikës ku shprehet se është luks që sot deputetët të analizojnë këtë çështje.
“Luks të diskutosh kodin e sjelljes sot në Parlament. Kanë ndodhur shkelje flagrante të Kushtetutës që nuk kishte ndodhur ndonjëherë. Si zgjedhja e kryeprokurores me 69 vota apo prerja e fjalës së deputetëve të opozitës. Nuk ka ndodhur ndonjëherë që deputetëve të opozitës të i ishte prerë fjala më parë dhe mos i jepej e drejta të mos shpreheshin,” shprehet Alibeaj.
Ndërkohë kryeparlamentari Gramoz Ruçi i është përgjigjur kësaj deklarate duke i kujtuar deputetit demokrat se seancat parlamentare janë rikthyer në normalitet pasi nuk ndodhin më vonesa dhe se deputetët marrin fjalën në bazë të rregullores. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
