Te fundit
Një firmë fantazmë në Qipro, një avokat grek dhe një pyetje: Nga i mori paratë Ilir Meta për të lobuar në SHBA për partinë e tij?
27 Prill 2018, 10:35Politika
TEMA
Revista amerikane «Mother Jones» hedh dyshime mbi burimin e parave të përdorura nga LSI për lobim në SHBA. LSI dyshohet se paguante deri në 50 mijë dollarë në muaj për lobim. Një nga ëndrrat e Ilir Metës ishte t’i sigurohej qasje te presidenti Trump në formën e një takimi ose fotografie me të, përpjekje që nuk u realizua.
Revista amerikane «Mother Jones» ka botuar një shkrim tjetër hulumtues, mbi përpjekjet për lobim të partive shqiptare në Washington. Shkrimi, sipas Zërit të Amerikës, hedh dyshime mbi burimin e parave të përdorura për këtë qëllim nga Lëvizja Socialiste për Integrim, LSI. Autorë të artikullit janë Dan Friedman dhe Hannah Levintova.
Vitin e kaluar, thuhet në këtë shkrim, ish-kongresmeni republikan Howard «Buck» McKeon u kontraktua nga LSI-ja për t’i dhënë asaj qasje tek administrata e Donald Trumpit dhe republikanët e Kongresit amerikan. Por pjesa më e madhe e punës së firmës së tij u financua nga një kompani fantazmë qipriote me emrin Dorelita. Sipas artikullit, burimi i parave që rrodhën nga Dorelita për tek firma lobuese e zotit McKeon mbetet i errët.
Artikulli i «Mother Jones» shtron pyetjen se kush pagoi për LSI-në, që ajo të lobonte pranë zyrtarëve amerikanë në prag të zgjedhjeve të vitit 2017 në Shqipëri. Shkrimi e vë gishtin gjithashtu te ligjet amerikane të lobimit, që sipas autorëve, ua bëjnë të lehtë interesave të huaja të përdorin kompani fantazmë për të realizuar agjendat e tyre në Washington pa zbuluar identitetet apo qëllimet e tyre.
Në janar 2017, shkruan «Mother Jones», në prag të zgjedhjeve presidenciale dhe parlamentare të Shqipërisë, Grupi McKeon nënshkroi me LSI-në një kontratë lobimi prej 15 mijë dollarësh në muaj. Kontrata nuk u nënshkrua nga zyrtarët e LSI-së, por nga një avokat grek me emrin Iraklis Fidetzis, me të cilin kishte njohje njëri prej njerëzve të LSI-së, Vangjel Tavo. Në shkurt 2017, Grupi McKeon njoftoi se po i jepte fund kontratës me LSI-në. Por një muaj më vonë, më 24 mars, ky grup nënshkroi një tjetër kontratë, të firmosur po nga avokati Fidetzis, kësaj here për të lobuar për kompaninë Dorelita. Sipas «Mother Jones», një burim që kishte dijeni për kontratën, tha se Fidetzis kishte sugjeruar ta paguante Grupin McKeon që ky të vazhdonte lobimin për LSI-në përmes firmës Dorelita. Me kontratën e re të lobimit, që mbulonte një vit punë, shkruajnë autorët, pagesa për Grupin McKeon do të ishte 50 mijë dollarë në muaj, plus shpenzimet, pra më se tri herë më e lartë sesa kontrata e mëparshme me LSI-në.
Sipas burimit, që autorët nuk e citojnë me emër, synimi kryesor i kontratës me firmën Dorelita ishte që kryetarit të atëhershëm të LSI-së, Ilir Meta, t’i sigurohej qasje te presidenti Trump në formën e një takimi ose fotografie me të, përpjekje që nuk u realizua. Kontrata e 24 marsit dhe dokumentet e Grupit McKeon nuk e përmendin me emër LSI-në, shkruajnë autorët, të cilët thonë se Dorelita, si kompani fantazmë, kishte një qëllim të vetëm: të realizonte pagesat për Grupin McKeon në emër të LSI-së.
