Te fundit
E bujshme te Argjentina, Messi dhe Aguero udhëheqin eksodin
22 Qershor 2018, 19:24Sport
TEMA
Pas Kupës së Botës, Lionel Messi do të udhëheqë eksodin masiv të yjeve të Argjentinës nga futbolli ndërkombëtar.
Argjentina mban ende shpresa në një kualifikim të munshëm për në fazën e 1/8 të finales, pavarësisht humbjes zhgënjyese 3-0 ndaj Kroacisë.
Nga ana tjetër, trajneri Jorge Sampaoli po përballet me një revoltë të futbollistëve, me skuadrën që thuhet se është zhgënjyer nga stili i tij menaxherial.
Kur kishin mbetur edhe 36 minuta lojë në ndeshjen ndaj Kroacisë, me Argjentinën që mundej 1-0, Sampaoli nxorri nga loja yllin e Manchester City, Sergio Aguero.
Ky i fundit, në përfundim të ndeshjes tha se Sampaoli “mund të thotë çfarë të dojë”.
Ndërkohë, nga burime pranë kontigjentit të Argjentinës raportohet se një numër i konsiderueshëm i futbollistëve në cilësinë e “senatorëve”, do të largohen nga përfaqësuesja, në përfundim të Kupës së Botës në Rusi, duke u kryesuar nga Messi dhe duke përfshirë Agueron, Marcos Rojo, Ever Banega, Angel Di Maria, Javier Mascherano, madje me shumë mundësi edhe Gonzalo Higuain.
Lini një Përgjigje
Më të lexuarat
24 oret e fundit
Javen e fundit
Blog Tema
