Te fundit
Protesta e opozitës, ambasada e SHBA thirrje qytetarëve të saj: Qëndroni larg Kryeministrisë
26 Janar 2018, 12:53Politika
TEMA
Ambasada e SHBA në Tiranë u ka bërë thirrje shtetasve amerikanë që të shmangin vendet ku nesër opozita do organizojë protestën e paralamëruar.
Përmes një emaili drejtuar shtetasve amerikanë në Shqipëri, ambasada e Shteteve të Bashkuara të Amerikës u kërkon të shmangin qëndrimin përpara Kryeministrisë, sheshit “Skënderbej” dhe sheshit “Nënë Tereza”.
Gjithashtu, ambasada amerikane kërkon nga shtetasit e saj që të mbajnë një profil të ulët gjatë tubimit ditën e shtunë.
Më herët opozita ka paralajmëruar se protesta do të zhvillohet ditën e nesërme në orën 12:00 dhe do të mbahet përpara godinës së Kryeministrisë.
NJOFTIMI I AMBASADËS
Pikat ku do të bëhet mbledhja e njerëzve përfshijnë, por nuk kufizohen vetëm në, lagjet e mëposhtme në Tiranë, Shqipëri:
Bulevardi Deshmoret e Kombit, në afërsi të Zyrës së Kryeministrit
Sheshi Nënë Tereza
Sheshi Skënderbej
Ngjarja: Një demonstrim pritet të bëhet më 27 janar 2018, duke filluar nga ora 10:00. Grupi ka për qëllim të protestojë kundër qeverisë shqiptare. Personeli i Ambasadës së SHBA-ve dhe anëtarët e familjes janë të udhëzuar për të shmangur këto vende gjatë protestave.
Veprimet për tu ndërmarrë:
Shmangni Bulevardin Deshmoret e Kombit, Sheshi Skënderbej dhe Sheshi Nënë Tereza.
Jini të vetëdijshëm për mjedisin tuaj.
Monitoroni mediat lokale për përditësime.
Mbani një profil të ulët. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