Autorët përmendin gjithashtu se në prill 2017, Grupi McKeon kontaktoi një numër republikanësh për të organizuar takime për llogari të firmës Dorelita, siç ka deklaruar vetë Grupi në dokumentet e paraqitura Departamentit të Drejtësisë. Por sipas «Mother Jones», burime të shumta i kanë thënë revistës se disa nga këto takime lidhen me LSI-në.
Autorët hedhin gjithashtu dyshime se një vizitë e Vangjel Tavo në Washington në fund të prillit 2017 lidhet me takimet që Grupi McKeon po organizonte me republikanë të Kongresit për llogari të firmës Dorelita. Autorët e shkrimit venë në dukje se ligji amerikan kërkon që firmat lobuese të deklarojnë qeveritë e huaja ose partitë politike për të cilat lobojnë, por Grupi McKeon nuk e identifikoi LSI-në apo Shqipërinë si përfitues të punës së tij për kompaninë Dorelita.
Autorët shkruajnë se nuk ka gjasa që Fidetzis ta ketë financuar vetë fushatën e shtrenjtë të lobimit të firmës Dorelita, por ka vepruar në emër të një pale tjetër. Pyetja që mbetet pa përgjigje, shkruajnë ata, është se kush e financoi lobimin e LSI-së dhe cili ishte objektivi prapa kësaj fushate ndikimi.
Lëvizja Socialiste për Integrim hodhi poshtë të gjitha pretendimet e ngritura në shkrimin e revistës «Mother Jones», duke e quajtur artikullin e botuar prej saj një manipulim, mashtrim, pa fakte dhe të shtrembëruar. LSI-ja publikoi të plotë këmbimin e emaileve me gazetarët e «Mother Jones», dhe përgjigjet e dhëna prej saj, ku ajo thekson në mënyrë të përsëritur se nuk ka asnjë njohje apo lidhje me shoqërinë Dorelita Limited, për të cilën revista ngre dyshime se është përdorur si mbulesë për lobimin në favor të LSI-së.
Zëri Amerikës u përpoq të kontaktonte deputetin e LSI-së Vangjel Tavo, për t’u interesuar për lidhjet e tij me avokatin grek Iraklis Fidetzis, i cili firmosi në emër të LSI-së kontratën e lobimit mes kësaj partie dhe grupit McKeon, apo dhe për faktin që sipas revistës «Mother Jones», ai dyshohet se kishte realizuar një vizitë në Washington në muajin prill, si pjesë e lobimit përmes shoqërisë «Dorelita Limited». Tavo nuk ju përgjigj telefonatave dhe as mesazheve të korrespondentit të Zërit të Amerikës në Tiranë.
10 komente në “Një firmë fantazmë në Qipro, një avokat grek dhe një pyetje: Nga i mori paratë Ilir Meta për të lobuar në SHBA për partinë e tij?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
mos e trajtoni leshtelikes si parti pabuksash.kane para ata sa te blejne gjysmen e shqiperise.ah,harrova,jane mesuar ata ti bijen qylit dhe per nje foto kalimthi te like floririt foten ne offshore.shiheni,brenda dy javesh likja ne maqedoni.nuk i rrihet pa gruevskim.mos i kerkon ndonje foto me putinin tani,se me trump mbaroi pune.
Ilir meta me eksperience 26 vjeqe nevjedhe e trafik te gjitha formave,ka disa dhjetra miliona ne banka te huja.
vetem perkujtoni blerjen e voteve ne kembim te nje telefoni aifon.kuptohet per ata qe drejtojn komuna e fshatra.
blerje votash me para nga emigtacioni shqiprar ne greqi.
Dinakrija e tije ne vizita ne beigrad.
sesi i fshehi te gjjtha krimetbe fatos nanos dhe te tije ne ps famkeqe.etj….
Po kaq lek e pasuri paska pas ky vendi yne. Hambare paska qene. Merr berisha,nano,meta me gjithe grua,merr basha e medi merr e merr espaska te mbaruar. Pi ckujtojne keta zagare se nuk del e verteta. Dek ore del sheshit e mmjere ai popullqe i jem vote ketyre mizerive. Le te nxirret nje ligj ne parlament ose me referendum qe te shkurtohen nr.i deputeteve,hajduteve ,te behet nen njeqind. Kemi dhe buxhet me te mire pastaj.
