E drejta e votës për shqiptarët jashtë vendit, Majko: Po punohet ngushtë me OSBE-në dhe Komisionin e Venecias

Gjatë qëndrimit në Washington, Ministri i Shtetit për Diasporën Pandeli Majko u takua me përfaqësuesit e Open Gov Hub, një rrjet prej 40 organizatash joqeveritare që vepron në mbi 100 vende, përfshirë edhe Shqipërinë, për të promovuar transparencën, përgjegjësinë dhe angazhimin civil rreth botës. Përfaqësuesit e rrjetit e informuan Ministrin mbi atë çfarë po bëhet në lidhje me Shqipërinë duke përmendur takimin që pritet të zhvillohet në muajin mars me një delegacion prej 22 zyrtarësh të lartë shqiptarë, ndër të cilët 16 Kryebashkiakë.

Qëllimi i takimit në Washington është forcimi i lidhjeve mes Shqipërisë dhe institucioneve amerikane, bashkëpunimi me shqiptarët jashtë vendit e gjithashtu trajnimet mbi modele të suksesshme reformash. Nga ana e tij, Ministri Majko foli në lidhje me reformat dhe hapat që po ndërmerren në bashkëpunim me qeverinë për të forcuar lidhjen e shtetit me diasporën e vet. U përmend funksioni i Këshillit Koordinues, Komisionit Shtetëror dhe Nënkomisionit Parlamentar për Diasporën.

Një prej çështjeve të prekura ishte gjithashtu e drejta e votës për shtetasit shqiptarë jashtë vendit për të cilën siç tha Ministri, po punohej ngushtë me OSBE-në dhe Komisionin e Venecias. Në takim u diskutua edhe lidhur me praktikat më të mira kundër korrupsionit, ndërsa z. Majko foli për platformat e ngritura nga qeveria, të tilla si ajo për bashkëqeverisjen e konsultimin publik. Ministri ritheksoi rëndësinë që ka për qeverinë shqiptare reforma në drejtësi.

Më pas, Ministri Majko i shoqëruar nga Kryeministri i Kosovës  Ramush Haradinaj dhe Ministri për Diasporën në Kosovë, Dardan Gashi morën pjesë në pritjen e organizuar nga Ambasada e Shqipërisë në Washington.

“Ajo që në konsiderojmë diasporë nuk i ka kufijtë e ndara dhe misioni im dhe i Ministrit Gashi është që t’i bëjmë të padukshëm këta kufij mes shtetasve jashtë dhe atyre brenda vendit”, u shpreh Ministri Majko në takim.

Ministri i Shtetit për Diasporën shprehu kënaqësinë për pritjen që iu rezervua në Washington Kryeministrit të Kosovës z. Ramush Haradinaj, diçka që sipas tij, tregon shumë mbi të ardhmen e një miqësie e cila e ka ndjekur Shqipërinë dhe shqiptarët në çdo moment. Majko përmendi gjithashtu rolin e diasporës në mbështetje të pavarësisë së Shqipërisë dhe të Kosovës.

Nga ana e tij Kryeministri i Kosovës z. Ramush Haradinaj foli për rëndësinë e mbështetjes që SHBA i ka ofruar gjithmonë vendit të tij në kohë të vështira dhe kërkoi që kjo përkrahje të vazhdojë edhe në të ardhmen, ndërsa Kosova përballet me sfidën e integrimit ne Bashkimin Evropian.(TemA)

PD nuk i ndahet Arta Markut: Të shkarkohet, të zgjedhim një Kryeprokuror tjetër

12:49 Politika

REPLIKAT/ Përplasja Rama-Berisha: Çfarë nuk u dëgjua dje në Kuvend

12:29 Politika

"Financial Times" befason: Shqipëria mund ta parakalojë Serbinë dhe të anëtarësohet para saj në BE, në 2025-n

11:36 Politika

Çfarë po ndodh me Shkëlzen Berishën: Një histori e akuzave dhe pse “mbiu” papritur nëpër televizione

11:26 Politika

Thellohet skandali/ Shtypi skocez denoncon lobuesit e Bashës, që morën nga PD 150 mijë dollarë: Kompani fantazëm, pastron para të pista!

19:58 Politika

PD-në se “mban vendi” pas votimit për strukturat e vetingut: Ne s’kemi frikë, por votimi ishte i paligjshëm

10:48 Politika

REAGIMI/ Edi Rama: Kanionet e Skraparit nuk preken, kërkojmë ndjesë për gabimin. Ata që donin të bënin këtë krim, do paditen penalisht

10:40 Politika

LSI “shpërthen” kundër ambasadorit Donald Lu, pse reagoi i “lumtur” për ngritjen e strukturave të vetingut (dhe shpall Ramën antihebre dhe antiamerikan)

10:28 Politika

Edi Paloka “akuzon” Blendi Fevziun se “shpëtoi” Saimir Tahirin

09:54 Politika

Fatos Klosi: Ekstradimi i Izet Haxhisë sjell hapjen e procesit të vrasjes së Hajdarit, porositësit s'janë dënuar. Berisha në krye të grupit...

09:52 Politika