Humbja turpëruese me Kosovën, flet Armando Duka: Mbrëmë ishte një natë e madhe, gëzuar kudo që ndodheni

Presidenti i FSHF-së Aramand Duka, ka reaguar pas humbjes turpëruese që Kombëtarja shqiptare mori në miqësoren kundër Kosovës.

Përmes një deklarate për shtyp, Duka mundohet të justifikohet se kjo ishte thjesht një sfidë miqësore dhe e madhe për të gjithë shqiptare, ç’ka sipas tij nuk është e nevojshme që të bëhej shkak për anatemime, negativitet dhe baltë.

Megjithatë, Duka ka pranuar se ishte një ditë e errët për përfaqësuesen duke shtuar se pret reflektim nga ekipi që në sfidën miqëore kundër Ukrainës.

Deklarata e Armand Dukës

Të nderuar dashamirës të Futbollit, shqiptar kudo ku ndodheni!

Mbrëmë ishte një ditë e madhe për shqiptarët kudo që ndodhen: realizuam një ëndërr të kahershme, miqësoren e zyrtarizuar mes dy ekipeve të një gjaku Kosovë-Shqipëri. Qe një ditë e madhe për shqiptarët kudo që jetojnë, por nuk mund ta mohoj që ishte një dite e errët për kombëtaren tonë. Por, ndodh në futboll, ka edhe ditë si kjo, megjithëse askush nuk i dëshiron. Unë uroj dhe besoj shumë që skuadra, stafi dhe të gjithë ne,  do të dijmë që ta lexojmë këtë paraqitje të keqe sportive.

Kjo skuadër ka shumë e më shumë potencial dhe uroj që këtë ta tregojë menjëherë që në ndeshjen e radhës me Ukrainën. Kosova luajti më mirë se ne, dhe për këtë unë i përgëzoj dhe nuk kam pse ta fsheh që jam i lumtur për suksesin e këtij ekipi, si të ishte Shqipëria.

I uroj nga zemra shumë suksese ekipit të Kosovës në të ardhmen e tij.

Nga ana tjetër, e kam jo pak të vështirë të kuptoj, të besoj, e jo vetëm unë, por edhe shumë nga qytetarët e paindoktrinuar dhe pa paragjykime në të dyja anët e kufirit, se si një ndeshje miqësore vëllezërish, të bëhet shkak për anatemime, negativitet dhe baltë nga disa të pa udhë , të cilët kërkojnë me cdo kusht të bëhen “protagonistë” të neveritshëm duke menduar se po i hedhin benzinë një “zjarri” që nuk ekziston aspak. Shqipëria dhe Kosova luajtën thjesht një ndeshje sportive.

Kombëtarja e Shqipërise ka qenë e hapur për futbollistët e të gjitha trevave shqiptare. Ne kemi patur nevojë për futbollistë cilësorë, dhe ata kanë pasur dëshirë që të shprehin cilësitë e tyre, dhe njëherësh të japin kontributet e veta në të vetmin ekip shqiptar.

Të gjithë bashkë kemi bërë krenarë çdo shqiptar në çdo cep të globit , me vepra e jo me lehje. Ne kemi lobuar me pasion dhe me fanatizëm që Kosova të ketë këtë Federatë që ka edhe sot. Ndaj, një miqësore midis vëllezërish, me çfarëdo rezultati, duhet të na gëzojë të gjithëve më shumë.

Kjo është e gjitha, ishte thjesht një miqësore: autokritikë Shqipëria, dhe urime Kosova. Për të tjerat e kam të pamundur të futem në debate me analistë politikë, apo edhe ish-presidentë, që brenda 24 orësh gdhihen trajnerë futbolli, këndej dhe andej kufirit.

Gëzuar shqiptarë kudo që ndodheni!

(TemA)

Nëna e Ronaldos zgjedh ekipin e ardhshëm të portugezit

19:12 Sport

Vllaznia, zbulohet çeku “1 miliardë lekë” i një dështimi të madh!

19:05 Sport

PROFIL/ Një histori suksesi: 20-vjeçari nga Tropoja në fronin e kampionit

17:53 Sport

Zviceranët: Shqiptarët kundër shqiptarëve, në tokën e shqiptarëve

16:37 Sport

Humbja e Shqipërisë ndaj Kosovës, reagon Pjerin Ndreu: Krenarë që u mundëm nga vëllezërit e vegjël

16:16 Sport

A do të luhet me Ukrainën? Absurditeti i FSHF-së: Shkojmë atje edhe nëse nuk luajmë

16:03 Sport

Deklarata pas ndeshjes, reagon Shala: E kisha me trajnerin italian dhe analistët

14:16 Sport

Statistikat: Pësojmë gjithmonë gol, Panuçi na kthen në epokën e Kuzhes

12:45 Sport

Drejt “Rusi 2018”: Pas 42 vjetësh, Italia përsëri në fronin e kampiones (2006)

12:15 Sport

"Ku humbe Armandinjo? Ku humbi magjia e sistemit tënd fitues?"

11:56 Sport