Te fundit
Rishfaqet në Mal të Zi biznesmeni kontrovers Heinrich Thomet, i lidhur me Gërdecin. Sërish me një aferë të dyshimtë
31 Janar 2018, 16:55Rajoni
TEMA
Një fabrikë malazeze armësh, e cila pjesërisht zotërohet nga biznesmeni kontrovers i armëve Heinrich Thomet, aferat e të cilit u zbuluan në vitin 2008 në Shqipëri, u mbyll përkohësisht pas disa aksidenteve të ndodhura vitet e fundit.
Nga Dusica Tomovic
Fabrika më e madhe e armëve në Malin e Zi, Tara Aerospace në qytetin verior të Mojkovaçit, që zotërohet pjesërisht nga tregtari kontrovers i armëve, Heimrich Thomet, u mbyll përkohësisht të martën pas shpërthimit të një dite më parë që plagosi dy punëtorë.
Dy punëtorët pësuan plagë të rënda, kërcënuese për jetën gjatë shpërthimit dhe më pas u transportuan në Beograd për t’u mjekuar në Akademinë Mjekësore Ushtarake Serbe.
Televizioni publik i vendit, RTCG, citoi një njoftim për shtyp të lëshuar nga kompania ku thuhej se fabrika u mbyll pasi autoritetet nisën një hetim për shkaqet e aksidentit të ndodhur të hënën.
“Pavarësisht gjithçkaje që kemi ndërmarrë [për të garantuar sigurinë] dhe rregullat e sigurisë në vendin e punës, dje ndodhi një aksident”, tha kompania.
Kompania nuk zbuloi nëse fabrika u mbyll me urdhër të shtetit malazez ose nëse drejtuesit e vendosën këtë.
Shpërthimi në ish-fabrikën shtetërore ishte i katërti që kur kompania u privatizua në vitin 2014.
Në qershor të vitit 2015, një shpërthim vdekjeprurës vrau punëtorin Slobodanka Koriç dhe la shtatë të tjerë të plagosur.
Në shkurt të vitit 2014, u plagos Gordana Boskoviç, drejtuesja e sektorit të piroteknikës dhe më 24 tetor të njëjtin vit gjashtë punëtorë u plagosën nga një shpërthim.
Heinrich Thomet, biznesmeni në qendër të një skandali që përfshiu furnizimin e Pentagonit me municione shqiptare me destinacion Afganistanin në vitin 2008, është aksioneri kryesor në kompaninë Tara Aerospace.
Thomet qe në listën e atyre që duhen vëzhguar nga CIA si “trafikantëve të armëve” në kohën e marrëveshjes në vitin 2008, sipas një raporti të Kongresit.
Edhe pse kurrë nuk u akuzua për një vepër penale, emri i tij doli në dokumentet e Prokurorisë shqiptare dhe në një raport të Kongresit në SHBA, si një ndërmjetës kyç në aferën shqiptare, që më vonë frymëzoi filmin Hollivudian Qentë e Luftës (War Dogs) të vitit 2016.
Ai u përfshi sërish në sigurimin e municioneve për qeverinë amerikane në vitin 2017 përmes një prej kontraktorëve të saj më kryesorë, gjigantit britanik të mbrojtjes, Chemring.
5 komente në “Rishfaqet në Mal të Zi biznesmeni kontrovers Heinrich Thomet, i lidhur me Gërdecin. Sërish me një aferë të dyshimtë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shikoni o njerez,pse u plagosen dy veta,u mbyll fabrika ne Malin e zi,dhe pezullohet drejtuesi.Ne Gerdec te Tiranes,u be nje shperthim qe i ngjante nje vullkani,u hapen 26 varre,u plagosen 300 te tjere,u rrafshua nga faqja e dheut i gjithe fshati,dhe protogonistet kryesor nuk iu fut asnje gjembe ne kembe,I pari Sali Berisha,pastaj i biri i tij Shkelzeni,ministri i mbrojtjes Fatmir Mediu,dhe drejtues te tjere,kane pergjegjesine kryesore,para ligjit dhe zotit,te cilet meritojne denimin kapital me varje ne litar.
Ku ka veprime mafioze do te gjesh Klanin Duka Zemun dhe Fatmirin Yyyyyyyyyyyyyyy rrace mafiozesh Nuk u ngopet kurre Maskarenj.Ju mallkofte ky vend per cfare i keni bere.PLEHRA
Te vije arome parash dhe mos te gjesh aty Duket dhe Fati Mehdihoxhen E pamundur
Te shfsrosen keta rrace e keqe mafioze Duka–Mediu
O my god!!!!! Cfar shemtiresh te neveritshem