Te fundit
VIDEO: Vallja shqiptare që "çuditi" Moskën në vitin 1957
1 Korrik 2018, 14:19Kulturë
TEMA
Vallja devolliçe është një ndër perlat e krijimtarisë popullore shqiptare e cila renditet mes valles së Osman Takës, valles së Dumresë apo edhe valleve epiko-lirike në veri të vendit.
E kultivuar dhe trashëguar mirë brez pas brezi, ajo konsiderohet si një lloj mjaft dinamik, ku valltarët shfaqin forcë dhe energji në lëvizje.
Arkiva Qëndrore e Shtetit, ka përcjellë një video ku grupi folklorik i krahinës së Devollit ka përfaqësuar Shqipërinë dënjësisht në vitin 1957 në Moskë.
Festivali Ndërkombëtar i Rinisë së asaj kohe, nderoi Shqipërinë me Çmimin e dytë duke vlerësuar secilin prej artistëve.
Aktiviteti zgjati në segmentin kohor 28 korrik-11 gusht 1957, dhe pati mundësi që të njihej me një ndër thesaret e trashëgimisë kulturore shqiptare.
Krahina e Devollit, shquhet për vlerat folklorike, ku në historinë e saj janë shënuar balada, ninulla, këngë, valle, zakone dhe rite.
Këto gjenden të përshkruara edhe në letrat e shkrimtarit të madh Dritëro Agolli, i cili një pjesë të gjerë të krijimtarisë së tij letrare ja kushtoi vëndlindjes. (TemA)
1 komente në “VIDEO: Vallja shqiptare që “çuditi” Moskën në vitin 1957”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nderroni vitin tek titulli,se e keni bere 1975.Ne kete vit nuk ka pas shans shqiptare te shkonte ne Rusi,jo te hidhte valle.