Te fundit
Portieri i Argjentinës: Pata kërcënime, gafa ime do të kthehet në anekdotë
28 Qershor 2018, 12:26Sport
TEMA
Këto ishin ditë të vështira për Willy Caballero, i cili, pas gabimit serioz të bërë gjatë ndeshjes Argjentinë-Kroaci, tani mund të festojë me shokët e tij kualifikimin për në 1/8 finale të Botërorit, çka u sigurua me fitoren kundër Nigerisë, por vetë e pa nga pankina.
Portieri, i zëvendësuar nga Armani, ia ka besuar mendimet e tij Instagramit, duke rrëfyer atë që ndodhi: “Unë jam tashmë i qetë, pas një rezultati kaq pozitiv dhe kualifikimi. Ajo që më ka ndodhur do të bëhet vetëm një anekdotë”.
Ka diçka, megjithatë, që Caballero thjesht nuk mund ta harrojë:
“Ishte një turp, një gabim dhe pranova gjithçka, por, gjithashtu, mora shumë mungesë respekti, kërcënime, gjëra të këqija, bile edhe për familjen time. E gjitha kjo nuk më ndihmoi”.
Së fundi, portieri e mbylll me falenderime:
“I falenderuan ata njerëz, që më mbështetën dhe e kuptuan gjendjen time. E pranoj faktin se kam gabuar, por kurrë nuk kam dashur që familja ime të jetojë kaq ditë të këqija”.
Lini një Përgjigje
Më të lexuarat
24 oret e fundit
Javen e fundit
Blog Tema
