Te fundit
Chat Line 5: Plas prostitucioni online në Tiranë, policia godet sërish në flagrancë bazën aktive (detajet)
28 Mars 2018, 10:21Kronika
TEMA
Kryeqyteti gjithnjë e më tepër po njihet me disa baza prostitucioni të cilat përdorin teknologjinë për të ushtruar aktivitetin e tyre.
Së fundmi policia zbuloi një tjetër vend të ushtrimit të prostitucionit virtual ku ka finalizuar me sukses operacioni “Chat Line 5”.
Mësohet se u arrestuan në flagrancë dy vajza që ndodheshin në një apartament në rrugën “Reshit Petrela” duke kryer aktin seksual elektronikisht.
Njoftimi i policisë:
Tiranë
Finalizohet me sukses operacioni “Chat Line 5”
Arrestohen 2 shtetase dhe procedohet penalisht një tjetër për veprën penale “Shfrytëzimi i Prostitucionit”, “Mbajtja e lokaleve për prostitucion” dhe “Prostitucioni”.
Nga ana e Seksionit për Trafiqet e Paligjshme të Drejtorisë Vendore të Policisë Tiranë, u finalizua me sukses operacioni “Chat Line 5”, ku u arrestuan në flagrancë shtetaset:
• B.S., 30 vjeçe, banuese në Tiranë, administratore e një studioje “Chat Line” për veprën penale “Shfrytëzimi i Prostitucionit” dhe ” Mbajtja e lokaleve për prostitucion”, parashikuar nga neni 114/2 dhe 115 i Kodit Penal.
• A.K., 27 vjeçe, banuese në Tiranë, për veprën penale “Prostitucion”.
Gjithashtu u procedua penalisht për veprën penale “Prostitucioni” shtetasja:
• M.A., 40 vjeçe.
Nga veprimet hetimore rezulton se shtetasja B. S., dyshohet se prej një kohe të gjatë, punësonte vajzat e mësipërme dhe i shfrytëzonte ato për prostitucion virtual nëpërmjet internetit, aktivitet i cili kryhej në një apartament në rrugën “Reshit Petrela”.
Gjatë kontrollit në këtë apartament u gjetën dhe u sekuestruan në cilësinë e provës materiale:
• 2 kompjuterë dhe pajisje të ndryshme që përdoreshin për kryerjen e aktivitetit.
Materialet proceduriale i kaluan Prokurorisë së Rrethit Gjyqësor Tiranë, për veprën penale “Shfrytëzimi i prostitucionit”, “Mbajtja e lokaleve për prostitucion” të parashikuara nga nenet 114/2 dhe 115 të Kodit Penal për shtetasen B.S., dhe për veprën penale “Prostitucioni” parashikuar në nenin 113 për shtetaset A.K., dhe M.A.(TemA)
Lini një Përgjigje
Më të lexuarat
24 oret e fundit
Javen e fundit
Blog Tema
