Klubi i Partizanit njofton arritjen e marrëveshjes me Milan Culum.
Mesfushori shtatlart, i cili është aktivizuar në kampionatin e Bosnje Hercegovinës me ekipin e Superligës Sloboda Tuzla, ka nënshkruar sot kontratën që e lidh me 15-të herë kampionët e vendit për 1 vit e gjysëm.
Pas firmës së hedhur në kontratë, Milan Culum është prezantuar zyrtarisht si përforcimi më i ri Partizanit.
Një tjetër zyrtarizim tek të kuqtë është dhe afrimi i Lucas Ferreira Cardoso.
Sulmuesi brazilian ka firmosur kontratën me 15-të herë kampionët e vendit dhe do të jetë pjesë e të kuqve deri në vitin 2022.
Sulmuesi 24 vjeçar tashmë do të jetë pjesë e Partizanit pas eksperiencës në kampionatin Maqedonas me ekipin e Pelisterit.