EMRAT: Botërori i Rusisë, me përjashtime të bujshme

Listat paraprake të disa kombëtareve të futbollit për Botërorin e kësaj vere kanë sjellë përjashtime të bujshme.

Së fundmi te Spanja dhe Argjentina, dy pretendente për trofeun, në listën e trajnerëve respektivë mungojnë lojtarë që mund të ishin në çdo formacion të ekipeve finaliste. Trajneri i Spanjës ka lënë jashtë sulmuesin e Chelsea, Alvaro Morata dhe Sergi Roberton e Barcelonës.

Po kështu iberikët nuk do të kenë në turneun e kësaj vere, edhe Marcos Alonson ndërsa janë preferuar Diego Costa, Aspas e Rodrigo.

Skuadra e Spanjës do të nisë grumbullimin e saj në 26 maj, pikërisht në të njëjtën ditë kur Reali i Madridit do të luajë në finalen e Ligës së Kampioneve ndaj Liverpool.

Te Argjentina përjashtimi më i bujshëm është ai i sulmuesit Mauro Icardi.

Futbollisti i Interit nuk është në listën e skuadrës favorite për Botërorin, ndërsa ka vend në të, për juventinët Higuain dhe Dybala.

Edhe trajneri i kombëtares së Belgjikës bëri disa zgjedhje të diskutueshme në seleksionin, të cilit do t’i besojë në Botërorin e kësaj vere në Rusi.

Ashtu siç pritej, Eden Hazard do të jetë motori i belgëve në fushë, ndërsa ofensiva fantastike do të përbëhet gjithashtu nga sulmuesit e Manchester United, Romelu Lukaku dhe Maruan Fellaini.

Ka një risi në listë me përfshirjen e Kristian Benteke pavarësisht një sezoni të varfër te Crystal Palace, por surpriza më e madhe ishte lënia jashtë e Radja Nainggolan.

Futbollisti i Romës ka qenë në një formë optimale në Serinë A dhe në Ligën e Kampioneve, por do ta shohë Botërorin si tifoz.

Përjashtimi ka sjellë dhe vendimin e Nainggolan për të mos luajtur më me përfaqësuesen belge.

“Trukimi” nga Korça dhe morali nga Tirana

21:35 Sport

Rivalët e skuadrave mbarëshqiptare në kupat e Europës

16:42 Sport

Kukësi, plani për Europën zbardhen dëshirat e trajnerit Pakult

16:16 Sport

Liçensimi i klubeve për kompeticionet Europiane, katër ekipe nuk liçensohen

16:05 Sport

Borxhi i Tiranës, Gjergji Muzaka: Zgjidhja u takon atyre, ata janë në hall

15:38 Sport

Finalja e Kupës së Shqipërisë, biletat dalin në shitje

15:17 Sport

Kroacia, trajneri Zllatko Daliç shpall listën me 24 lojtarët e grumbulluar

14:52 Sport

Spanja në Rusi pa Moratan, Callejon dhe Suson

14:45 Sport

Drejt "Rusi 2018": Gjermania Perëndimore, kampione pas 20 vjetësh (1974)

13:16 Sport

Me të rinjtë edhe në Kukës, te Flamurtari bëjnë gati listën e rinovimeve

13:10 Sport