Te fundit
Akuzat e PD-së për Vettingun në polici, reagon MB: Po tentohet të hidhet baltë mbi procesin
28 Mars 2018, 17:04Kronika
TEMA
Minstria e Brendshme ka reaguar lidhur me akuzat e Partisë Demokratike mbi emërimin e Agim Hysit si drejtor i komanduar tek Çështjet e Brendshme dhe Ankesat (SHCBA).
Pasi deputeti Gent Strazimiri e cilësoi këtë emërim si dëm të vettingut në polici, pasi sipas tij Agim Hysi ka qenë ish gjyqtar në Vlorë dhe Gjirokastër dhe është shkarkuar nga KLD për shkelje, MB thotë se kjo është baltë që hidhet ndaj procesit.
Deklarata e plotë
Lidhur me deklaratën e radhës së PD-së, përmes së cilës tentohet të hidhet baltë mbi procesin e Vetting-ut në Polici, i cili pas miratimit të bazës ligjore brenda pak ditësh do të nisë zbatimin, sqarojmë se:
Z.Agim Hysi nuk është emëruar Drejtor i Përgjithshëm i Shërbimit për Çështjet e Brendshme dhe Ankesat. Ai është Zv/drejtor i Përgjithshëm, i komanduar përkohësisht prej datës 16 mars 2018, me qëllim sigurimin e funksionimit normal administrativ të institucionit, në kushtet e mungesës për momentin të një Drejtori të Përgjithshëm.
Ndërkohë prej datës 16 mars ka nisur procedura për përzgjedhjen dhe emërimin e Drejtorit të ri të SHÇBA-së dhe shumë shpejt është drejt finalizimit.
Sjellim në vëmendjen e publikut gjithashtu se përveç të shkuarës si gjyqtar, z.Hysi ka shërbyer si ndihmës ligjor pranë Gjykatës së Lartë në vitet 2011-2012, si dhe pranë Zyrës së Avokatit të Shtetit deri në emërimin e tij si Zv/drejtor i Përgjithshëm i SHÇBA.
Nënvizojmë se nuk kishte dhe nuk ka asnjë pengesë ligjore që z.Hysi të emërohet apo të qëndrojë në këtë detyrë.
Agim Hysi është pajisur me certifikatë sigurie, vërtetim nga Autoriteti për Informimin mbi dosjet e ish-Sigurimit të Shtetit, si dhe ka dorëzuar rregullisht formularin e Vetë-deklarimit për garantimin e integritetit të personave që zgjidhen, emërohen ose ushtrojnë funksione publike, të gjitha këto përpara se të emërohej në detyrën që mban aktualisht.
Duke iu përgjigjur interesit të medias dhe në respekt të opinionit publik, mbi bazën e Ligjit “Për vlerësimin kalimtar të punonjësve të Policisë së Shtetit, Gardës së Republikës dhe SHÇBA-së”, sqarojmë se edhe vetë SHÇBA-ja do të jetë objekt i këtij ligji, përfshirë zotin Hysi.
Vettingu është dëshmia e qartë e vullnetit tonë për të ndërtuar institucione të forta, me njerëz me integritet, për të konsoliduar Agjencitë ligj zbatuese dhe për t’i barazuar me standardet europiane.(TemA)
1 komente në “Akuzat e PD-së për Vettingun në polici, reagon MB: Po tentohet të hidhet baltë mbi procesin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
MB interesohet ti bej ysmet Hysit (konstaton se nuk ka pengese ligjore qe te zere kete post) apo procesit? Nese eshte kjo e fundit, zgjedhja do ishte tjeter …