Dore_elita
Po Kane edhe ata ferma . Pse , pa parcela Jane keta ? Ne Shqiperi te gjitha grupet politike bejne tregeti kanabisi . Nuk mjaftojne parate qe jep shteti per ti mbajtur ne kembe . Per kuotat e anetaresise as qe behet fjale . Bizneset japin , Por nuk mund te ngopin barkun e madh te partive . Vjedhin shtetin . Po , kjo eshte e vertete . Pi edhe aty do shtrish kembet sa ke jorganin . Fitimi eshte natyrshem me i kufizuar , per shkak te dokumentacionit e ligjit . Prandaj kam bindjen , qe politika e larte ne Shqiperi, ka termat e veta te vetesubvencionit . Po te degjosh ekspertet , flitet diku ke rreth 5 miliarde ne vit . Ja ta Zeme se gjysma kapet nga agjencite ligjzbatuese . Jane mbi dy miliarde çdo vit . Plus parate qe vijne nga kriminele qe paguajne per t’ju shmangur denimeve . Parate e deklaruara nga qeraja e apartam , dyqan , jo e shiti , jo e bleu , nuk e jusifikojne luksin e shftenuar . Lere pastaj te paguash edhe lobiste . Ore jeni ne metro ? Ça eshte Shqiperia , BCE ? Kjo eshte çeshtja . Te tjerat Jane uje ne hava . Nuk mjaftojne parate e korripsionit per nje ushtri te tere . Me aq pasuri , ne nje kohe kaq te shkurter , qe Kane akumuluar politikanet ne Shqiperi, biznesmenet apo politikanet ne “Itali” , do dukeshin si klase puntore .
LëSëi
o pullëkuqe
që kur linde
kishe huqe
kur nga Mëma
u shkëpute
more namë
si hajdute.
*
LëSëi
o preçedent
kryetari
president
sherrin sherr
e bën përditë
me të shoqen
opozitë.
*
O “parti”
me dy pronarë
dy-tre buçe
plot zagarë
ca kapterë
e shum ushtarë
treçereku
duhen vrarë.
*
LëSëi
tahma e madhe
pozitare
u vetshpalle
nashti rri
edhe vajton
ca në burg
ca në pension.
***
I mori nga shitja e thesarit qe vodhi kur ishte ne krye te ps dhe kryeminister. Mjaft me kete hipokrizi se na e shpifet po na beni per te vjelle. Sinqerisht.
Po eshte e vertete qe ligji amerikan nuk do tja dije nga vine parate,vetem te vijne ketu thone kongresmenet,senatoret etj.
Imagjinoni sa perfaqesues te Shqiperise apo te vendeve te tjera qe lobojne per “interesat” e tyre per “ndihme” nga politikanet amerikane tek partia e punes se Klintonit,Obames,Bushit,Trumpit etj.
Ligji amerikan i lobimeve ua ben te lehte interesave te huaja te perdorin kompani fantazem!
Ku eshte “demokracia” ketu dhe nuk duan tja dine nga vijne parate?
Ju kujtohet qe Italia dhe Amerika nuk njifnin Qeverine e Nolit vetem se nuk donte te shiste pasurite e nentokes atyre?
Me ardhjen e Ahmet Zogollit qe u be Zog cdo gje ne rregull.
Edhe sot e njejta orkester.
Dashuria e “shqipetareve” per Ameriken eshte e pakufijshme por nuk mjafton,duhen akoma para,para,para vetem per nje fotografi.
Nga taksa paguesit shqiptare
Je i modh o gopisti…ja ke qendisur sic duhet. Kjo parti e quajtur lsi e ka prer bileten pa kthim .parti badakcinjesh,hajduter ,matrapazesh,Duhet eleminuar nga rrenjet nga like floriri deri tek i fundit manjani .Eshte per tu habitur qe keta opozitaret tane duken qe ne surrat qe jane hajdute e anti shqiptare. Domethene jame per ne burg jane edhe te shpifur hiq ndonje si grida dume qe eshte pak kurve ……mos u merzisni se do dali e verteta se ku i kan gjetur parate keta te leshelise.