Te fundit
Luftëtari pa sulmuesin kryesorë dhe në sfidën kundër Kukësit
13 Mars 2018, 13:13Sport
TEMA
Humbjen me Partizanin të gjithë në Gjirokastër e kanë konsideruar një ditë të keqe dhe se nuk është ai Luftëtari i vërtetë.
Luftëtari i vërtetë duhet të shfaqet nesër ndaj Kukësit, një ndeshje delikate që përcakton shumë për objektivin e Europës.
Dy humbje radhazi do të ishin të papranueshme për gjirokastritët, të cilët presin kampionët pa sulmuesin Vasil Shkurtaj, që nuk ka mundur ta kalojë dëmtimin e pësuar pas ndeshjes në Vlorë.
Kuptohet që mungesa e tij ndihet, por nuk ka asnjë justifikim për Luftëtarin në ndeshjen e nesërme.
Luhet në Gjirokastër dhe ekipi vendës ka edhe një “hak” për të marrë, pas asaj fitoreje të “vjedhur” të fazës së parë, me episodin e famshëm të bilbilit nga shkallët e stadiumit.
Por më shumë fitorja duhet për objektivin madhor të Kupave të Europës. Luftëtari duhet të kthehet me çdo kusht te fitorja.
Lini një Përgjigje
Më të lexuarat
24 oret e fundit
Javen e fundit
Blog Tema
