Javën e shkuar, gazetarët e gazetës dikur më të madhe të Turqisë, ZAMAN, u dënuan me 8 deri në 10 vjet burg si anëtarë të një organizate terroriste të armatosur.

Gazeta ZAMAN u konfiskua në mars 2016 dhe u ndalua menjëherë pas grushtit të shtetit të diskutueshëm të 15 korrikut 2016. Të gjitha pasuritë e saj i kaluan thesarit shtetëror.

Gazetaria ka qenë një profesion i rrezikshëm në Turqi kohët e fundit. Sipas Qendrës së Stokholmit për Liri, e cila u krijua nga gazetarët turq të mërguar në Suedi, aktualisht 178 gazetarë janë në burg, 143 syresh janë të kërkuar, ndërsa 61 prej tyre tashmë janë të dënuar.

Me këto të dhëna, Turqia, e cila është një vend kandidat për në BE, ku liria e shprehjes thuajse adhurohet, është burgu më i madh i gazetarëve në bot, madje shumë përpara Kinës. Kina, në fakt, vjen e dyta në renditje, me distancë nga Turqia.

Shifrat më të fundit nga Ministria e Drejtësisë bëjnë të ditur se pothuajse tre persona paditen çdo ditë në Turqi për arsye se kanë ofenduar Presidentin Erdogan.

Reporterët pa kufij (RSF) me bazë në Paris e kanë renditur Turqinë në vendin e 157-të nga 180 vende, në indeksin e fundit botëror të lirisë së shtypit. Turqia është më keq se Uganda, Ruanda dhe Kongo në këtë listë. Shqipëria dhe Kosova vlerësohen në vendin e 75-të dhe të 78-të sipas të njëjtit indeks.

Ndonëse kolegët e mi janë akuzuar se janë pjesë e një organizate terroriste të armatosur, prokuroria nuk ka qenë asnjëherë në gjendje të paraqesë ndonjë provë ku të mbështeste pretendimet. Nuk u gjet asnjë armë, nuk u zbulua kurrfarë propagande për terror, as nxitje për për rebelim të armatosur apo ndonjë komunikim që lidh gazetarët me celula terroriste.

Mbi të gjitha, aktakuzat rezultuan një farsë, e denjë për raste studimi. Armatimi i vetëm që prokuroria gjeti ishte artikujt, lajmet dhe një reklamë televizive që u transmetua gati 9 muaj përpara përpjekjes së grushtit të shtetit të korrikut 2016.

Në fakt, prokurori ishte i vetëdijshëm se nuk kishte kurrfarë krimi, por ai duhej të shpikte një. Në aktakuzë ai tha: ‘Edhe në artikujt e tyre, që duket se nuk kanë veprimtari kriminale, ata (kolumnistët ZAMAN) kanë shkelur të drejtat e burrështetasve dhe autoriteteve qeveritare …’.

Prof. Shahin Alpaj, i cili u dënua me 8 vjet e 9 muaj burg në javën e kaluar u akuzua për ‘agjitacion e propagandë’.“Krimi i tij i vetëm ishin artikujt kritikë që ai shkruante si kolumnist.

Shpikja më e mahnitshme nga prokuroria ishte akuza që e përditshmja ZAMAN dinte për grushtin e mallkuar të 15 korrikut, 9 muaj e 10 ditë para se të ndodhte. Prova ishte reklama televizive që ZAMAN kishte transmetuar në tetor në disa kanale televizive.

Vështirë të besosh, por e vërtetë, aktakuza thosh: “Në mediat dhe faqet e internetit të organizatës, një reklamë ishte transmetuar në 5 tetor për gazetën ZAMAN. Pas një imazhi ajror të një qendre të qytetit ku dëgjojmë sirenat, një fëmijë po buzëqesh në ekrane. Ne vlerësojmë se kjo reklamë në fakt po paralajmëronte grushtin e afërt të shtetit….

Menjëherë pas 9 muajsh dhe 10 ditësh nga lançimi i reklamës televizive me sirena e imazhin e një qyteti të shkatërruar së bashku me profilet e fëmijës së qeshur, u bë grushti i shtetit. Kjo nuk mund të jetë thjesht rastësi.”

Presidenti Erdoan po ndërmerr një spastrim të pashembullt dhe një gjueti shtrigash të rrallë në historinë turke kundër lëvizjes Gylen, Hizmet, që ai pretendon se ishte pas përpjekjes së dështuar për grusht shteti.

Obsesioni i tij rreth lëvizjes nuk kufizohet me Turqinë. Kur 6 shtetas turq u rrëmbyen në mënyrë të paligjshme në Kosovë dhe u deportuan me nxitim në Turqi në fund të marsit, shumë prej nesh u tronditëm kur pamë se si një vend aspirues për BE mund të jetë vullnetarisht pjesë e një komploti të tillë të turpshëm.

