Te fundit
PROFILI: Ndahet nga jeta në moshën 80-vjeçare Akademiku i Gjuhësisë, Kolec Topalli
24 Maj 2018, 13:25Kulturë
TEMA
Eshtë ndarë nga jeta në moshën 80-vjeçare Akademik Kolec Topalli, një personalitet i shquar i shkencave albanologjike dhe një njeri i drejtë, human, idealist, një nga fisnikët e rrallë që kujtonte me gjithçka shkodranët e fisëm e të shquar të kohëve të shkuara.
Biografia e tij:
Punën shkencore e ka nisur në fillim të viteve ’70, duke u përqendruar në fushën e historisë së gjuhës shqipe. Ka dhënë leksione dhe ka mbajtur konferenca shkencore për historinë e gjuhës shqipe në Kosovë, Maqedoni e Mal të Zi, si edhe në disa universitete e qendra shkencore jashtë vendit (Kozencë, Romë, Lecce, Palermo, Bari, Napoli, Mynhen, San-Peterburg, Detroit, Bukuresht, Zagreb, Glaskow, Krakov, Riga etj.). Ka botuar artikuj shkencorë në disa revista të huaja (Gjermani, Itali, Rumani, Bullgari, Rusi, Kroaci etj.); ka referuar në shumë simpoziume e seminare ndërkombëtare dhe është anëtar i redaksive të disa revistave. Për 15 vjet radhazi (1994-2009) ka dhënë leksionet e Fonetikës historike në Fakultetin e Filologjisë të Universitetit të Tiranës. Për kontributin e tij në fushën e arsimit, në vitin 1993 është nderuar me titullin e lartë “Mësues i Popullit” dhe për meritat në fushën e shkencës, në vitin 1994 ka marrë titullin shkencor “Drejtues kërkimesh” (“Profesor”).
Është zgjedhur anëtar i Akademisë së Shkencave në korrik të vitit 2008; rektor i shkollës së lartë “Gjon Buzuku” Shkodër në vitin 2010; anëtar i Akademisë së Shkencave dhe Arteve të Kosovës në vitin 2012. Vepra “Fonetika historike e gjuhës shqipe” është nderuar me çmimet “Ekselenca Shqiptare 2007” dhe “Çmimi i Albanologjisë 2008”. Më 2011 ka botuar veprën “Gramatikë historike e gjuhës shqipe” dhe është shpallur fitues i çmimit të Akademisë KULT 2012 për librin studimor më të mirë të vitit. Ka përfunduar veprën “Fjalor etimologjik i gjuhës shqipe” që është botuar në vitin 2018. Publikime (Monografi, Vepra kolektive, Përmbledhje studimesh)
VEPRA TË BOTUARA
1) GRAMATIKË HISTORIKE E GJUHËS SHQIPE, Shtëpia botuese “Kristalina”, Tiranë, 2011, 1740 f.
2) BAZAT E GRAMATIKËS HISTORIKE TË GJUHËS SHQIPE, Shtëpia botuese e librit universitar, Tiranë,2011, 301 f.
3) SISTEMI FOLJOR I GJUHËS SHQIPE, Shtëpia botuese “Plejad”, Tiranë, 2010, 667 f.
4) SISTEMI RASOR I EMRAVE TË SHQIPES, Shtëpia botuese “Plejad”, Tiranë, 2009, 470 f.
5) NYJAT E SHQIPES, Shtëpia botuese “Toena”, Tiranë, 2009, 380 f.
6) EVOLUCIONI HISTORIK I PËREMRAVE TË SHQIPES, Qendra Ndërkombëtare e Kulturës “Pjetër
Arbnori”, Tiranë, 2008, 296 f.
7) RICERCHE SULLA STORIA DELL’ACCENTO IN ALBANESE, Università della Calabria, Cosenza, 2007, 234 f.
8) FONETIKA HISTORIKE E GJUHËS SHQIPE, Shtëpia botuese “Dituria”, 2007, 712 f.
9) BAZAT E FONETIKËS HISTORIKE TË GJUHËS SHQIPE. Shtëpia botuese e librit universitar. Tiranë, 2005, 174 f.
10) DUKURITË FONETIKE TË SISTEMIT BASHKËTINGËLLOR, Shtëpia botuese “Mësonjëtorja”, Tiranë, 2004, 330 f.
11) FËRKIMORET E AFRIKATET E GJUHËS SHQIPE, Shtëpia botuese “Dita 2000”, Tiranë, 2003, 388f.
12) MBYLLTORET E GJUHËS SHQIPE, Shtëpia botuese “Gjergj Fishta”, Tiranë, 2002, 388 f.
13) SONANTET E GJUHËS SHQIPE, Shtëpia botuese “Mësonjëtorja”, Tiranë, 2001, 466 f.
14) SHNDËRRIME HISTORIKE NË SISTEMIN ZANOR TË GJUHËS SHQIPE, Shtëpia botuese “Toena”, Tiranë, 2000, 456 f.
15) ZHVILLIMI HISTORIK I DIFTONGJEVE NË GJUHËN SHQIPE, Shtëpia botuese “Toena”, Tiranë, 1998, 418 f.
16) PËR HISTORINË E HUNDORËSISË SË ZANOREVE, Shtëpia botuese enciklopedike, Tiranë, 1996, 196 f.
17) THEKSI NË GJUHËN SHQIPE, Shtëpia botuese enciklopedike, Tiranë, 1995, 532 f.
8 komente në “PROFILI: Ndahet nga jeta në moshën 80-vjeçare Akademiku i Gjuhësisë, Kolec Topalli”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
RIP nje prej mjeshtrave te medhenj te gjuhes shqipe.
Nje shkenctar dhe shqiptar i vertete qe punonte dhe vetem punonte dhe kerkend nuk shqetesonte.
Fjalori Etimologjik i Gjuhes Shqipe qe doli ne librari perpara 2 muajsh eshte kryevepra e tij.
Nje liber me vlera te jashtezakonshme, dhe me nje guxim shkenctari.
Asnje shqiptar deri me sot nuk kishte guxuar te bente nje liber te tille, pas Eqerem Cabejt (i cili u nda nga jeta pa arritur te mbaronte gjysmen e tij).
Humbje e madhe per kombin shqiptar.
U prehtë në paqe e në Përjetësi
një humbje për Kombin, për ne o shqiptarë
Ja bëj unë kabull ne respekt e mirësi
Që ishte shef protokolli në Saliun e Parë!
TEMA, korigjoni shkrimin.
Fjalori Etimologjik i Gjuhes Shqipe nuk do te botohet me 2015, por eshte botuar ne 2018 dhe ka dale ne shitje.
Eshte vepra me e madhe e Kolec Topallit dhe si e tille duhet vene ne krye te listes.
JU LUTEM NUK KA NEVOJ TA POSTONI KETE SYGJERIM
Nuk shante , nuk mallkonte , nuk ankohej , nuk mposhtej . Kur te tjeret qarraviteshin nga mungesa e detyruar e kenaqesive , ai i gjente ato me shumice , bile nga puna e tij krejt individuale , e paprogramuar apo e paguar , tek gjetjet qe ai realizonte per dite ne problemet e gjuhesise shqipe ., qofte edhe nen driten e kondilit , por me libra , fletore dhe lapsa . Kur nuk ke asnje komoditet dhe mundesi per kenaqesi , por e gjene ate permes produkteve tua , kjo perben nje vlere te veçante . Prandaj Koleci iku , por vlera e tij I mbetet , sepse gjuha jone do te jete gjithmone dhe per te gjithe . Keqardhje per vuajtjet e tij , entuziast per produktet qe ai ka lane , trishtim per largimin e tij .
Po si e nxjer gjuhen shqipe ky Topalli?
Dikush thote se na e nxjerr 97 perqind me prejardhje sllave dhe vetem 7 perqind prej ilirishtes.A eshte e vertete ose jo kjo ceshtje?Ky zoteria,Celo Mezanaj ka shume dijeni per kete Kolecin,a mund te na shpjegoje si eshte e verteta?
Fluturoj dhe shtërg i fundit, madhështor,
me shpirt të gjorë
Dyke ikur që-me-natë sipër malesh me dëborë”
Shume i ditur, i mençur dhe i forte, mbi te gjitha shqiptar i kulluar. Te perfundosh studimet per matematike dhe gjithe jeten t’ia kushtosh gjuhes shqipe do te thote se endra e tij ka qene te behej zoterues i nje gjuhe te madhe qe e flet nje komb i vogel. Nuk ka pasur njeri me skrupuloz se ai. Vetem disa çaste kam kaluar me te dhe njoha nje njeri qe s’ishte i afte te bente keq. U kujtofte dhe u nderofte nga ata qe e kane ne dore.
Festojne gazetarucet se nuk ka kush i korigjon me per masakrimin e gjuhes shqipe!!!