Menjëherë pas fitores elektorale të Erdoganit më 24 qershor, tre gazeta dhe një stacion televiziv u ndaluan. Sikur shumë gazetarë të ZAMAN-it të mos ishin në burg, babai i pronarit të fundit të ZAMAN-it, Xhelal Afshar u arrestua. Z. Afshar është 86 vjeç dhe me probleme të rënda shëndetësore.

Gazetaria do të vijojë të jetë një nga profesionet më të rrezikshme në Turqi nën regjimin e Erdoganit. Ne shpresojmë shumë që shqiptarët në Shqipëri, Kosovë apo Maqedoni do të kenë Bashkimin Europian si një model, e jo regjimin gjithnjë e më autoritar të Erdoganit.

7 komente në “Reklama televizive që i thotë të gjitha (dhe një rrezik për shqiptarët)”

kazani mediatik says:

16 Korrik, 2018 11:55 te 11:55 am

Mire e ke ti more zoteri, po nuk mendon keshtu Edi Rama, qe gdhihet dhe ngryset duke share shtypin dhe gazetaret. Vetem se nuk ka b… e Erdoganit qe t’i arrestoje, sepse edhe ate do ta vente. Shikoni, lajmet e fundit qe thone se Erdogan e mbylli teatrin. Ketij tonit nuk ia mban te shkoje deri atje, sidoqofte edhe kaq sa po ben nuk eshte pak. Fundja as gazetaret, as artistet tane nuk jane aq dinjitoze sa te “meritojne” burgut. Nga nje kocke sa per te lepire u mjafton.

Përgjigjjuni
1. Cudia says:
  
  16 Korrik, 2018 17:16 te 5:16 pm
  
  Ti kazani mediatik duhet te kuptosh se egziston nje dallim i madh midis medias shqiptare dhe asaj turke. Ne Turqi media publikon skandale per nje shtet qe tashme eshte ne diktature, gje qe e thote Evropa. Ne Shqiperi po ndodh e kunderta. Media shqiptare eshte biznesi qe pastron parate e droges dhe prostitucionit dhe ku te ashtuquajtur gazetare shpikin dhe bejne te pamunduren te mos verifikojne te dhenat. Si ka mundesi qe jane ngritur institucione mediatike moderne ne nje vend qe eshte me i varferi ne Evrope? Ku eshte ngashmeria midis Rames dhe Erdoganit? Rama ben politiken e duhur per mbajtjen pozitive te marrdhenieve me Turqine pasi askush nuk mund te fuse hunden ne punet e brendshme te nje shteti. Eksperienca me i mire per kete eshte diktatura e Enver Hoshes ku bota nuk e preku por na la ne m…in tone.
  
  Përgjigjjuni
Tonis says:

16 Korrik, 2018 13:33 te 1:33 pm

Artikull propogande per Europen e “civilizuar” dhe “demokratike” E cila ferkonte barkun kur sllavet bashke me greket i thernin shqiptaret pa dallim moshe kur i debonin nga trojet e tyre etnike.

Përgjigjjuni
1. Boboo says:
  
  28 Korrik, 2018 06:09 te 6:09 am
  
  Kjo eshte ajo qe quhet ndryshe:
  Pasojat e enverizmit.
  Komemt per tven duart ne koke.
  Sbehemi kurr ne me rob si ata qe fshihen pas Tonis…
  
  Përgjigjjuni
Janulles me sqepar kokes says:

16 Korrik, 2018 16:37 te 4:37 pm

Kete autorin e shkrimit Selcuk Gyltashlle, do e fusim dhenderr ne shtepine e tfgs-it. Hahahahaha…

Përgjigjjuni
toni says:

17 Korrik, 2018 17:48 te 5:48 pm

Gazetaria eshte profesioni me i pandershem ne bote..

Sepse mund te krijoje shpifje dhe te mbushe opinionin duke e bere te bardhen te zeze dhe te zezen te bardhe, pastaj kur duhet te jape llogari, fshihet pas lirise se fjales se lire.. Edhe pse demi i shtremberimit eshte bere i madh me pare.. Erdoganit Bravo i qofte, edhe ketu nga ne duhet te behet po keshtu. E kane torturuar publikun me kroniken e zeze dezinformimet dhe pislleqe politike..

Përgjigjjuni
1. Lindor says:
  
  28 Korrik, 2018 06:06 te 6:06 am
  
  Fiks lindor je Toni.
  Nje person qe duket i marrosur pas demokracise,
  po nje admirues deri ne palce i komunizmit.
  Na ka lene me pasoja enverizmi.
  Si pjesa e madhe e shqiptarve, ballkanasve…
  
  Përgjigjjuni